GÉNESIS 20:5 - Enhlit Bible

⁵ Aptomjac alhta Abraham seyanya coo: —Eyalhing coo as quilvana— alhta aptomjac. Intomjac alhta najan as quilvana: —Javoc (eyipma) coo as enlhit— alhta intomjac. Intasic alhta evalhoc coo. Am alhta osilhnanalhcac ajanco— nic nat aptomjac apvisqui.

GÉNESIS 20:5 Iomraidhean Croise

GÉNESIS 12:13

Cotne sat lhiya colanic egipcios: Jave etava as enlhit — sat cotne colanic. Mejelajic sat egipcios. Mejeltanovejec sat coo najan lhiya— nic nat aptomjac Abram.

GÉNESIS 20:13

Dios alhta seyanem yoyam oyinyoc tata tingma pac. Yicpintama siclhingam lhama yoclhilhma najan moc yoclhilhma, actomjac alhta siyanya etava: —Cotne sat mataa lhiya: javoc as enlhit - sat cotne jelhenic, ningilvocmo sat moc yoclhilhma - alhta actomjac siyanya— nic nat aptomjac Abraham.

GÉNESIS 20:16

Aptomjac nic nat apvisqui apcanya Sara: —Acmasquic coo lhiya inyipma cotlaycaoc asoc, malha acyanmongamaclha mil solyayem alyinmom. Ningilpeyvaseclhec nincoo as asoc. Cotipsalhquejec sat mataa acvisay lhiya nipyesicsa aplhamoclhojo acmolhama.

1 REYES 9:4

Ilhnasojo sat lhip apyap ninga David aptomja aptamilcasomacpo apanco najato. Iyiplovcasojo actemaclha acpeyvomo najan aclhamoclhojo siyanamaclha najan siyascamaclha.

2 REYES 20:3

Lhip Dios Visqui ingac, altamjoc lhip colvoncamejec sictimesaycam lhip ayinyema actamilaycam evalhoc, lhip apyisponcama — nic nat aptomjac. Avanjec nic nat apvinama Ezequías.

1 CRÓNICAS 29:17

Dios Visqui ingac, acyasamcoc coo, lhip apyasamcoc actemaclha ingvalhoc nincoo, apyispaquic lhip actemaclha acpeyvomo. Ingvalhoc acpeyvomo ayinyema sicmescama nasa as asoc. Najan ayinyema actamilaycam apquilvalhoc as enlhitaoc apquilmescama nasa apquilnatam.

JOB 33:9

—Mepqui sicsilhnanomalhca coo, sicpeyvomo coo napato Dios.

SALMOS 24:4

Apvanquic enlhit aptamilcasomacpo apanco, aptomja aptamilquiscama apvalhoc apanco. Aptomjac mevjaneyquiclho acmovan amyaa, najan mepqui apyinimquiscama poc.

SALMOS 25:21

Jemyov coo naysicsa sictamilcasomalhco ajanco, naysicsa sictemaclha acpeyvomo. Sictomja mataa siyayo lhip najan sicyilhanmeycam.

SALMOS 26:6

Mepqui acsilhnanomalhca evalhoc coo. Altamjo inyicje oyoclhojo lhip payjoc ningilmalhnancamaclha.

SALMOS 7:8

Visqui ingac aptomja apyicpilquemo enlhitaoc lhalhma anco. Ipeyvescasiclha sictemaclha coo. Sicpeyvomo coo najan mepqui sicsilhnanomalhca ajanco.

SALMOS 7:9

Ilvatasquis apquiltemaclha apquilmapsomcaa. Ilmiyov sat apquilpeyvomo. Ayinyema lhip aptemaclha appeyvomo. Ilyicpilcojo alquitamsama ingvalhoc.

SALMOS 73:13

¿Alhto ya sictemaclha sicyanmonquiscama evalhoc? ¿Alhto ya sictemaclha sictamilcasomalhco ajanco?

SALMOS 78:72

Apvisqui nic nat David. Aptomja apquilancam enlhitaoc malyacyescama. Mepqui ilhnic nat ayajamalhco apvalhoc David naysicsa aptimem apvisqui.

PROVERBIOS 11:3

Nintemaclha acpeyvomo ayinyema mataa ingvalhoc acpeyvomo. Etvasacpoc mataa enlhit apyinimquiscama, ayinyema apvalhoc copeyvomo.

PROVERBIOS 20:7

Mongilsilhnanalhquejec inganco, acyitna inlhojo actamilaycam ingvalhoc. Apquilinyejemo mataa inquitquic, apquilvita inlhojo nintemaclha acpeyvomo.

DANIEL 6:22

Apvaac lhama ángel Dios apcasinancama, apmasma jeyajic yamacmeyva, apmasma olngamcojo acmasom. Apyasamcoc Dios mepqui sicsilhnanomalhca ajanco, mepqui lhama siyinmelhaycam lhip visqui ingac — nic nat aptomjac Daniel.

2 CORINTIOS 1:12

Ningiltamjoc ongiltimnacsic quellhip actemaclha acyascamco anco ingvalhoc naysicsa acpayjayclha ingvalhoc: Ningyiplovcasquic mataa lhalhma anco actemaclha ningiltamilcasomalhco inganco najan lha nipyesicsa quellhip. Ingilpasmec alhta Dios ayinyema singasicjayo. Am alhta conyemac actemaclha ningyascamco inganco.

1 TESALONICENSES 2:10

Quellhip alhta apquiltomja singilvitaycamco. Najan lha Dios aptomja singvitaycamco actemaclha alhta ningileyvam nipyesicsa quellhip apquiltomja melyasquiyam. Ningiltamilsalhcoc alhta inganco actemaclha actamilaycam ingvalhoc najan actemaclha acpeyvomo najan mepqui ningilsilhnanomalhca.

1 TIMOTEO 1:13

Eyasicjaclhoc alhta mocjam Jesucristo ayinyemaclha sictemaclha alhta sicyamneycam. Acminlhinquic alhta mataa apquiltamsoycaoc. Ayascasquic alhta mataa apyimpeoc. Eyimlaclhoc alhta mocjam, ayinyemaclha am alhta oyanmoncasac mocjam evalhoc. Am alhta oyascamcoc yoycamlha otnejic.

JOSUÉ 22:22

—Apyasamcoc Dios Visqui apyimtalhnamo, am colhno moc dioses. Nintemaclha alhta mepqui ningilinmelhaycam najan mepqui ningyamasma Dios Visqui ingac. Apyasamcoc maa Dios Visqui apyimtalhnamo. Elyasamcojoc sat quellhip lha apquilmolhama Israel: Nasoc sat ancoc ningilinmelhaycam najan ningyamasma Dios Visqui ingac. Eyanmongsiclhac sat nintemaclha inganco Dios Visqui ingac. Nasoc sat ancoc ningillanay altar ningayoclha Dios, yoyam ontingya asoc acmatnam macmescama Dios, najan acyilhna macmescama Dios, najan macmescama actemaclha singasicjayquiclha mocjam, jingilyicpilcojoc sat Dios, yoyam colhic acpeyvescasquiclha amyaa.