GÉNESIS 24:10 - Enhlit Bible

¹⁰ Apquilyacyesquic nic nat asoc altamila anco Abraham yoyam elmecsic. Apnalaclhec nic nat diez apnatoscama voncayispoc. Apmiyaclhec nic nat apquilancam yoclhilhma Mesopotamia, tingma pac apvisay Nacor.

GÉNESIS 24:10 Iomraidhean Croise

GÉNESIS 11:26

Invocmec nic nat 70 años aptiyascam Taré. Aptiyacmec nic nat apquitquic apvisay Abram najan Nacor najan Harán.

GÉNESIS 11:29

Inquilyimjapquic nic nat Abram. Aptava ilhnic nat Sarai. Inquilyimjapquic nic nat Nacor. Aptava ilhnic nat acvisay Milca. Inyap nic nat apvisay Harán. Inyalhing nic nat acvisay Isca.

GÉNESIS 11:31

Aplhinquic nic nat Taré. Tingma Ur yoclhilhma Caldea ilhnic nat apquimpac. Apyasquic nic nat yoclhilhma Canaán. Apquillhalhmaa Taré ilhnic nat apquitca apvisay Abram najan apipjenim apvisay Lot najan aptava acvisay Sarai. Apquilvoclhec nic nat tingma Harán. Apquillanac nic nat tingma.

GÉNESIS 11:32

Invocmec nic nat 205 años aptiyascam Taré. Apquitsepquic nic nat tingma Harán.

GÉNESIS 22:20

Nalhit acnim nic nat intomjac. Abraham apyalhing nic nat apvisay Nacor. Nacor aptava ilhnic nat acvisay Milca. Aplingac nic nat amyaa Abraham apquilvisay apyalhing apquitquic.

GÉNESIS 24:2

Apquevam nic nat Abraham apquilancam metnaja apquitcoc. Apquimja apmamyi ilhnic nat apquilancam. Aptomjac nic nat Abraham apcanya apquilancam: —Ipatningvojo sat eyvoc.

GÉNESIS 24:22

Inpenasquic nic nat acyinaycaoc yingmin apnatoscama. Yejemoc nic nat aplica oro asoc alyinmom. Seis gramos nic nat invocmoc lhama asoc alyinmom. Apyipitcasquic nic nat avajic quilvana ayitcoc. Cien gramos nic nat invocmoc anit asoc alyinmom ningatquiscama ingmic. Apmasquic nic nat quilvana ayitcoc.

GÉNESIS 24:53

Apliquic nic nat mocjam plata najan oro asoc alyinmom najan apava. Apmasquic nic nat quilvana ayitcoc Rebeca. Apquilmasquic nic nat moc asoc quilvana inyalhing najan inquin.

GÉNESIS 27:43

Lhip sictamongvoyam, ingyeylhojo sicpayvam: Ingyinyi sat, iyas sat tingma Harán, tingma pac eyalhing apvisay Labán.

GÉNESIS 29:1

Apquimpaclhec nic nat Jacob. Apmiyaclhec nic nat nipyesicsa enlhitaoc co actiyapmaclha acnim.

GÉNESIS 29:2

Apvitangvocmec nic nat amyip lhama yamilquit. Apvitac nic nat Jacob apquilyanca nipquesic nicja yamilquit. Natqui ilhnic nat apyinatem. Apquilyinamquic nic nat yingmin ayinyema as yamilquit. Acyivey nic nat mataymong ayapma atong yamilquit.

1 CRÓNICAS 19:6

Apquilyasamcoc nic nat amonitas actemaclha aclom apvalhoc apvisqui David. Apquilpamejitsacpec nic nat Hanún najan apnaymacoc amonitas. Apquilapajasquic nic nat soycam amyaa yoclhilhma Mesopotamia, najan Siria, najan Maaca najan Soba. Apquilpatmaoclhec nic nat treinta y tres toneladas (33.000 kg) plata acyanmongam, yoyam elpasingvotac singilpilhtetemo netin carros najan nolhing apcapaoc.

LOS HECHOS 2:9

Apnam asi enlhitaoc co Partia najan co Media najan co Elam najan co Mesopotamia najan co Judea najan co Capadocia najan co Ponto najan co Asia.

DEUTERONOMIO 23:4

Apquilyinyovquic nat quellhip yoclhilhma Egipto, yoyam elmilanic sat apquileyvomaclha apancaoc. Apquilmiyovquic nat aptoycaoc najan yingmin apyinaycaoc. Apquilyinyovquic nat acyanmongam aplhoy Balaam, Beor apquitca, apquinyemaclha Petor yoclhilhma Mesopotamia, yoyam elinmelham napatavo quellhip, elhenic appayvam acmasom.