GÉNESIS 20:1 - Enhlit Bible

¹ Apyinyovquic nic nat apmaclha Abraham. Nipiyam nic nat apyasac, yoclhilhma Néguev. Apyeycac nic nat tingma Cades. Apnacmec nic nat tingma Gerar, jilip tingma Shur.

GÉNESIS 20:1 Iomraidhean Croise

GÉNESIS 10:19

Yoclhilhma apquileyvomaclha cananeos acvaycmo ilhnic nat yoclhilhma acvisay Gerar. Yicpintama tingma apvanyam Sidón acvaycmo tingma Gaza. Najan moc nicja tap nic nat tingma apvanyam Sodoma acvaycmo tingma Gomorra, acvaycmo tingma Adma, acvaycmo tingma Zeboim, acvaycmo tingma Lasa.

GÉNESIS 12:9

Apquimpaclhec nic nat mocjam Abram. Apvocmec nic nat yoclhilhma Néguev.

GÉNESIS 13:1

Aptipquic nic nat Abram yoclhilhma Egipto. Aptava ilhnic nat aplhalhma najan apmolhama najan aclhamoclhojo asoc apancaoc. Apmiyaclhec nic nat yoclhilhma Néguev. Apipjenim nic nat aplhalhma apvisay Lot.

GÉNESIS 14:7

Apquiltajingvocmec nic nat apvisqui Quedorlaomer najan apquilviscaa apquillhalhmaa. Apquilvoctac nic nat amyip acvisay En-mispat, moc acvisay Cades. Mepqui apyeycajay mataa nic nat apquilvitaclha apquilaoclha enlhitaoc amalecitas najan apquilaoclha enlhitaoc amorreos. Apquileyvomaclha ilhnic nat yoclhilhma Hazezon-tamar.

GÉNESIS 16:1

Abram aptava ilhnic nat Sarai. Cotay ayitca ilhnic nat Sarai. Innec nic nat quilvana actimesaycam ayinyema Egipto acvisay Agar.

GÉNESIS 16:14

Eycaso ayinyema actimem acvisay yamilquit: “Setay'o Dios aptomja Apyimtalhnamo”. Yitnec as yamilquit nalhit amay ayinyema tingma Cades acyascama tingma Bered.

GÉNESIS 16:7

Invoclhec nic nat yoclhilhma actamopeycaoc amay acyascama moc yoclhilhma Shur. Innacmec nic nat nicja malhic actiyapmaclha yingmin. Pilapcasquic nic nat apvaa lhama ángel Dios apcasinancama.

GÉNESIS 18:1

Apvaac nic nat maycaa apquinyema Dios. Apnec nic nat Abraham amyip apquilimjaclha masit apcaoclha enlhit apvisay Mamre. Ingyitsicso acnim nic nat intomjac apna Abraham atong appaclhanma carpa.

GÉNESIS 21:34

Acvoncaclhojo ilhnic nat apma maa Abraham yoclhilhma filisteos.

GÉNESIS 24:62

Aptalhningvoclhec nic nat Isaac yamilquit acvisay “Setayo Dios Apyimtalhnamo”. Ayinyemaclha tingma pac nic nat Néguev.

GÉNESIS 25:18

Apquileyvec nic nat aptovana niptamin yoclhilhma acvisay Havila najan Shur, nicja yoclhilhma Egipto, nalhit amay acyascama Asiria. Apquileyvec nic nat maa naysicsa apquilinmelhamap apnaymacoc.

GÉNESIS 26:1

Avanjec nic nat mayic as yoclhilhma aptiyascamcaclha Isaac. Am nic nat olhnoc mayic ataoc apmaclha Abraham. Apmiyaclhec nic nat Isaac tingma Gerar, enlhitaoc filisteos nic nat apquilaoclha. Apvisqui apancaoc nic nat apvisay Abimelec.

GÉNESIS 26:20

Apquiltamilcasquic nic nat mataa apnatoscama nipquesic enlhitaoc co Gerar. Isaac apquilancam nic nat apquiltamilquiscama apnatoscama. Apquilmiyovcoc nic nat mataa yamilquit enlhitaoc co Gerar. Apquilnapacpec nic nat mataa apquilancam nipquesic. Aptimescasquic nic nat Isaac acvisay yamilquit “Apquilnapomacpilha”. Ayinyema apquilnapomap nic nat mataa apquilancam nipquesic.

GÉNESIS 26:26

Apvoctac nic nat apvisqui Abimelec apnaclha Isaac. Tingma Gerar nic nat apquimpac. Aplhalhma ilhnic nat aptimem poc apvisay Ahuzat. Aplhalhma ilhnic nat najan capitán singilpilhtetemo apvisay Ficol.

GÉNESIS 26:6

Apnaclhec nic nat mocjam Isaac tingma Gerar.

SALMOS 29:8

Acyovjeycam lhop (nalhpop) actimesquiscama appayvam yoclhilhma actamopeycaoc. Acyovjeycam lhop (nalhpop) actimesquiscama appayvam yochilhma Cades.

ÉXODO 15:22

Apyinyovquic nic nat Moisés acvisay Yingmin Acyilhvasem, najan apyovoclhojo enlhitaoc Israel. Apquilyipjongvocmec nic nat yoclhilhma actamopeycaoc acvisay Shur (Acjalhtam Mataymong). Apquillhinquic nic nat 3 acnim mepqui yingmin.

NÚMEROS 13:26

Apquilvoctac nic nat apnaclha Moisés najan Aarón najan apquicjingvoycamlha enlhitaoc Israel. Apnam nic nat amyip Cades yoclhilhma actamopeycaoc Parán. Apquiltimnascactac nic nat amyaa apnaclha Moisés najan aplhamoclhojo enlhitaoc Israel. Apquillhicmoscactac nic nat yamit acyilhna ayinyema apquilinyictamlha.

NÚMEROS 20:16

Ningilmalhnaquic alhta Dios yoyam jingilpasmoc. Aplingac alhta ningilmalhnancama ningiliclhangveycam. Apcapajasquic nic nat Dios lhama ángel apcasinancama. Ingilyinyovcasquic alhta yoclhilhma Egipto. Ningvaac as tingma Cades, nicja yoclhilhma.

DEUTERONOMIO 1:19

Aptomjac nic nat Moisés: —Ningyinyovquic alhta inquilhe Horeb. Ningilpeyvoc alhta inquilhe apquileyvomaclha amorreos. Ningyiplovcasquic alhta singanamaclha Dios. Ningmilanquic alhta acyovoclhojo yoclhilhma actamopeycaoc acmasom, apquilvita alhta quellhip. Ningilvoclhec alhta yoclhilhma Cades-barnea.

DEUTERONOMIO 32:51

Am alhta colcac evalhoc aptemaclha lhip najan apipma Aarón napatavo apnaymacoc, payjoc actiyapmaclha yingmin Meriba-cades, yoclhilhma actamopeycaoc acvisay Zin. Am alhta eltomjac selayo quellhip napatavo apnaymacoc.

1 SAMUEL 15:7

Apquilnapacpec nic nat apvisqui Saúl enlhitaoc amalecitas acpayjo tingma Havila. Apquilminlhinquic nic nat Saúl. Apquilvocmec nic nat yoclhilhma Sur, acpayjo Egipto actiyapmaclha acnim.