GÉNESIS 23:4 - Enhlit Bible

⁴ —Cotnaja sicmolhama inyicje quellhip. Altamjoc oyanmongsic lhopactic ayitcoc yoyam ongvatoynic ayitsepma— nic nat aptomjac.,

GÉNESIS 23:4 Iomraidhean Croise

GÉNESIS 17:8

Omquecsic sat yoclhilhma Canaán aptiyascamcaclha lhip. Cotmongvoyam nelha sat cotnejic apmayclha lhip. Coo sat otnejic Dios Visqui apancaoc aptovana niptamin”— nic nat aptomjac Dios.

GÉNESIS 23:5

Apquilatingmavoc nic nat enlhitaoc hititas:

GÉNESIS 3:19

Copaliclhac sat lhip apyimis aptingyey aptom acvocmo acnim apquitsepma. Cotniclhac sat mocjam lhip apyovoclhojo lhopactic. Ayinyemaclha lhopactic alhta apquinyemac lhip. Lhip aptomja inyelpa. Etniclhac sat mocjam lhip lhopactic — nic nat aptomjac Dios.

GÉNESIS 47:9

Apcatingmavoc nic nat Jacob: —Invocmec 130 años sictiyascam. Acyavataclhojo intomjac najan acyimtalhnama. Ajolhec nic nat apquiltiyascam sicyeyjamcaa, am olhnoc coo— nic nat aptomjac.

GÉNESIS 49:30

Acvisay yoclhilhma Canaán. Moc acvisay amyip Macpela acpayjo tingma pac Mamre. Abraham alhta apmam apyanmonquiscama acyiplomo amyip apác Efrón. Apquiltamjoc alhta cotnejic apquilatoynamacpilha apmolhama.

GÉNESIS 50:13

Apquitsaclhec nic nat yoclhilhma Canaán. Apquilatoynquic nic nat amyip acvisay Macpela. Abraham nic nat apmam. Efrón nic nat apyamasma as amyip. Nicja Mamre tingma pac nic nat as amyip, acpayjo actiyapmaclha acnim.

1 CRÓNICAS 29:15

Ningno nincoo ningilyeyjamcaa ningileyvam cotnajaclha ningilaoclha, ningiltomja malha maycaa. Malha pisquisca ningilyitsomalhca nincoo mepqui aljalhneycam ingilvalhoc.

JOB 30:23

¿Acyasamcoc coo, jeyantemiclha sicpasmom enlhit mepqui asoc, naysicsa aplingaycamco acyimtalhnama?

SALMOS 119:19

Malha maycaa sictomja as nalhpop. Noyilhasquis nasa singanamaclha appayvam.

SALMOS 39:12

Visqui, ingyeylhojo silmalhnancama. Ingyeylhojo siliclhangveycam. Jelanojo naysicsa sicyapcalhem (sicvinama). Maycaa coo napato lhip. Apquilno ilhnic nat sicyeyjamcaa.

ÉXODO 2:22

Aptiyacmec nic nat ayitca. Apquiltimec nic nat apvisay Gersón. Intomjac nic nat apvalhoc Moisés: Actomjac coo maycaa cotnajaclha siyaoclha — nic nat intomjac.

ECLESIASTÉS 12:5

Eyampac sat lhip apquinamta inlhojo netin, etyamoc sat naysicsa aplhingam lhip. Colvitalhcac sat ilhnamoc yamit almendro. Enatovascsic sat sova ninganma, comalhquejec sat acyilhna alcaparra yamit. Lhip apmaclha sat cotnejic congne malhic. Inlingalhquic alyapcalhem quilvanaa apvalhoc tingma.

ECLESIASTÉS 12:7

Natamin acvisay lhopactic cotniclhac sat mocjam lhopactic. Cotajojoc sat apnaclha Dios ningvanmoncama espíritu inganco, aptomja singmescama siclho Dios Visqui ingac.

ECLESIASTÉS 6:3

Apnec sat ancoc enlhit najan cien apquitquic, etniclhac sat apvanyam, mepqui eyca acpayjayclha apvalhoc naysicsa aptiyascam, alhto sat cotnejic aptiyascam. Mengyatoynacpejec sat ancoc actemaclha mayayo. Apyitsomacpo as enlhit lhama sicaa actiyam lapamqui:

LEVÍTICO 25:23

Jave quellhip apancaoc yoclhilhma apquileyvomaclha, actomja eyca coo ajanco. Colapvanquejec quellhip elyinyoc amyip acyanmongam solyayem. Quellhip apquiltomja malha maycaa apquileyvam yoclhilhma ajanco.

LOS HECHOS 7:16

Apquilsaclhec nic nat apjapaoc tingma Siquem. Apquilnincanveclhec nic nat tacjalhop. Abraham nic nat apyanmonquiscama siclhoc anco. Apmescama nic nat solyayem Hamor apquitquic apnaycam nic nat tingma Siquem.

LOS HECHOS 7:5

Am nic nat emcasac nicja ayitcoc amyip. Aplhenquic nic nat Dios Ingyapam emquesic sat yoclhilhma. Elhcac sat Abraham najan elhquiclhac sat aptovana niptamin. Am nic nat apquitca ma Abraham.

HEBREOS 11:9

Meyasquiyam nic nat innac Abraham. Apvoclhec nic nat yoclhilhma cotnajaclha apcaoclha aplhanmaclha Dios actomja nasoc yoyam elhcac. Apquillanac nic nat carpa appaclhanma. Apvajanamquic nic nat Abraham apquitca Isaac. Apvajanamquic nic nat Abraham aptavin Jacob. Apquilanyacpec nic nat as apcanit yoyam ellhovac lhama apquilyap Abraham, actemaclha aplhanma Dios actomja nasoc anco.

1 SAN PEDRO 2:11

Quellhip elyalhinga. Quellhip apquiltomja malha maycaa apquileyvam cotnajaclha apquilaoclha as nalhpop. Actomjac coo silanya quellhip: Noelyejiclhojo nasa actemaclha ayitsepma ingnenyic, ayinyemaclha inquilnapalhquic mataa ingilvalhoc.