GÉNESIS 22:11 - Enhlit Bible

¹¹ Yejemoc nic nat aplinga appayvam ayinyema netin: —¡Abraham! ¡Abraham!— nic nat aptomjac ángel Visqui netin apcasinancama. Apcatingmavoc nic nat Abraham: —Coo nac aso— nic nat aptomjac.

GÉNESIS 22:11 Iomraidhean Croise

GÉNESIS 16:7

Invoclhec nic nat yoclhilhma actamopeycaoc amay acyascama moc yoclhilhma Shur. Innacmec nic nat nicja malhic actiyapmaclha yingmin. Pilapcasquic nic nat apvaa lhama ángel Dios apcasinancama.

GÉNESIS 21:17

Aplingac nic nat Dios actemaclha apvinama sicaa. Pilapcasquic nic nat aclinga ayinyema netin appayvam ángel Dios apcasinancama. Aptomjac nic nat ángel apcanya sicaa inquin: —Lhiya Agar, ¿so actomja yi? Nonca nasa lhiya. Aplingac lhac Dios apvinaclha sicaa.

GÉNESIS 21:18

Cotnimiclha netin. Covoclha apmic ayitca. Olhamascasiclhac sat aptovana yoyam eltimjic aplhamoclhojo apquilmolhama lhalhma anco— nic nat aptomjac.

GÉNESIS 22:1

Nalhit acnim nic nat intomjac. Apyipconquic nic nat Dios actemaclha meyasquiyam Abraham. Aptomjac nic nat Dios apquevamcaa: —Abraham— nic nat aptomjac. Apcatingmavoc nic nat Abraham: —Acnec coo aso— nic nat aptomjac.

GÉNESIS 22:10

Apliquic nic nat sovo Abraham yoyam ingyajic apquitca.

GÉNESIS 22:12

Aptomjac nic nat ángel apcanya: —Nongyaa nasa apquitca. Ayinyemaclha apquilyajaclhoc lhip Dios appayvam. Am lhac emyavac lhip apquitca apvamlha pac lhama— nic nat aptomjac.

GÉNESIS 24:7

Lhip sat eyantementac quilvana yoyam etnejic aptava Isaac. Dios Apyimtalhnamo netin aptomja seyinyovquiscama tata tingma pac najan siyaoclha. Aptomja aplhanma actomja nasoc anco yoyam ellhocac as yoclhilhma etovana aplhamoclhojo.

GÉNESIS 31:11

Aptomjac alhta ángel Dios apcasinancama seyanya coo: Jacob — alhta aptomjac seyanya. —Acnec coo aso — alhta actomjac coo.

GÉNESIS 37:13

Aptomjac nic nat apyap apcanya José: —Quip ingyeylhojo. Apquiltamilcasquic sicnatoscama apquilpipma tingma Siquem. Pac ongvapajacsic lhip yoyam etyaningvoclhojo— nic nat aptomjac. Apcatingmavoc nic nat José: —Jey, tasi— nic nat aptomjac.

GÉNESIS 46:2

Invitac nic nat apvanmoncama alhtaa apquilyap (Israel). Aptomjac nic nat Dios apcanya: —Jacob, Jacob— nic nat aptomjac. Apcatingmavoc nic nat Jacob: —Acnec coo aso— nic nat aptomjac.

GÉNESIS 48:16

Altamjoc coo epasmoc Dios ángel apanco as apquitcoc, acno setamilquiscama mataa naysicsa acyimtalhnama. Colvoncamejec sat mataa coo sicvisay najan apvisay sicyeyjamcaa Abraham najan Isaac. Ellhamiclhac sat apquitquic. Eltimjic sat appintalhnama lhalhma anco— nic nat aptomjac.

ÉXODO 3:2

Pilapcasquic nic nat apvitacpo lhama ángel apquinyema Dios Apyimtalhnamo. Apvitacpec nic nat ángel naysicsa talha alayvom yamit acmeta. Apquilanam nic nat Moisés. Apvitac nic nat yamit naysicsa talha alayvom. Am nic nat comyetac yamit.

ÉXODO 3:4

Apvitac nic nat Dios Apyimtalhnamo actemaclha apyoycta Moisés. Aptomjac nic nat Dios Apyimtalhnamo apcanya: —¡Moisés! ¡Moisés! — nic nat aptomjac. Apcatingmavoc nic nat Moisés: —Acnec coo aso — nic nat aptomjac.

ISAÍAS 6:8

Yejemoc alhta siclinga mocjam Visqui ingac appayvam. Aptomjac alhta seyanya: —¿Soc sat ongvapajacsic? ¿Soc sat etnejic soycam amyaa? — alhta aptomjac. Ayatingmavoc alhta coo: —Coo nac aso, jeyapajas sat coo — alhta actomjac.

LOS HECHOS 26:14

Ningilpolintac alhta nalhpop. Yejemoc alhta siclinga actemaclha appayvam hebreo. Intomjac alhta seyanya: “Saulo, Saulo, ¿soctomja seyamasamcaa nac? Incascoc sat lhip aptoyam navá ningilticlhaycaoc vayqui acyinyovascama” —alhta intomjac siclingay.

LOS HECHOS 9:4

Yejemoc alhta apquilpolintamo nalhpop Saulo. Aplingac alhta lhama appayvam: —Saulo, Saulo. ¿Soctomja seyamasamcaa nac? —alhta intomjac aplingay.

JUECES 2:1

Apyinyovquic nic nat tingma Gilgal ángel Dios apcasinancama apmiyaclho tingma Boquím. Aptomjac nic nat ángel apquilanya israelitas: —Coo alhta sicyinyovquiscama quellhip yoclhilhma Egipto. Coo alhta sicnalayquinta quellhip as yoclhilhma, aplhanma siclho Dios mepqui apyeycajascaoc, yoyam ellhovamcoc apquilyeyjamcaa quellhip. Aptomjac alhta Dios: —Moyeycajacsejec sat mataa siclhanma pacto ningmiyovmalhca napatavo quellhip.

1 SAMUEL 3:10

Apvaac nic nat Dios aptomja apquevamcaa: —¡Samuel! ¡Samuel! — nic nat aptomjac. —Sicvisay silancam lhip. Jeyane sat lhip, pac ongvaylhojoc — nic nat aptomjac Samuel.

1 SAMUEL 3:4

Aptomjac nic nat Dios apquevamcaa: —¡Samuel! — nic nat aptomjac. —¡Eje coo! — nic nat aptomjac apcatingmavo.