GÉNESIS 27:4 - Enhlit Bible

⁴ Ingyajan sat apitic actemaclha alhta sicmajayo mataa otoc. Jesantimquis sat yoyam otoc. Oltimnacsic sat lhip altamila sicpayvam yicpintama siyitsepma— nic nat aptomjac.

GÉNESIS 27:4 Iomraidhean Croise

GÉNESIS 14:19

Actamila ilhnic nat appayvam apvisqui Melquisedec appamejitquiscama Abram: Altamjoc lhip epasmoc Dios Apyimtalhnamo, aptomja apquillanay nic nat netin najan nalhpop.

GÉNESIS 24:60

Intasic nic nat apquilpayvam naato Rebeca: Lhiya ingyalhing. Elhamongvomoc sat lhiya atovana. Apquilyimnatem sat eltimjic atovana. Elvocjingvomoc sat cotnaja ingmoc— nic nat intomjac apquilpayvam.

GÉNESIS 27:14

Aplhinquic nic nat Jacob. Apnalantac nic nat. Apcajac nic nat yataay apquitcoc. Ingjancasquic nic nat inquin, actemaclha alhta apmayjayo mataa etoc Isaac.

GÉNESIS 27:17

Inmasquic nic nat apitic acjanma najan pan yoyam esaclhesic Jacob.

GÉNESIS 27:19

Aptomjac nic nat Jacob apcanya: —Coo nac Esaú, lhip apquitca sictomja sicteyam emamyi. Alyajaclhoc coo aptomjaclha lhac seyanya. Ilhaticja, ilha netin. Itov sat sicyamonquilhma. Jeltimnas sat altamila appayvam— nic nat aptomjac.

GÉNESIS 27:23

Am nic nat eyicpilcac Isaac. Ayinyema apvita alvinatem ava apectengaoc. Apquiltamjoc nic nat eltimnacsic altamila appayvam.

GÉNESIS 27:25

Aptomjac nic nat Isaac apcanya: —Ingva, sictamongvoyam. Jimques siclho apitic apyamonquilhma yoyam otoc. Natamin oltimnacsic sat altamila sicpayvam— nic nat aptomjac. Apsaclhesquic nic nat aptom yoyam etoc apyap. Apsantimcasquic nic nat uva yingmenic. Aptovquic nic nat Isaac, apyinquic nic nat.

GÉNESIS 27:27

Apyipitcangvocmec nic nat Jacob. Appitsisquic nic nat apmalhimpenic. Inticjancasquic nic nat apyap apquilantalhnama. Apquiltimnasquic nic nat appayvam altamila: Naso nac lhip sictamongvoyam, eticjancasquic apyimpejic. Malha acpanma amyip intomjac seticjanquiscama, ayinyema amyip apyisponcama Dios Apyimtalhnamo.

GÉNESIS 27:31

Apjancasquic nic nat apitic apyap, actemaclha apmajayo mataa etoc. Apsaclhesquic nic nat apyap. Aptomjac nic nat Esaú apcanya apyap: —Tata, ilhaticja. Itov sat apitic sicyamonquilhma. Jeltimnas sat altamila appayvam— nic nat aptomjac.

GÉNESIS 27:5

Inlingac nic nat Rebeca actemaclha Isaac appamejitquiscama apquitca Esaú. Aplhinquic nic nat Esaú. Asoc navjac nic nat aptingyac yoyam esantimsic apyap.

GÉNESIS 27:7

Itingya sat asoc navjac. Jeyajanquis sat apitic yoyam otoc. Oltimnacsic sat lhip altamila sicpayvam napato Dios Apyimtalhnamo yicpintama siyitsepma— lhac aptomjac.

GÉNESIS 27:9

Iyas sat apyinatamaclha yataay. Inalanta sat apcanit yataay apquitcoc apnamilay. Ongvajansic sat yoyam etoc sat lhip apyap actemaclha alhta apmajayo mataa etoc.

GÉNESIS 28:3

Altamjoc coo epasmoc sat lhip Dios Apyimtalhnamo. Elhamascasiclhac sat lhip aptovana. Elhamiclhac sat lhip apquileyvam lhalhma anco.

GÉNESIS 48:9

Apcatingmavoc nic nat José: —Coo eyitquic, Dios semquescama as yoclhilhma Egipto— nic nat aptomjac. Aptomjac nic nat apyap apcanya José: —Ingyane sat jelyota yoyam oltimnacsic actamila sicpayvam— nic nat aptomjac.

GÉNESIS 49:28

Eycaso apquilvisay 12 apquilmolhama Israel. Eycaso actamila appayvam apquilyap apquilanama apquitquic.

SAN LUCAS 2:34

Apquiltamjoc alhta Simeón, yoyam epasmoc Dios sicaa inquin: —Ca incolanojo, etnimsacpoc sat ayitca nipyesicsa enlhitaoc co Israel. Elpilapongsic sat aplhamoclhojo. Elansiclhac sat netin poc aplhamoclhojo. Malha sat cotnejic ningilyotayaclha asoc acvanomalhca.

SAN LUCAS 24:51

Naysicsa apquilmalhnesquiscama alhta apmiyaclho netin.

HEBREOS 11:20

Meyasquiyam nic nat innac Isaac, Abraham apquitca. Apquilmalhnescasquic nic nat Dios Isaac yoyam epasmoc Jacob najan Esaú apquiltomja Isaac apquitquic. Apvitac nic nat Isaac asoc yoyam colvac sat.

JOSUÉ 14:13

Innec nic nat acvaticjapquisa Caleb ayinyema Josué. Aplhocac nic nat tingma apvisay Hebrón, yoyam etnejic apanco najan aptovana apancaoc.

JOSUÉ 22:6

Yiplovcoc nic nat apquilmalhnesquiscama Josué apayvasa apnaymacoc. Apquiltajaclhec nic nat maa.