GÉNESIS 3:1 - Enhlit Bible

¹ Inyitnec nic nat maa nimisma. Acmovan nic nat nimisma, am colhnoc moc asoc navjac apquilantipquiscama Dios Apyimtalhnamo. Intomjac nic nat nimisma ayanya quilvana: —¿Naso ya apcascama Dios coltovamcoc aclhamoclhojo yamit acyilhna?— nic nat intomjac.

GÉNESIS 3:1 Iomraidhean Croise

ECLESIASTÉS 4:10

Aptiyacmec sat ancoc aplhalhma nalhit amay, epasingvotac sat poc. Aplhinquic sat ancoc aplhapco, etyamoc sat nalhit amay, mepasingvotayc sat maa, ayinyema mepqui aplhalhma.

ISAÍAS 27:1

Eyanmongsiclhac sat Visqui ingac actemaclha anco nimisma sinavocpo, acvisay Leviatán, actemaclha anco acmasom, najan acmovan jingajic. Comatong sat maa, moc acvisay dragón congne yingmin acvanyam, ayinyema sovo acvinatem acmajamtic apmaycam Visqui ingac yoyam ingyajic.

SAN MATEO 10:16

Aptomjac alhta mocjam Jesús: —¡Quip elanojo quellhip! Pac olapajacsic quellhip malha nipquesic naysicsa asoc navjac aclom. Eltamilsojo sat apquilvalhoc eltimjic malha nimisma. Noelovquis nasa apquilvalhoc, eltime sat malha valhaay.

SAN MATEO 4:3

Yejemoc alhta acvaa acyipconma apnaclha Jesús. Intomjac alhta ayanya Jesús: —¿Naso ya lhquip Dios Apquitca? Ingyane sat cotniclha nintom as mataymong —alhta intomjac.

SAN MATEO 4:6

Intomjac alhta ayanya: —¿Naso ya lhquip Dios Apquitca? Ityim sat coning. Ityim sat coning. Ayinyemaclha acyitna actalhesomalhca: Dios sat elanic ángeles apquilasinancama, yoyam eltamilsic lhip. Elmoc sat tacja lhip, yoyam copalvotayc apmancoc mataymong —alhta intomjac.

SAN MATEO 4:9

Intomjac alhta yavey ayanya Jesús: —Apquilticlhiquic sat ancoc aptapnaoc sicnaclha. Epayasoc sat ancoc lhip, olmesic sat aclhamoclhojo asoc —alhta intomjac.

2 CORINTIOS 11:14

Cotnaja acpilapquiscama ongvita. Eycaso actemaclha yavey Satanás yoyam coyitsalhcojo anco ángel Dios apcasinancama apquinyema ayitsayolhma.

2 CORINTIOS 11:3

Incacoc enquenyic elyinimsacpoc sat quellhip. Malha alyinimsomalhca intomjac apquilvalhoc quellhip, acno ilhnic nat nimisma acyinimquiscama Eva. Asilhtec quellhip apquilasicjayo Cristo.

1 SAN PEDRO 3:7

Najan lha quellhip acma apnatamcaa. Noeltamongvomjo nasa olhma acnaclha apnatamcaa. Elyasamcojo quellhip actemaclha quilvana, am coyimnac ayimpejic. Elpasim sat mataa apnatamcaa. Inquillhocac lhama quellhip acyimnatem ingnenyaoc ayinyema Dios cotmongvoycamlha nelha. Eltamilsacpojo apanco lhama apnatamcaa yoyam colhojoc sat moc apquilmalhnancama.

EL APOCALIPSIS 12:15

Inquinyec alhta quilvana. Yejemoc alhta actipsa yingmin sinavocpo, malha ayinyema avalhoc sinavocpo yoyam covayvesamcoc quilvana. Malha vatsam alhta intomjaclhac yingmin.

EL APOCALIPSIS 12:9

Intipsalhquic alhta netin sinavocpo najan allhalhmaa, innec alhta alhantamo as nalhpop. Ayinyemaclha actomja mataa alsilhnanoncama enlhitaoc lhalhma anco. Actomja acvisay nano nimisma, moc acvisay yavey diablo najan acvisay yavey Satanás.

EL APOCALIPSIS 20:2

Appatjitquic alhta ángel sinavocpo actomja acvisay nano nimisma, moc acvisay yavey diablo najan yavey Satanás. Apquilpilhtitquic alhta cadena acvaycmo mil años.