GÉNESIS 23:2 - Enhlit Bible

² Inquitsepquic nic nat tingma Quiriat-arba, moc apvisay tingma Hebrón yoclhilhma Canaán. Apvinec nic nat Abraham ayitsepa aptava Sara. Inyitnocjavoc nic apvalhoc Abraham.

GÉNESIS 23:2 Iomraidhean Croise

GÉNESIS 13:18

Apquimpaclhec nic nat mocjam Abram najan aplhamoclhojo apmolhama. Apyasquic nic nat amyip apquilimjaclha masit, apcaoclha enlhit apvisay Mamre. Ningatoc nic nat maa tingma apvanyam apvisay Hebrón. Apquillanac nic nat apvatnamaclha Abram actemaclha macmescama asoc Dios.

GÉNESIS 23:1

Invocmec nic nat 127 años actiyascam Sara.

GÉNESIS 23:19

Apcatonquic nic nat Abraham aptava ayitsepma acvisay Sara. Inyitnec nic nat tacjalhop amyip acvisay Macpela, tap amyip apác enlhit apvisay Mamre, nicja actiyapmaclha acnim. Moc apvisay nic nat tingma Hebrón yoclhilhma Canaán.

GÉNESIS 24:67

Apyantamaclhec nic nat Isaac quilvana ayitcoc tingma carpa appaclhanma. Inquin ayitsepma ilhnic nat tingma ac. Inquilyimjapquic nic nat. Avanjec nic nat apcasicjayo Isaac. Inmasquec nic nat acyitnocjayo apvalhoc, ayinyema ayitsepma inquin.

GÉNESIS 27:41

Inyiplovcoc nic nat mataa apquinmelhaycam Esaú apyalhing Jacob, ayinyema appayvam apyap. Intomjac nic nat apvalhoc Esaú: Incovac sat acnim yoyam coyitnocjojoc ingvalhoc apquitsepma tata ingac. Natamin ongvajic sat coo eyalhing— nic nat intomjac apvalhoc.

GÉNESIS 35:27

Aplhinquic nic nat Jacob. Maycaa ilhnic nat aptomjac apyap tingma pac Isaac. Apvisay nic nat tingma Mamre, moc apvisay Arba, moc apvisay Hebrón. Siclhoc nic nat tingma pac Abraham najan Isaac.

GÉNESIS 37:14

Aptomjac nic nat apyap apcanya: —Iyas maa. Ityaningvoclhojo sat apquilpipma najan sicnatoscama. Jeltimnasquita sat mocjam actemaclha amyaa— nic nat aptomjac. Apnec nic nat apyap acpayjo alvata tingma Hebrón. Apcapajasquic nic nat José eyacsic tingma Siquem.

GÉNESIS 50:1

Appatjetquic nic nat apyap apquitsepma José. Apvinec nic nat. Appitsisquic nic nat apmalhimpenic.

GÉNESIS 50:10

Apquilvoclhec nic nat amyip acvisay Gorenha-atad acyitna nicja vatsam Jordán acpayjo actiyapmaclha acnim. Acvoncaclho ilhnic nat acyipcalhomalhca maa, acvaycmo 7 acnim. Aplhenacpec nic nat Jacob apquitsepma.

2 SAMUEL 1:12

Apyapcalhquic nic nat ayinyema apmatnam Saúl najan apquitca Jonatán. Najan ayinyema mepqui apquilyimnatem israelitas apquilnapomap, Dios Visqui ingac apquilapajascama. Apquilyinyovquic nic nat aptoycaoc acvaycmo actalhnam.

2 SAMUEL 1:17

Naysicsa apyapcalhem nic nat aptomjac appayvam David, aplhanma Saúl najan Jonatán.

2 SAMUEL 2:11

Siete años y medio aptimem nic nat apvisqui David. Tingma pac nic nat apvisay Hebrón.

2 SAMUEL 5:3

Apquilmiyaclhec nic nat tingma Hebrón aplhamoclhojo apquilimja apmamyi enlhitaoc Israel apnaclha apvisqui. Apquilpamejitsacpec nic nat maa apvisqui David actemaclha asoc monquinatquiscama apmayjayoclha napato Dios. Innec nic nat ayatsisquisa David yoyam etnejic apvisqui nipyesicsa enlhitaoc Israel.

2 SAMUEL 5:5

Aptimec nic nat apvisqui tingma Hebrón nipyesicsa enlhitaoc Judá acvaycmo siete años najan seis meses. Aptimec nic nat apvisqui tingma Jerusalén nipyesicsa enlhitaoc Israel najan enlhitaoc Judá acvaycmo treinta y tres años.

1 CRÓNICAS 6:57

Apquilmolhama Aarón apquillhocac nic nat tingma Hebrón, tingma apyilhanmomacpilha. Najan maa poc tingma nipyava maa: Libna, Jatir, Estemoa,

2 CRÓNICAS 35:25

Apquillanac nic nat Jeremías ningminaycmascama aplhenacpo mayayo apvisqui apquitsepma. Apquiltemaclha mataa apquilminaycmascama enlhit najan quilvanaa, aplhenacpo Josías mayayo naysicsa apquilminaycmascama cotningvoyam nelha. Eycaso ilhnic nat apquiltemaclha co Israel. Yitnec nic nat actalhesomalhca vaycajac ningminaycmascama cantos.

