GÉNESIS 2:7 - Enhlit Bible

⁷ Apmec nic nat inyelpa Dios Apyimtalhnamo. Apquillanac nic nat enlhit. Apvatipnapquic nic nat apvajic, yoyam colhic acyimnatem apnenyic. Apyimnatem nic nat aptomjac enlhit.

GÉNESIS 2:7 Iomraidhean Croise

GÉNESIS 1:27

Lhama ilhnic nat apquillana Dios enlhit najan quilvana. Apnoc nic nat aptemaclha Dios. Apquillanac nic nat Dios enlhit najan quilvana.

GÉNESIS 2:6

Intipquic nic nat tiyam etin actomja acyesquiscama lhop (nalhpop).

GÉNESIS 3:19

Copaliclhac sat lhip apyimis aptingyey aptom acvocmo acnim apquitsepma. Cotniclhac sat mocjam lhip apyovoclhojo lhopactic. Ayinyemaclha lhopactic alhta apquinyemac lhip. Lhip aptomja inyelpa. Etniclhac sat mocjam lhip lhopactic — nic nat aptomjac Dios.

GÉNESIS 3:23

Aptipcasquic nic nat as enlhit Dios Apyimtalhnamo amyip Edén. Apcapajasquic nic nat yoyam elcacjangvoclha as enlhit apquinyemayaclha siclhoc nic nat lhopactic.

GÉNESIS 7:22

Apsovjacpoc nic nat apquilitsepma aplhamoclhojo apquilyimnatem najan aclhamoclhojo asoc aleyvam lhalhma anco.

JOB 27:3

Dios aptomja semasma coo, yoyam otyisam.

JOB 33:4

Dios Visqui apyimtalhnamo sellanay coo, apyimnatasquic coo enquenyic.

JOB 33:6

Lhip najan coo, ningno nincoo napato Dios, yelpa alhta silanomalhca coo lha.

JOB 4:19

Avanjec apsilhnanomap apanco enlhit apquillanomap yelpa, apyitsomacpo ascoc napato Dios Visqui ingac.

SALMOS 100:3

Elyasingvom sat quellhip, apvamlha pac lhama aptomja Visqui ingac Dios. Aptomja singilantipquiscama nincoo, ningiltomja enlhit apancaoc. Ningiltomja enlhit apancaoc, malha apnatoscama apquileyvam actamilaclha paat.

SALMOS 103:14

Apyasamcoc Visqui ingac actemaclha ningyovoclhojo. Apyasamcoc ningilinyemayaclha lhopactic.

PROVERBIOS 20:27

Espíritu inganco acvisay Dios aptotquiscamaclha (apcapongmatquiscama), actomja acpiquinayclha ayalhnaclhojo ingilvalhoc.

ECLESIASTÉS 12:7

Natamin acvisay lhopactic cotniclhac sat mocjam lhopactic. Cotajojoc sat apnaclha Dios ningvanmoncama espíritu inganco, aptomja singmescama siclho Dios Visqui ingac.

ECLESIASTÉS 3:7

Actemaclha ningyaptama asoc najan actemaclha ningyipnatem asoc. Actemaclha ningilvanmeycam najan actemaclha ningilyataycam.

ISAÍAS 2:22

Elyasquim sat quellhip apquiltemaclha apancaoc enlhit mepqui apquilyimtalhnamo najan mepqui apquilmopvan. Apquilyitsomacpo ningvatipnapma enlhitaoc apquileyvam as nalhpop.

ISAÍAS 64:8

Naso, lhip nac Dios nincoo. Ningilyitsomalhca nincoo yelpa. Lhip apyitsomacpo apquillanay valhva. Lhip singillanay nincoo, acno apquillanay valhva.

LAMENTACIÓNES 4:20

Apmacpec alhta Dios apquilyacyescama, aptomja singmasma naysicsa ningileyvam. Aplhenacpec alhta: Apvanquic jingilmeyvoc naysicsa ningileyvam lhalhma anco nipyesicsa enlhitaoc — alhta ningiltomjac.

EZEQUIEL 37:5

Eycaso Visqui ingac appayvam: Olhnecsic sat mocjam apquilvalhoc quellhip. Enalhaticjangvomoc sat mocjam.

