GÉNESIS 24:15 - Enhlit Bible

¹⁵ Am nic nat epenesac apquilmalhnancama. Pilapcasquic nic nat apvita quilvana ayitcoc acvisay Rebeca. Betuel apquitca ilhnic nat Rebeca. Insantac nic nat yatingvalhva. Betuel inquin nic nat acvisay Milca. Apyap nic nat apvisay Nacor. Apipma nic nat apvisay Abraham.

GÉNESIS 24:15 Iomraidhean Croise

GÉNESIS 11:27

Eycaso ilhnic nat Taré aptovana. Apquitquic nic nat apvisay Abram najan Nacor najan Harán. Lot apyap nic nat Harán.

GÉNESIS 11:29

Inquilyimjapquic nic nat Abram. Aptava ilhnic nat Sarai. Inquilyimjapquic nic nat Nacor. Aptava ilhnic nat acvisay Milca. Inyap nic nat apvisay Harán. Inyalhing nic nat acvisay Isca.

GÉNESIS 21:14

Alhtooc anco nic nat aplhaticja Abraham. Appatimcasquic nic nat moc aptava nintom pan najan yingmin asoc ayimpejic najan ayitca, Ismael apquitcoc. Appayvasquic nic nat Abraham. Inlhinquic nic nat quilvana yoclhilhma actamopeycaoc acvisay Beerseba. Am nic nat coyasamcoc acyasaclha.

GÉNESIS 24:14

Ingyane sat oyasamcojo lhama quilvana aptomja apyacyescama lhip. Pac otnejic sat ongvanic lhama quilvana ayitcoc: Coyitnocjas sat yatingvalhva, pac oynic yingmin — sat otnejic ongvanic. Jeyatingmojoc sat quilvana ayitcoc: Iyin. Pac oyacvesic sat najan acyinaycaoc apnatoscama voncayispoc — sat cotnejic. Motnatsejec sat coo quilvana ayitcoc lhip apyacyescama, yoyam etnejic aptava Isaac. Motnatsejec sat lhip aptomja apquimlaycmo visqui ajac Abraham— nic nat aptomjac apquilmalhnancama.

GÉNESIS 24:24

Incatingmavoc nic nat quilvana ayitcoc: —Betuel apvisay coo tata. Inquin eyca acvisay Milca, apyap apvisay Nacor.

GÉNESIS 24:45

Am lhac openesac silmalhnancama. Pilapcasquic lhac acvactamo Rebeca. Insantac lhac yatingvalhva. Intalhningvoctac lhac acyitnaclha yingmin acyatma yingmin yatingvalhva. Actomjac lhac siyanya: Pac oynic siclho yingmin ac— lhac actomjac coo.

GÉNESIS 25:20

Invocmec nic nat cuarenta años Isaac alyimjapa Rebeca. Betuel apquitca ilhnic nat Rebeca. Inyalhing nic nat apvisay Labán. Aptemolhama ilhnic nat arameos apquileyvam yoclhilhma Padan-aram.

GÉNESIS 29:5

Aptomjac nic nat Jacob apquilanya: —¿Apquilyicpilco ya quellhip Nacor apquitca apvisay Labán?— nic nat aptomjac. Apquilatingmavoc nic nat: —Eje, ningyicpilcoc nincoo— nic nat apquiltomjac.

GÉNESIS 29:9

Naysicsa appamejitquiscama nic nat Jacob acvactamo ilhnic nat quilvana acvisay Raquel. Actamilquiscama inyap apnatoscama ilhnic nat Raquel. Impacjentac nic nat nipquesic.

SALMOS 34:15

Visqui ingac aptomja aptamilquiscama enlhit apquilpeyvomo. Apjalhnoc mataa actemaclha apquililmalhnaycam.

SALMOS 65:2

Apjalhnoc mataa lhip ningilmalhnancama. Apquilyocmec lhip enlhitaoc lhalhma anco.

ÉXODO 2:16

Apnacmec nic nat nicja yamilquit. Pilapcasquic nic nat apvita siete quilvana ayitcoc. Sacerdote co Madián apquitquic nic nat as quilvanaa. Inquilvoctac nic nat yamilquit yoyam colyatimsic yingmin inyap apnatoscama.

PROVERBIOS 31:27

Acmovan innac colhingsic actamjaycam tingma ac, mepqui ayanjingvoyam.

ISAÍAS 58:9

Eltimjic sat quellhip seyevoycam coo, ongvatingmojoc sat coo. Apquililtamjoc sat ancoc quellhip, yoyam opasingvota, otnejic sat ongvanic: Acnec coo así. Apquilvatsamquic sat ancoc quellhip apquilvenéycam poc, najan apquiltimesquiscama apquilmapsom poc, najan apquilantipquiscama apquilvisay poc.

ISAÍAS 65:24

Sat cotnejic yicpintama selmalhnaycam asoc, olyejiclhojoc sat coo. Ongvaylhojoc sat naysicsa selpamejitquiscama enlhit.

RUT 2:17

Incansaclhec nic nat acyilhna acpaliyam amyip apanco Booz. Intalhnacmec nic nat. Invocmec nic nat ayansayclha actic aclicamalhca, malha veinte kilo cebada actic.

RUT 2:2

Nalhit acnim nic nat intomjac. Intomjac nic nat Rut ayanya Noemí: —Pac omyaclhac amyip. Am sat ancoc elmiyavac enlhitaoc apquiltamjaycam. Ongvansiclhac sat acyilhna acpaliyam, apquilsovjomo inlhojo apquilyatemenma — nic nat intomjac. Incatingmavoc nic nat inyipyamong: —Noc maa — nic nat intomjac.

1 SAMUEL 9:11

Apquilmiyaclhec nic nat tingma apvanyam. Apquiltajanyac nic nat quilvanaa ayitcoc alyayjayam. Apquiltomjac nic nat apquilanya: —¿Apne ya as tingma enlhit apyascamco apanco? — nic nat apquiltomjac.