GÉNESIS 2:5 - Enhlit Bible

⁵ Am nic nat cotamalhca paat najan moc yamit. Am nic nat elanac siclho acmamay Dios Apyimtalhnamo. Am nic nat etamacpoc enlhit yoyam etnajam amyip.

GÉNESIS 2:5 Iomraidhean Croise

GÉNESIS 2:6

Intipquic nic nat tiyam etin actomja acyesquiscama lhop (nalhpop).

GÉNESIS 3:23

Aptipcasquic nic nat as enlhit Dios Apyimtalhnamo amyip Edén. Apcapajasquic nic nat yoyam elcacjangvoclha as enlhit apquinyemayaclha siclhoc nic nat lhopactic.

GÉNESIS 4:12

Elcaoc sat mataa lhip moc amyip. Metejec sat mataa acyilhna. Colhejec sat lhip apmaclha as nalhpop, mepqui aplovquiscama apyampay— nic nat aptomjac Dios.

GÉNESIS 4:2

Natamin aptiyacmec nic nat ayitca apvisay Abel. Caín apyalhing nic nat Abel. Nipquesic apvitip nic nat Abel. Apquilcacjam amyip nic nat Caín.

JOB 5:10

Dios ayinyema acmamay ayictinquiscama ninganma amyip.

SALMOS 104:14

Apquictincasquic lhip paat actomja actoycaoc ninatoscama. Apquictincasquic lhip ninganma amyip. Ongvitac sat acyilhna yoyam ontovamcoc.

SALMOS 135:7

Apcapajasquic mataa yipjopay alinyema nelha lhopactic (lhapop). Aptimescasquic mataa tacja (alyinmayam) yoyam comamá. Aptimescasquic mataa alhcajayam najan piyam apvanyam.

JEREMÍAS 10:12

Dios Visqui ingac nic nat apquillanay as nalhpop, ayinyema apmopvan apanco. Apquillanac nic nat netin ayinyema apyascamco apanco.

JEREMÍAS 10:13

Inquilhtingyovquic yingmin ayinyema appayvam acyitsomalhco ayilhtingyavoyam. Aptimescasquic nic nat yipjopay payjoc nelha lhapop (nalhpop). Inquilyinmacmec nic nat naysicsa acmamay, apquilhcajacmec piyam, inquilhcajacmec alhcajayam.

JEREMÍAS 14:22

Paj coyitnac lhama quilaycmasquiscama acmovan cotnesquisic acmamay. Paj covanac netin cotnesquisic acmamay mepqui lhip. Lhip Dios Visqui ingac. Apmopvan innac lhip ellanac aclhamoclhojo asoc, yoyam jingilmecsic nincoo. Ningiljalhnec mataa lhip, yoyam jingilmeyvoc nincoo — nic nat aptomjac profeta.

SAN MATEO 5:45

Eltimjic sat quellhip apquitquic Ingyapam apna netin. Aptipcasquic mataa acnim Dios Ingyapam, yoyam colsavojo olhma apnamcaclha enlhit apquiltamila najan enlhit apquilmapsomcaa. Apcapajasquic mataa acmamay apnamcaclha enlhit apquilpeyvomo najan enlhit melpeyvomo.

HEBREOS 6:7

Pac ongilyitsic as amyaa: Malha ningilcacjam intomjac. Intalhnec mataa yingmin lhopactic aclhamoclhojo acmamay. Apquilcaquic mataa enlhit, apquinaclhec mataa actic. Invitalhquic mataa acyilhna ningilcacjam yoyam etovc enlhit. Eycaso actomja apyisponcama Dios.