GÉNESIS 22:12 - Enhlit Bible

¹² Aptomjac nic nat ángel apcanya: —Nongyaa nasa apquitca. Ayinyemaclha apquilyajaclhoc lhip Dios appayvam. Am lhac emyavac lhip apquitca apvamlha pac lhama— nic nat aptomjac.

GÉNESIS 22:12 Iomraidhean Croise

GÉNESIS 20:11

Apcatingmavoc nic nat Abraham: —Inlhenquic alhta evalhoc apquiltomja mepqui apquilayo Dios as enlhitaoc apquileyvam as yoclhilhma. Incacoc alhta enquenyic jelajic ellanac etava.

GÉNESIS 22:13

Yejemoc nic nat apvita Abraham nipquesic apquinavo ayaspom apquipetaoc yamit actingaoc. Apliquic nic nat nipquesic Abraham. Apcajac nic nat acyanmongayclha apquitca. Apvatnec nic nat talha actemaclha apmescama Dios.

GÉNESIS 22:2

Aptomjac nic nat Dios apcanya: —Lhama apanco lhip apquitca Isaac. Apcasicjavoc mataa lhip. Iyantim sat yoclhilhma acvisay Moríah. Iyas sat netin inquilhe acvinatem yoyam olhicmocsic sat. Ingyaa sat lhip apquitca Isaac. Isovjacsojo sat talha, actemaclha mataa asoc semquescama coo— nic nat aptomjac.

GÉNESIS 26:5

Ayinyemaclha apquilyajaclha nat mataa sicpayvam Abraham. Apyilovcasquic nic nat mataa actemaclha siyanamaclha najan actemaclha sillhicmoscama— nic nat aptomjac Visqui netin.

GÉNESIS 42:18

Invocmec nic nat natqui acnim. Aptomjac nic nat José apquilanya apquilpipma: —Actimec coo siyayo Dios Apyimtalhnamo. Elilyejiclhojo sat actomjaclha sicpayvam yoyam elvomoc sat tap. (Pac ongvasicjiclhojoc mocjam quellhip).

NEHEMÍAS 5:15

Apquiltimec alhta siclho apquilviscaa apquilmamyi, apquillhoy cuarenta solyayem alyivey moclhama acnim, elmoc nintom najan ningyam. Avanjec apquilyimtalhnescama apnaymacoc, jave eyca coo. Ayinyema alhta Visqui ajac Dios.

JOB 1:1

Apnec nic nat lhama enlhit apvisay Job, payjoc yoclhilhma Uz. Aptemaclha ilhnic nat appeyvomo napato Dios, mepqui apsilhnanomap apanco. Am nic nat ingyinmelham mataa poc.

JOB 28:28

Aptomjac nic nat Dios apquilanya enlhit: Nintingyey Visqui ingac acvisay acyascamco ingvalhoc, ningyamasma nintemaclha acmasom acvisay ningyascamco inganco — nic nat aptomjac Dios.

JOB 5:19

Lhip evomsacpoc sat tap, aptajanya inlhojo acmasom, epasingvotac sat Visqui ingac.

SALMOS 1:6

Apyasamcoc Visqui ingac apquiltemaclha enlhit apquilpeyvomo. Comascoc sat apquiltemaclha apancaoc enlhit apquilmapsomcaa.

SALMOS 111:10

Acyivey ningyascamco ayinyema ningilayo mataa Visqui ingac. Ontimjic sat ningyascamco ningiltomja ningyiplovquiscama. Colhic sat mataa ayaco Dios Visqui ingac.

SALMOS 147:11

Apyispaquic mataa Visqui ingac apquiltomja apquilayo. Mepqui apquilyasquiyam aptemaclha singasicjayo Visqui ingac.

SALMOS 2:11

Eltime sat yoyam colhic ayaco Visqui ingac ayinyema ayay apquilvalhoc. Elitsovacsojo sat naysicsa alpilhyinamam apquilvalhoc.

SALMOS 25:12

Jalhco aptema enlhit apcayo mataa Visqui ingac: Colhic sat allhicmosa yoyam eyiplovcasojo amay actemaclha actamila aptomja apquilyacyescama.

SALMOS 25:14

Aptimec mataa appasmeyquiclha Visqui ingac apquiltomja apquilayo. Colhic sat alyascasingvocmo apmayjayoclha.

ÉXODO 20:20

Apcatingmavoc nic nat Moisés: —Noela nasa quellhip. Apquiltamjoc eyasamcojo Dios Apyimtalhnamo apquiltemaclha quellhip. Apquiltamjoc elavojoc mataa quellhip yoyam eltamilsacpojo apanco quellhip — nic nat aptomjac.

PROVERBIOS 1:7

Ontimjic ningilyascamco nincoo, acyitna inlhojo ningayo Dios. Invennalhquic mataa actemaclha singiltamsoycaoc najan actemaclha ningyascamco nipyesicsa enlhit melyascalhma.

ECLESIASTÉS 12:13

Nelha quilhvo nac jay, ningiltomja ningyasingvoyam: Incaymalhquic nincoo ninlhamoclhojo ongilavojo Dios Visqui ingac, incaymalhquic ongyiplovcasojo singanamaclha.

JEREMÍAS 19:5

Apquillanac alhta altares apquilvatnamaclha. Apquilajac alhta apquitquic macmescama quilaycmasquiscama Baal. Jave coo ayinyema siyanama, jave coo aclhanma evalhoc actema nac jay.

