GÉNESIS 19:14 - Enhlit Bible

¹⁴ Yejemoc nic nat apmiyaclho Lot apnamcaclha quilyimnanic alponcanma apquitquic. Am nic nat covocmoc alyimjapmaclha. Aptomjac nic nat Lot apquilanya: —Noc, onginyejic sat as tingma. Etvacsic sat Dios apyovoclhojo tingma— nic nat aptomjac. Apquilyascacmec nic nat quilyimnanic. Am nic nat elilyajaclhoc.

GÉNESIS 19:14 Iomraidhean Croise

GÉNESIS 19:15

Inmopacmec nic nat congne amamyi ayitsay. Apquiltomjac nic nat maycaa apquilanya Lot: —¡Ipecjesam! Ingyinyajas sat aptava najan anit apquitquic, yoyam conatovasalhquejec sat lhama as tingma naysicsa ningyanmongsayclha apquiltemaclha apancaoc enlhitaoc— nic nat aptomjac.

GÉNESIS 19:17

Apquilvoclhec nic nat tap tingma. Aptomjac nic nat ángel Dios apcasinancama apcanya Lot: —¡Ingyinyi, ivomsap tap! Nopaycacpojo nasa niptamin. Notningvom nasa naysicsa apquinyem amay. Ivomjo sat netin inquilhe alvinatem yoyam evomsacpoc tap— nic nat aptomjac.

GÉNESIS 19:22

¡Noc maa! Ivomjo sat maa, evomoc sat tap. Movanquejec otvacsic mocjam tingma, mevocmo inlhojo lhip apyasaclha— nic nat aptomjac apcanya. Eycaso ayinyema actimem apvisay as tingma Zoar, ningiltimem nincoo Meyoy.

2 CRÓNICAS 30:10

Apquillhinquic nic nat apquilsoycam amyaa, apquilsovjomo apquileyvomaclha co Efraín najan co Manasés, moclhama tingma apquilvanyam acvaycmo yoclhilhma Zabulón. Apquilasmasquic nic nat enlhitaoc apquillinga amyaa.

2 CRÓNICAS 36:16

Apquilasmesacpec nic nat soycam amyaa Dios apquillingascama. Invennalhquic nic nat appayvam ayinyema Dios, apquilasmesacpo profetas Dios apquillingascama. Aplovquic nic nat Dios Visqui ingac apvita apquiltemaclha apancaoc, aclhanma ilhnic nat apvalhoc melmiyovejec sat mataa enlhitaoc.

ÉXODO 12:31

Innec nic nat ayevamcaa alhtaa Moisés najan Aarón. Aptomja nic nat apvisqui faraón apquilanya: —Enanteyip sat ningyesicsa, quellhip najan enlhitaoc Israel. Noc maa, elpayicsojo sat Dios actemaclha apquillhanma alhta.

ÉXODO 9:21

Apquilyascacmec nic nat mataa poc. Am nic nat eltiyaningvocmoc apquilancam najan apnatoscama aleyvam amyip.

PROVERBIOS 29:1

Am sat ancoc comac ingilvalhoc singiltamescama, ongnatovasalhcac sat mepqui singmasma.

ISAÍAS 28:22

¡Elvatsaoc sat quellhip selasmescama coo! Elyicpilhquetacpoc sat quellhip mocjam, aclingac coo aptomjaclha Visqui ingac, esavojoc sat aptovascama yoclhilhma apquileyvomaclha quellhip — nic nat aptomjac profeta.

JEREMÍAS 20:7

Lhip Visqui ingac, eyinimcasquic alhta lhip, apyimnatem apanco nac lhip. Elasmasquic enaymacoc coo apquiltemaclha sevenéycam coo.

JEREMÍAS 43:1

Appenasquic nic nat Jeremías aplingascama appayvam ayinyema Dios, nipyesicsa enlhit.

JEREMÍAS 43:2

Aplingac nic nat Azarías, Osaías apquitca, najan Johanán, Carea apquitca, najan poc apquilhalhmaa. Apquiltomjac apquilanya Jeremías: ¡Apmopvan amyaa lhip! Jave appayvam ayinyema Dios singascama ongilyacsic yoclhilhma Egipto.

JEREMÍAS 51:6

¡Elinyajaoc sat quellhip israelitas najan co Judá, elyinyov sat yoclhilhma Babilonia! ¡Elvomsacpojo tap! ¡Elmiyovacpoc sat quellhip nipyesicsa maa, meticyovejec sat lhama! Oyanmongsiclhac sat apquiltemaclha apancaoc quilhvo nac jay co Babilonia.

EZEQUIEL 20:49

Ayatingmavoc alhta coo: Lhip Visqui ingac, melyasingvomejec sat enlhit siclingascama lhip appayvam, apquilanem acvisay amyaa acyilhamalhca — alhta actomjac coo.

NÚMEROS 16:21

—¡Elyamyiclha siclho! ¡Onatovacsic sat quilhvoc anco as enlhitaoc apquilinmelhaycam! — nic nat aptomjac Dios.

NÚMEROS 16:26

Aptomjac nic nat Moisés apquilanya enlhitaoc: —Elyamyiclha quellhip as enlhit apquilmapsomcaa, noelnatim nasa apquilnatam, elmasquingvomoc sat lhama quellhip ayinyema melyascalhma as apquilmapsomcaa — nic nat aptomjac.

NÚMEROS 16:45

¡Iyamyiclha sat lhip as enlhitaoc, olnapoc sat quilhvo nac jay! — nic nat aptomjac. Apquiljalhec nic nat Moisés najan Aarón acticlhicvocmo nalhpop payjaclha napaat.

SAN MATEO 1:18

Eycaso actemaclha alhta aptiyaycamlha Jesucristo. Inponquinalhquic alhta María. Apponcanma alhta José, yoyam etnejic aptava. Am alhta colyimjapac mocjam. Inyasamcoc alhta María actomja inlovso ayinyema apmopvan Espíritu Santo.

SAN MATEO 9:24

Aptomjac alhta Jesús apquilanya: —Elantiyip siclho. Am cotsepac quilvana ayitcoc. Intinquic anco —alhta aptomjac. Apcasmesacpec alhta Jesús.

SAN LUCAS 24:11

Apquilyascacmec alhta allhanma quilvanaa. Apquilanayquic alhta acmovan amyaa.

SAN LUCAS 9:42

Naysicsa aplhingayam alhta apyimnanic acmongvactamo somquic quilyicjamo. Inyinyovasam alhta nalhpop. Yejemoc alhta apquilyasalhma Jesús. Aptamilquiscacmec alhta apyimnanic. Apyantimcaseclhec alhta mocjam apyap.

LOS HECHOS 17:32

Lhama alhta apquillinga actemaclha aplhaticjangviyam nipyesicsa apquilmasquingvaycmo. Yejemoc alhta apquilasmesa napocja. Apquiltomjac alhta poc enlhitaoc: —Intasi nac onlingaclhojoc mocjam aplhena nac lha —alhta apquiltomjac.

1 TESALONICENSES 5:3

Sat eltimjic ellhenic enlhitaoc lhalhma anco: “Actamilaclhojo ningnaycam, mepqui amyaa” —sat eltimjic. Cotlapsic sat covotac yoyam enatovasacpoc enlhitaoc. Colapvanquejec enlhitaoc elinquitacpoc. Malha quilvana acpilapquiscama acmasca yicpintama cotimsic ayitca.