GÉNESIS 18:6 - Enhlit Bible

⁶ Aptalhningvoclhec nic nat carpa appaclhanma Abraham. Aptomjac nic nat apcanya aptava Sara: —¡Copecjesam! Colic sat natqui aplhanaoc motajap. Colanes sat pan— nic nat aptomjac.

GÉNESIS 18:6 Iomraidhean Croise

GÉNESIS 18:5

Coo sictomja silancam quellhip. Apquilvaac quellhip coo tingma ajac. Osantimquisic sat aptoycaoc, yoyam elyimneclhoc mocjam. Natamin elquimpiclhac sat mocjam— nic nat aptomjac. Apquilatingmavoc nic nat maycaa: —Jey, tasi— nic nat apquiltomjac.

GÉNESIS 18:7

Apquinincaclhec nic nat Abraham apmiyaclho alyinatamaclha apnatoscama. Apyacyesquic nic nat vayqui ayitcoc actamila anco. Apquilancam nic nat apcanyacpoc ingyajic vayqui ayitcoc. Appecjesam nic nat apquillanay apitic yoyam eltovamcoc.

GÉNESIS 19:3

Apquilinlhanacmec nic nat Lot. Apquilyajaclhoc nic nat maycaa. Apquilmec nic nat tacja Lot. Apquilanesquic nic nat aptoycaoc. Apquilanescasquic nic nat sepo yompac (motajap) mepqui apyipjescama. Aptovcamquic nic nat maycaa.

2 SAMUEL 13:6

Apyitnacmec nic nat Amnón, apyinimquisa ningmasquem ayajem. Apvoctac nic nat apvisqui David apnaclha Amnón. Aptomjac nic nat Amnón apcanya: —Tata. Ingyane sat covotac eyalhing Tamar sicnaclha coo, jelanesquisic nilpayescama yoyam otoc — nic nat aptomjac Amnón.

SALMOS 119:60

Acpecjesam alhta coo, am alhta opoctacmoc sicyiplovquiscama singanamaclha.

ISAÍAS 32:8

Moc aptemaclha enlhit aptamila. Apyiplovcasquic mataa aclhanma apvalhoc actamila — nic nat aptomjac profeta.

SAN MATEO 13:33

Apquiltimnasam alhta mocjam moc apyitquiscama Jesús: —Visqui netin apquilnancascama acyitsomalhco quilpasmongam apquimpascaoc. Inpalhacasquic sat ancoc quilvana nipyesicsa motajap, natqui acyacvom inlhojo. Yejemoc apquimpamco apyovoclhojo motajap macyelaquiscama —alhta aptomjac.

LOS HECHOS 16:15

Yejemoc alhta actingyaa yapasquiscama yingmin najan acmolhama. Intomjac alhta singilanya: —Apquilyasamcoc sat ancoc quellhip sictomja moyasquiyam Visqui ingac, elvota sat tingma ajac —alhta intomjac. Ingilinlhanacmec alhta nincoo, yoyam ongnam tingma ac.

ROMANOS 12:13

Elpasim sat mataa ingilyalhinga apquiltomja alaymomalhca asoc. Elma sat mataa tacja maycaa.

GALATAS 5:13

Quellhip elyalhinga. Dios aptomja apquilanama quellhip, malha apquevoycam yoyam eltimjic mepqui apquilmomap. Noelquinatquis nasa: Nocollhen nasa apquilvalhoc apquiltomja mepqui apquilmomap, yoyam elvajanamcoc mocjam ayitsepma apnenyaoc apquiltemaclha nano. Elpasim sat mataa poc nipyesicsa quellhip, naysicsa apquilyiplovquiscama actemaclha ningasicjayo.

HEBREOS 13:2

Nocolvonquim nasa elyiplovcasojo actemaclha ningmam tacja. Apquilmacpec alhta tacja ángeles nipyesicsa ingilyalhinga, am alhta eyca elyasamcoc ingilyalhinga.

1 SAN PEDRO 4:9

Elhnasojo sat moc apquilmam tacja mepqui apquilpameteycam.

JUECES 6:19

Aplhinquic nic nat Gedeón. Apcajac nic nat yataay apquitcoc. Apquillanac nic nat pan mepqui apquimpascaoc. Motajap harina nic nat apyelaquiscama, malha veinte litros. Avalhoc nintom alhancoc appiquena nic nat yataay mocjetic. Moc alhancoc nic nat yingminata. Apsantimcasquic nic nat acyovoclhojo nintom apquinmamcaclha ángel coning yamit.

1 SAMUEL 28:24

Inyancac nic nat coning paat vayqui ayitcoc acmilay. Incajac nic nat as quilvana, cajanic apitic. Inquillanac nic nat nilpayescama mepqui ayincajay pan apquimpascaoc.