EZEQUIEL 37:6

Colhic sat quellhip apjapitic alhnancoc, najan apjac alhnancoc, najan apyimpeoc alhnancoc, najan apquilvalhoc alhnancoc. Jelyicpilcangvomoc sat quellhip sicvisay Visqui apancaoc — alhta aptomjac seyanya.

ZACARÍAS 12:1

Eycaso appayvam ayinyema Dios Visqui ingac apquillhenacpo enlhitaoc Israel. Aptomjac nic nat Dios apquillanay netin najan nalhpop, aptomja singmescama ingvalhoc ningilvisay enlhit. Aptomjac nic nat maa:

NÚMEROS 16:22

Apquilatingmavoc nic nat, apquiljalha acticlhicvocmo nalhpop payjaclha napaat: —¡O Dios! Lhip aptomja apyimnatescama apnenyaoc enlhit, elnapoc sat apyovoclhojo enlhitaoc apquilsilhnanomap, ayinyema apsilhnanomap apanco lhama enlhit, ¿so actomja yi? — nic nat aptomjac Moisés.

NÚMEROS 27:16

—Lhip aptomja Dios Apyimtalhnamo actomja ayay'o ingilvalhoc ninlhamoclhojo. Ilyacyes sat lhama enlhit yoyam etnejic apquimja apmamyi seyamonquiscama coo.

SAN JUAN 20:22

Natamin aplhanma alhta apvatipnapsa apquiltamsoycaoc. Aptomjac alhta Jesús apquilanya: —Colma apquilvalhoc Espíritu Santo.

LOS HECHOS 17:25

Mongvanquic nincoo lhama asoc yoyam ongilanesquisic. Am coymalhquejec as asoc Dios Ingyapam. Eyca aptomja singmescama acyimnatem ingnenyic najan ninginamam najan aclhamoclhojo asoc.

ROMANOS 9:20

¿So actema lhquip qui? ¿Apvanqui ya lhquip ingyatingmojoc Dios? Paj, copvanquejec lhip. Pac otnejic sicyitquiscama: ¿Apvanqui ya yatingvalhva etnejic ingyanic aptomja apquillanay: “Soctomja apquillana nac lhip eyimpejic actema nac jay?” —sat etnejic yatingvalhva.

1 CORINTIOS 15:45

Yitnec actalhesomalhca Dios appayvam: “Enlhit apquillanomap apmamyi ilhnic nat Adán. Apvanmoncama ilhnic nat innac” —nic nat intomjac. Apvanmoncama ayinyema Dios alhta innac poc Adán apvisay Cristo, aptomja apyimnatescama ingnenyaoc.

1 CORINTIOS 15:47

Enlhit siclhoc anco apquinyema as nalhpop, yelpa ilhnic nat apquillanomap. Alhayi apvitamap alhta enlhit apquinyema netin, aptomja Visqui ingac.

2 CORINTIOS 4:7

Inyitsalhquic nincoo ningilyovoclhojo yatingvalhva. Appiquinquic Dios ingilvalhoc asoc acmamnave anco. Cotnatsalhquejec sat ayinyemayaclha acyiviy ningmovan. Am conyemac nincoo inganco, Dios eyca ayinyema ningmovan.

2 CORINTIOS 5:1

Ningyasamcoc nincoo yoyam ongilmasquingvomoc sat. Comascoc sat actemaclha ningyovoclhojo, malha tingma acyavataclhojo ningma congne. Appenasoc Dios maa netin singillanesquiscama tingma ingac apquilmilaneycaoc. Jave enlhit apquillanay as tingma.

1 TIMOTEO 2:13

Ayinyemaclha Dios apquillanay apmamyi ilhnic nat Adán. Alhayi ilhnic nat apquillanay Eva.

HEBREOS 12:9

Aptomjac mataa ingilyap nincoo singilanem ongilyejiclhojo nintemaclha inquitcoc. Ningilyajaclhoc nincoo mataa. Incaymalhquic ongilyejiclhojoc mataa Ingyapam netin. Colhic sat mataa acyimnatem ingnenyic.