JEREMÍAS 32:40

Olanac sat pacto ningmiyovmalhca nipyesicsa maa: Olhenic sat mepqui sicyeycajascaoc olmeyvoc mataa enlhit ajancaoc, otnesquisic aclhanma apquilvalhoc eltimjic selayo, mejelyinyovejec sat mataa coo.

MALAQUÍAS 4:2

Quellhip apquiltomjac selayo, elvitac sat sictemaclha sicpeyvomo, malha ayitsasquiscama acnim, actomja sintamilquisquiyam. Copayjiclhac sat apquilvalhoc quellhip, colhojoc sat alnilhtingayclha vayqui ayitcoc.

SAN MATEO 16:24

Aptomjac alhta Jesús apquilanya apquiltamsoycaoc: —Apquiltamjoc sat ancoc jeyiplovjo enlhit, incaymalhquic yoyam memyovacpoyc apanco. Epatmiclhac sat apanco appatmeycam malha asoc timyescama, seyiploycam mataa.

SAN MATEO 19:29

Apyinyovquic sat ancoc enlhit tingma pac najan apquilyalhinga najan apyap najan inquin najan aptava najan apquitquic najan apquilcaycaoc, coo sicvisay ayinyemaclha, elhcac sat acyanmongam. Elhcac sat aclhamoclhojo asoc. Memasquingvomejec sat cotmongvoycamlha nelha.

SAN MATEO 5:16

Ellhojo sat quellhip lha. Elapongmit sat nipyesicsa enlhitaoc. Colvitalhcac sat quellhip apquiltamjaycam altamila. Colhic sat ayaco Ingyapam netin —alhta aptomjac.

SAN JUAN 3:16

Aptomjac alhta Jesús: ‘Avanjec anco acliclamo apvalhoc Dios enlhit lhalhma anco. Apcapajasquic alhta Apquitca apvamlha pac lhama, yoyam metvasacpejec sat moclhama aptomja melyasquiyam Apquitca. Colhic sat acyimnatem apnenyaoc cotmongvoycamlha nelha.

LOS HECHOS 9:31

Yitnec alhta altamilaycam apquilvalhoc Jesucristo apmolhama yoclhilhma Judea najan yoclhilhma Galilea najan yoclhilhma Samaria. Inquilyimnatesalhquic alhta apquilvalhoc. Apquilacoc alhta mataa Visqui ingac. Aplhameclhec alhta ayinyema appasmom Espíritu Santo.

ROMANOS 5:8

Ingillhicmosquic alhta Dios actemaclha singasicjayo. Apyinyovquic alhta Apquitca apvisay Cristo yoyam ematong singyanmongam naysicsa ningyiplovquiscama alhta mongilyascalhma.

ROMANOS 8:32

Am alhta emyavac Apquitca apanco Dios. Apyinyovquic alhta Apquitca yoyam ematong singyanmongam nincoo. Apcapajasquic alhta Apquitca ningyesicsa, malha singmescama. Yiplovcoc singmescama aclhamoclhojo asoc.

1 CORINTIOS 10:13

Inyipconalhquic mataa actemaclha mongyasquiyam nincoo acno najan poc enlhitaoc. Am eyeycajasac mataa appayvam Dios. Mengyanejec sat Dios jingyipconic mongvanco asoc. Ningilyipconalhquic sat ancoc mocjam, Dios sat jinlhicmosic yoyam ongilyipjongvomoc tap. Jingilpasmoc sat yoyam mongilsilhnanalhquejec nincoo.

2 CORINTIOS 8:12

Apquiltamjoc sat ancoc ingyalhing eninquinic acvamlha acyitna inlhojo, cotnejic sat macmescama Dios. Mejingilmalhnamejec Dios ongilmesic asoc coyitna inlhojo.

HEBREOS 11:19

Apyasamcoc nic nat Abraham acyitna apmopvan Dios yoyam enalhaticjascomoc apquiltomja apquilitsepma. Aplhoveclhec nic nat mocjam Abraham apquitca, malha aplhaticjangviyam nipyesicsa apquilmasquingvaycmo.

HEBREOS 12:28

Jingilmesic sat Dios apquilnancascama apanco actomja coyovjeycam. Ingilane sat ontimjic gracias Dios Ingyapam. Ningilayo ningiltomjac mataa Dios actemaclha apyisponcama. Pac ongilavojoc sat mataa Dios naysicsa ningiltimem gracias.

SANTIAGO 2:18

Sat otnejic ongvanic coo: “Yitnec lhip meyasquiyam, coo eyca acyitna sicyiplovquiscama. Jelhicmocsojo aptemaclha lhip meyasquiyam mepqui apyiplovquiscama. Coo eyca olhicmocsojoc sictemaclha moyasquiyam ayinyema sicyiplovquiscama” —sat otnejic coo.

EL APOCALIPSIS 19:5

Yejemoc alhta aclingalhco appayvam ayinyema Visqui aptajanem: —Eltime sat apquilayo Dios quellhip apquiltomja Dios apquilancam najan quellhip apquitcaoc najan apquilvanyam apquiltomja apquililyajayquiclho Dios —alhta intomjac appayvam.

1 SAMUEL 15:22

Aptomjac nic nat profeta Samuel apcanya Saúl: ¿Apyispaqui ya Dios asoc ningmescama najan asoc acticyovam yoyam ongilmesic? ¿Am ya colcac apvalhoc Dios actemaclha ningilyajayquiclho appayvam? Nasoc anco, actamila anco actemaclha ningilyajayquiclho, am colhnoc acticyovam ningmescama Dios. Actamila anco ningiljalhenma Dios appayvam, am colhnoc aptipilhmoc ayinyema nipquesic.