GÉNESIS 21:6 - Enhlit Bible

⁶ Intomjac nic nat avalhoc Sara: —Dios alhta setnesquiscama yoyam ongvictingmam (ongvasmacsic). Elasmacsic sat moclhama apquiltomja apquillingay aptiyacmo sictamongvoyam.

GÉNESIS 21:6 Iomraidhean Croise

GÉNESIS 17:17

Yejemoc nic nat apquilpolintamo nalhpop Abraham. Apticlhiquic acpayjaclha napaat nalhpop. Apcasmasquic nic nat Abraham. Intomjac nic nat apvalhoc: —Sicvanyam coo, cien años acvocmoc. ¿Evanqui ya otac sictamongvoyam? Acvanyam najan etava Sara, noventa años invocmoc. ¿Avanqui ya cotac ayitca?— nic nat intomjac apvalhoc.

SALMOS 113:9

Apmascosquic actomjaclha cotay ayitco quilvana. Cotniclhac sat mocjam nalava. Copayjiclhac sat avalhoc congne tingma ac. Innec ayaco Visqui ingac.

SALMOS 126:2

Avanjec alhta acpayjayclha ingilvalhoc. Avanjec alhta ningitsovascama ningvita. Apquiltomjac alhta apquilanya lhalhma anco: —Pilapcasquic nincoo. Am ongvitayac actema nac lha — alhta apquiltomjac.

ISAÍAS 49:15

Aptomjac Visqui ingac apquilanya: ¿Avanqui ya quilvana colvoncamoc ayitca comascoc ayasicjayo? Inquilvoncacmec sat ancoc inquin, coo eyca jelvoncamejec sat mataa quellhip.

ISAÍAS 49:21

Cotnejic sat aclhanma apquilvalhoc: Motay eyitquic coo, ¿co laa apquilinyema as eyitquic? Sicmomalhca alhta coo, najan sictanovmalhca. ¿Co laa ayinyema apquilvanimquiscama? Sicyinyovmalhca alhta coo, ¿co laa apquilinyema as eyitquic? — sat cotnejic apquilvalhoc tingma Jerusalén.

ISAÍAS 54:1

Tingma apyitsomacpo quilvana. ¡Lhiya quilvana cotay ayitca, copayjiclha avalhoc lhiya, copalhamam sat lhiya! ¡Comnaycmas sat lhiya acvisay cotay ayitca! Aptomjac alhta Dios Apyimtalhnamo: Aplhamoc ayitquic quilvana apyamasma, am colhno quilvana apma atava.

JEREMÍAS 20:15

Somcoc alhta amyaa aplingay tata coo: Aptiyacmec apquitcoc — alhta intomjac.

SAN LUCAS 1:14

Ingyitsovacsojoc sat lhip. Copayjiclhac sat najan apvalhoc. Elitsovacsojoc sat aplhamoclhojo enlhit aptiyacmo sat apquitca.

SAN LUCAS 1:58

Inquillingac alhta amyaa acmolhama najan innaymacoc. Aplhenacpec alhta Dios Visqui ingac aptomja apquimlaycmo. Inquilitsovasoc alhta lhama Elisabet.

ROMANOS 12:15

Inpayjeclhec sat ancoc apquilvalhoc poc, elvajaniclhojo sat quellhip. Apyipcalhquic sat ancoc poc, elvajaniclhojo sat quellhip lha.

HEBREOS 11:11

Coyasquiyam nic nat innac Sara, Abraham aptava. Inmasquec nic nat acvitay ayitca, ayinyemaclha invanacmec nic nat as quilvana. Inlhocac nic nat Dios apmopvan yoyam cotimsic ayitca. Ayinyemaclha am nic nat coyascacmoc yoyam comoc nelha aplhanmaclha Dios actomja nasoc anco.

1 SAMUEL 1:26

Intomjac nic nat Ana ayanya: —Nojetanov nasa coo, Visqui. Nasoc anco sicpayvam, mepqui sicyinimquiscama. Coo sicvisay quilvana, actomja alhta almalhnancama Dios, apvitay alhta lhip.