GÉNESIS 20:9 - Enhlit Bible

⁹ Apcapajasquic nic nat Abimelec yoyam colhic acyantingveclho Abraham. Aptomjac nic nat apvisqui apcanya Abraham: —¿Soctomja sintimesquisa nac aso? ¿Sicmasom ya coo yoyam jesilhnanac lhip napatoc Dios najan esilhnanac lhip aplhamoclhojo sicmolhama? Ingiltimescasquic nincoo lhip asoc mongvanco ongillana.

GÉNESIS 20:9 Iomraidhean Croise

GÉNESIS 12:18

Apcapajasquic nic nat apvisqui faraón colhic altimnasquiclho Abram. Aptomjac nic nat apvisqui apcanya Abram: —¿Soctomja setnesquisa nac aso? ¿Soctomja melhanma lhip aptomja aptava as quilvana?

GÉNESIS 20:10

¿Jalhco actemaclha lhip aclhanma apvalhoc naysicsa sintimesquiscama as asoc?— nic nat aptomjac apvisqui.

GÉNESIS 20:8

Secaseclha ilhnic nat intomjac aplhaticja apvisqui Abimelec. Apcanseclhec nic nat aplhamoclhojo apquilancam. Apquiltimnam nic nat aclhamoclhojo actemaclha aclingay apvanmoncama. Apquilacac nic nat aplhamoclhojo apquilancam apquillinga amyaa.

GÉNESIS 26:10

Aptomjac nic nat Abimelec apcanya Isaac: —¿So actomja aptomja nac lha? Inquitlhincasquic eyamoc lhama enlhit yoyam epatjetamcoc lhip aptava. Inquitlhincasquic jingilsilhnanac lhip— nic nat aptomjac.

GÉNESIS 29:25

Inquitsacac nic nat aplhaticja Jacob. Pilapcasquic nic nat apvita aptava acvisay Lea. Yejemoc nic nat appamejitsa Labán: —¿So actomja seyinimsa nac lhip? ¿Naso ya actomja acyanmongam sictamjaycam Raquel?— nic nat aptomjac Jacob.

GÉNESIS 34:7

Lhama ilhnic nat apquillinga amyaa. Apquilvoctac nic nat tingma Jacob apquitquic. Apquillovquic nic nat. Ayinyemaclha Siquem nic nat aptovascama Jacob apquitca. Eycaso actomja acyivey singmanquescama. Mongvanquejec ontimjic actema nac lha.

GÉNESIS 38:24

Tres piltin nic nat apvocmoc. Pilapcasquic nic nat Judá aplinga amyaa: —Inquilpatjetamquic nic alhta poc enlhitaoc lhip aptapa Tamar. Inlovsoc nic alhta intomjaclha— nic nat intomjac amyaa. Apyimnatasquic nic nat appayvam Judá: —Eltipquis sat quilvana, colhic sat acyinyova natilh— nic nat aptomjac.

GÉNESIS 39:9

Paj poc enlhit aptomja apyimtalhnamo, sicvamlha coo. Am emyavac mataa lhama asoc visqui ajac. Acvamlha apmasma mataa lhiya aptomja aptava. Movanquejec coo otnejic sicmasom napato Dios— nic nat aptomjac José.

2 SAMUEL 12:5

Aplovquic nic nat apvisqui David aplinga amyaa. Aptomjac nic nat apcanya: —Nasoc coo sicpayvam. Apsilhnanacpec apanco as enlhit, incaymalhquic ematong.

2 SAMUEL 13:12

Incatingmavoc nic nat apyalhing: —Nani, eyipma nac lhip. ¡Nojetvas nasa! ¡Cotnaja nintemaclha! Esilhnanacpoc sat apanco lhip.

ÉXODO 32:21

Aptomjac nic nat Moisés apcanya Aarón: —¿So actomja yi apsilhnanimquisa lhip apyovoclhojo enlhitaoc? — nic nat aptomjac.

ÉXODO 32:35

Dios nic nat ayinyema apcapajascama ningmasquem nipyesicsa enlhitaoc. Apyanmongsaclhec nic nat apquiltemaclha apquilpayescamo quilaycmasquiscama, apquillanay siclhoc alhta Aarón.

PROVERBIOS 28:10

Ningnalaclhec sat ancoc enlhit apquilpeyvomo amay acmasom, ongilmalhcac sat singilmam trampa inganco. Ongmiyovalhcac sat, mepqui inlhojo ningilsilhnanomalhca inganco.

LEVÍTICO 20:10

Appatjetamquic sat ancoc quilvana cotnaja aptava, esilhnanacpoc apanco. Ematong sat enlhit apsilhnanomap apanco. Comatong sat quilvana acsilhnanomalhca.

ROMANOS 2:11

Am colhenac apvalhoc Dios apquilvisay enlhitaoc. Apnoc mataa poc judíos najan metnaja judíos.

TITO 1:11

Incaymalhquic elacsic lhip as ingilyalhinga yoyam elvanma. Apquilsilhnanaquic mataa aplhamoclhojo apquilmolhama ayinyema apquillhicmoscama apquilmopvan amyaa. Apquililtamjoc mataa ellhamasiclha solyayem acyanmongvoyam.

HEBREOS 13:4

Eltamilsojo sat actemaclha ningmo lhama intava. Noelsilhnanamap nasa actemaclha naysicsa ningyitnamo lhama intava. Ayinyemaclha Dios sat eyanmongsiclha apquiltemaclha enlhit aptomja appatjeteycaoc moc quilvana najan apquiltomja apquilanatama.

JOSUÉ 7:25

Aptomjac nic nat Josué apcanya: —¿So actomja yi singiltimesquisa lhip onlingamcojo acyimtalhnama? Quilhvoc sat elngamcojoc lhip acyimtalhnama, apyanmongsayclha Dios aptemaclha lhip — nic nat aptomjac Josué. Apquilajac nic nat apnaymacoc, apquilyicna mataymong. Apmatnec nic nat Acán najan apquilmolhama. Naysicsa talha apquilmeta ilhnic nat apyovoclhojo.