GÉNESIS 19:25 - Enhlit Bible

²⁵ Insovjoc nic nat talha aclhamoclhojo asoc najan enlhitaoc apnaycam as tingma. Insovjoc nic nat talha asoc ayimja amyip.

GÉNESIS 19:25 Iomraidhean Croise

GÉNESIS 13:10

Apquilanoc nic nat Lot yoclhilhma nicja vatsam Jordán. Apvitangvocmec nic nat acyovoclha yingmin najan actamilaclha yingman acvocmo tingma Zoar. Innoc nic nat yoclhilhma Egipto. Am nic nat etvasac mocjam Dios Apyimtalhnamo tingma Sodoma najan Gomorra.

GÉNESIS 13:12

Am nic nat eyinyavac Abram yoclhilhma Canaán. Apyeycaac nic nat Lot lhama tingma actamilaclha yingman. Apnacmec nic nat actomjaclha ningato tingma Sodoma.

GÉNESIS 14:3

Apquilansaclhec nic nat singilpilhtetemo apancaoc as cinco apquilviscaa. Apcaneyclhec nic nat yoclhilhma acvisay nic nat siclho Sidim. Quilhvo nac jay actomja acvisay Mar Muerto.

SALMOS 107:34

Aptimescaseclhec alhta yancomilh amyip actamila. Ayinyema apquiltemaclha enlhit apquilmapsomcaa.

ISAÍAS 13:19

Etvasacpoc sat tingma apvanyam Babilonia, apyitsomacpo siclho asoc acmamnave najan alyinmom nipyesicsa caldeos. Elhojoc sat tingma Sodoma najan Gomorra apnatovasomap nano.

JEREMÍAS 20:16

Incaymalhquic colvoncamoc as acnim, acno aptovascama Dios tingma apquilvanyam. Alhtoo aclingalhco apquiliclhangveycam, ingyitsicso acnim aclingalhco amyaa apquilimpocja cotnaja ingmoc.

JEREMÍAS 23:14

Acvitac coo profetas co Jerusalén apquilmapsomcaa apanco, am elhno poc. Apquilmopvancaa amyaa, apquilyinimquiscama, apquilyamasma apnatamcaa. Apquilsilhnanaquic mataa enlhit apquilmapsomcaa, colapvanquejec elyanmongsic apquilvalhoc. Acyitcasquic coo as enlhit apquiltemaclha nic nat co Sodoma najan co Gomorra.

JEREMÍAS 49:18

Colhojoc sat tingma apnatovasomap Sodoma najan Gomorra, najan poc tingma apquilvanyam apnatovasomap maa. Mepqui enlhit yoyam etyisam mocjam.

JEREMÍAS 50:40

Enatovasacpoc sat tingma apno apnatovasomap tingma Sodoma najan Gomorra, najan poc tingma. Metyisamejec sat mataa enlhit cotmongvoycamlha nelha. Eycaso sicpayvam sicvisay Visqui apancaoc — alhta aptomjac.

LAMENTACIÓNES 4:6

Avanjec apquilmapsomcaa enlhit, am nic nat colhno apquilmapsomcaa co Sodoma. Pilapcasquic nic nat apnatovasacpo, mepqui ilhnic nat apquilimpocjay poc.

EZEQUIEL 16:50

Yitnec alhta actemaclha acmasom quilvana inyalhing yiplovcoc alhta sicyanmongsayclha actemaclha anco.

AMÓS 4:11

Aptomjac alhta mocjam: Apquillingamcoc alhta quellhip sicyanmongsayclha apquiltemaclha apancaoc, acno ilhnic nat nipyesicsa co Sodoma najan co Gomorra. Apquilyitsamacpec alhta yamit aclicamalhca natilh. Am alhta elyanmocasac moc apquilvalhoc quellhip, am jeltomjac selayo — alhta aptomjac Dios Apyimtalhnamo.

DEUTERONOMIO 29:23

Cotalhcac sat nalhpop azufre acpayesayclha talha, najan yasic, najan lhopactic acmeta. Mepqui actictiyapma ninganma sat cotnejic, mepqui acyilhna, mepqui paat ayimja, acno ilhnic nat macnatovascama tingma apquilvanyam Sodoma, najan Gomorra, najan Adma, najan Zeboim. Naysicsa aplom pac Dios, aptomja apnatovascama as tingma.

2 SAN PEDRO 2:6

Apsovjomacpoc nic nat najan apquilitsepma enlhitaoc tingma Sodoma najan Gomorra. Metquic nic nat tingma, acvamlha tajap nic nat intomjac. Eycaso actomja singillhicmoscama acyanmongayclha enlhitaoc apquilmapsomcaa yoyam covac sat.