GÉNESIS 22:3 - Enhlit Bible

³ Alhtooc anco nic nat aplhaticja Abraham. Apquiltajansaclhec nic nat yamelyeyjaycoc. Apquilincaclhec nic nat alhpongja yoyam elvitic sat apyasaclha. Apyasquic nic nat yoclhilhma apcanyaclha Dios yoyam eyacsic. Aplhalhma ilhnic nat Isaac najan apcanit apquilancam.

GÉNESIS 22:3 Iomraidhean Croise

GÉNESIS 17:23

Apquillanac nic nat as acnim Abraham asoc monquinatquiscama apyimpejic Ismael. Apquillanac nic nat najan asoc monquinatquiscama apyimpejic aplhamoclhojo apmolhama najan apquilancam apquilmomap acyanmongam solyayem. Apquilyajaclhoc nic nat Abraham actemaclha apcanama Dios. Apquillanac nic nat asoc monquinatquiscama apyimpejic aplhamoclhojo apquilinava apquiltomja apmolhama najan apquiltomja apquilancam.

GÉNESIS 21:14

Alhtooc anco nic nat aplhaticja Abraham. Appatimcasquic nic nat moc aptava nintom pan najan yingmin asoc ayimpejic najan ayitca, Ismael apquitcoc. Appayvasquic nic nat Abraham. Inlhinquic nic nat quilvana yoclhilhma actamopeycaoc acvisay Beerseba. Am nic nat coyasamcoc acyasaclha.

GÉNESIS 22:18

Olpasmoc sat mataa aplhamoclhojo enlhitaoc lhalhma anco, ayinyema apquilyajayquiclho lhip sicpayvam”— nic nat intomjac Dios Apyimtalhnamo appayvam.

GÉNESIS 22:2

Aptomjac nic nat Dios apcanya: —Lhama apanco lhip apquitca Isaac. Apcasicjavoc mataa lhip. Iyantim sat yoclhilhma acvisay Moríah. Iyas sat netin inquilhe acvinatem yoyam olhicmocsic sat. Ingyaa sat lhip apquitca Isaac. Isovjacsojo sat talha, actemaclha mataa asoc semquescama coo— nic nat aptomjac.

GÉNESIS 22:4

Natqui acnim nic nat intomjac aplhingam. Apquilyajavoc nic nat mocjay Abraham. Apvitac nic nat yoclhilhma.

SALMOS 119:60

Acpecjesam alhta coo, am alhta opoctacmoc sicyiplovquiscama singanamaclha.

ECLESIASTÉS 9:10

Pac ongilvascapoc mocjam ningillanay asoc ningilanyomalhca ongillana. Ningatoynalhquic sat ancoc actomjaclha nelha acnim, comascoc sat ningiltamjaycam, najan aclhanma ingilvalhoc, najan acyascamco ingvalhoc, najan ningyicpilquemo.

SAN MATEO 10:37

‘Avanjec sat ancoc enlhit apcasicjayo apyap najan inquin, am colhno seyasicjayo coo, copvanquejec etnejic siltamescama. Avanjec sat ancoc enlhit apcasicjayo apquitca, am colhno seyasicjayo coo, copvanquejec etnejic siltamescama.

SAN LUCAS 14:26

—Ningiltamjoc sat ancoc ongilyoclha Jesús, ongiltanova sat ingilyap, najan meme ingac, najan intava, najan inquitquic, najan ingilyipma, najan ingilyalho najan ingilyalhinga. Ongyinyoc sat ningyimnatem inganco. Am sat ancoc ongiltanova actema nac lha, mongvanquejec ontimjic singiltamescama Jesús.

GALATAS 1:16

Apquiltamjoc alhta Dios jeyascasingvomoc aptemaclha Apquitca Cristo, yoyam otnejic siclingascama tasic amyaa nipyesicsa metnaja judíos. Yejemoc alhta silyajaclho. Am alhta oyoclhac lhama enlhit yoyam olpamejitsalhcojo.

HEBREOS 11:8

Meyasquiyam nic nat innac Abraham. Apquevam nic nat Dios yoyam eyacsic Abraham moc yoclhilhma yoyam elhcac malha apmayclha. Apquilyajaclhoc nic nat Abraham. Aplhinquic nic nat Abraham naysicsa meyascaoc apyasaclha.

JOSUÉ 3:1

Alhtooc nic nat intomjac. Apquimpaclhec nic nat mocjam Josué najan aplhamoclhojo enlhitaoc Israel apquicjingvamlha amyip Sitim. Apquilvocmec nic nat vatsam Jordán. Apnatiyanvocmec nic nat yicpintama apquiljalhtipilhquitma vatsam.

JOSUÉ 8:10

Alhtooc nic nat aplhaticja Josué, elanojo apnaymacoc singilpilhtetemo. Apcaneclhec nic nat. Apmamyi ilhnic nat aplhinga Josué najan apquillhalhmaa mayayo apquilvanyam. Elimpocjac sat tingma Haí.