NEHEMÍAS 11:25

Apnam alhta napocja apquilmolhama tribu Judá payjoc Quiriat-arba, Dibón, Jecabseel,

JEREMÍAS 22:10

Noelyapcalhaoc nasa apmatnam apvisqui Josías. Elyapcalhaoc sat aplhenamap apquitca, apvisay Salum. Emacpoc sat maa, eyantamacpoc sat cotnaja apcaoclha, mevotayc sat mocjam — alhta aptomjac. Visqui ingac aplhanma siclho apvisay Salum, Josías apquitca, apvisqui co Judá, apya'monquiscama apyap ninga, paj elhnac mocjam. Aplhenacpec alhta Salum: Mevotayc sat mocjam.

JEREMÍAS 22:18

Visqui ingac alhta aplhanma aptemaclha Joacim, Josías apquitca, apvisqui co Judá: Cotnejic sat mepqui apquilyapcalhem, apvitacpoc inlhojo apmatnam apvisqui. Melhenacpejec sat maa: Quellhip elyalhinga, quellhiya elyalhinga, ¿so actomja yi? ¡Visqui ingac apmatnam, visqui ingac apyimtalhnamo apmatnam! - paj colhenalhquejec sat maa.

NÚMEROS 13:22

Apquilvocmec nic nat yoclhilhma Néguev najan tingma Hebrón. Apquilvitac nic nat enlhit apvinatem Anac apquitquic, apvisay: Ahimán najan Sesai najan Talmai. Apmamyi ilhnic nat apquilanomap tingma Hebrón, malha siete años. Alhayi ilhnic nat apquilanomap tingma Zoán yoclhilhma Egipto.

NÚMEROS 20:29

Pilapcasquic nic nat aclingalhco amyaa apquitsepma Aarón. Apyapcalhquic nic nat actemaclha acmayovsa apquilvalhoc, acvaycmo 30 acnim.

SAN JUAN 11:31

Apnam alhta judíos tingma ac, yoyam eltamilquiscomoc avalhoc. Pilapcasquic alhta apquilvita ayinmaclho netin actepa. Apquilyiplaclhec alhta judíos. Apquilanayquic alhta, yoyam cotyaningvoclho María tacjalhop, yoyam coliclhangvom.

SAN JUAN 11:35

Apvinec alhta Jesús.

LOS HECHOS 8:2

Apquilatonquic alhta enlhit apquilpeyvomo Esteban apquitsepma. Avanjec alhta apyipcalhem.

DEUTERONOMIO 34:8

Invocmec nic nat treinta acnim apquilyapcalhem apnaymacoc Moisés yoclhilhma actamopeycaoc Moab, ayinyema acmayovsa apquilvalhoc apquitsepma Moisés.

JOSUÉ 10:39

Apticyovquic nic nat apyovoclhojo tingma, najan apvisqui maa, najan apquileyvam nipyava tingma. Apquilsovjoc nic nat apquilnapma. Am nic nat ingyaymacpoc lhama. Apquilnasoc nic nat tingma Hebrón najan tingma Libna, apticyovquic nic nat apquilviscaa maa.

JOSUÉ 15:13

Aplhocac nic nat Caleb, Jefone apquitca nicja yoclhilhma actomja apancaoc tribu apquilmolhama Judá, Josué ilhnic nat apmilasictem. Acno ilhnic nat apcanama Dios Visqui ingac, aplhoca Quiriat-arba, ningiltimem tingma Hebrón. Tingma apvanyam apanco ilhnic nat, enlhit apvinatem Anac aptovana ilhnic nat tingma apancaoc.

JOSUÉ 15:54

najan Humta, najan Quiriat-arba, (moc apvisay Hebrón), najan Sior. apyovoclhojo nueve tingma apquilvanyam najan nipyava maa.

JOSUÉ 20:7

Apquilponquincasquic nic nat israelitas tingma apquilmiyovmacpilha, apquilvisay: tingma Cedes yoclhilhma Galilea, payjoc inquilhe alvinatem Neftalí. Najan tingma Siquem, payjoc inquilhe Efraín. Najan tingma Quiriat-arba, moc apvisay Hebrón, payjoc inquilhe Judá.

JOSUÉ 21:11

Payjoc inquilhe alvinatem apquileyvomaclha Judá apquillhocac nic nat Quiriat-arba, moc apvisay Hebrón. Tingma apvanyam apanco apnamcaclha ilhnic nat aptovana niptamin enlhit apvinatem Anac, najan maa amyipayc piquetes.

JUECES 1:10

Apquilimpocjac nic nat nipyesicsa cananeos tingma apvanyam Hebrón, apvisay siclhoc nic nat Quiriat-arba. Apmatnec nic nat cotnaja ingmoc apvisqui Sesai, najan apvisqui Ahimán, najan apvisqui Talmaí.

1 SAMUEL 20:31

Naysicsa aptiyascam Isaí apquitca, copvanquejec lhip etnejic apvisqui. Ingyavojoc sat mataa, yoyam ematong. Ingyane sat emacpoc David, yoyam ematong — nic nat aptomjac Saúl.

1 SAMUEL 25:1

Apquitsepmec nic nat profeta Samuel. Apcaneclhec nic nat apyovoclhojo israelitas, elyapcalhic ayinyema acmayovsa apquilvalhoc. Apquilatoynquic nic nat tingma pac Ramá. Apmiyaclhec nic nat David yoclhilhma actamopeycaoc acvisay Parán.

1 SAMUEL 28:3

Apquitsepmec nic nat profeta Samuel. Ajolhec nic nat acyapcalhemalhca. Apcatoynacpec nic nat tingma pac Ramá. Apquilantipsacpec nic nat yoclhilhma apyovoclhojo apquilyojolhmaa najan quiljangaoc inyapmayc.,