GÉNESIS 18:23 - Enhlit Bible

²³ Apcalhingamcoc nic nat Abraham apyipitcangvocmo maycaa. Aptomjac nic nat apcanya: —Visqui, ¿pa ya etvacsojoc lhama enlhit apquilpeyvomo enlhitaoc apquilmapsomcaa?

GÉNESIS 18:23 Iomraidhean Croise

GÉNESIS 18:24

Apnam sat ancoc as tingma 50 enlhitaoc apquilpeyvomo, ¿pa ya esavojoc etvacsic as tingma? ¿Am ya eltamjoc lhip elasicjiclhojo as tingma, ayinyemaclha apnam nipyesicsa enlhitaoc 50 apquilpeyvomo?

GÉNESIS 18:25

Copvanquejec lhip etvacsojoc lhama enlhit apquilpeyvomo enlhitaoc apquilmapsomcaa. Copvanquejec lhip eyipitcasiclhojo enlhit apquilpeyvomo enlhitaoc apquilmapsomcaa. Lhip aptomja singyicpilquemo apyimtalhnamo as nalhpop. ¿Impeyvo ya mataa apyicpilquemo lhip?— nic nat aptomjac Abraham.

GÉNESIS 20:4

Am nic nat epatjetamcoc mocjam apvisqui Abimelec. Apcatingmavoc nic nat apvisqui: —Dios Visqui ajac, ¿apquiltamjo ya lhquip jeyajic naysicsa mepqui sicmasom?

2 SAMUEL 24:17

Pilapcasquic nic nat apvisqui David apvita ángel apquilnapma. Aptomjac nic nat David apcanya Dios: —¡Coo ayinyema sicsilhnanomalhca ajanco! Jave apquilmapsomcaa enlhitaoc. Iyanmongsiclha sat lhip sictemaclha coo najan sicmolhama — nic nat aptomjac David.

JOB 34:17

Copvanquejec Dios apyimtalhnamo etnejic mepeyvomo. ¿Apquinmelham ya lhquip Visqui ingac apyimtalhnamo?

JOB 8:3

¿Apcanayqui ya lhquip mepeyvomo Dios apyimtalhnamo, apyeycajasa apcanamaclha?

SALMOS 73:28

Coo eyca moyinyovejec sat mataa Visqui Dios. Lhip Dios Visqui ajac aptomja sicyilhanmeycam. Olngacsic sat lhip aptamjaycam sinpilapquiscama.

ÉXODO 23:7

Noelpasim nasa enlhit apquilyinimquiscama. Noelyitnocjas nasa amyaa mepqui apsilhnanomap apanco, yoyam etanovacpoc. Momyovejec sat coo enlhit apsilhnanomap apanco etnesacpoc appeyvomo.

JEREMÍAS 30:21

Lhama apquilmolhama etnejic sat mocjam apvisqui apancaoc, jeyotac sat coo. ¿Apvanqui ya jeyotac coo enlhit? — alhta aptomjac.

NÚMEROS 16:22

Apquilatingmavoc nic nat, apquiljalha acticlhicvocmo nalhpop payjaclha napaat: —¡O Dios! Lhip aptomja apyimnatescama apnenyaoc enlhit, elnapoc sat apyovoclhojo enlhitaoc apquilsilhnanomap, ayinyema apsilhnanomap apanco lhama enlhit, ¿so actomja yi? — nic nat aptomjac Moisés.

HEBREOS 10:22

Ingilane sat ongilyoclhojo apnaclha Dios acyitna ingvalhoc ayalhnayo najan acyitna acyimnatem mongyasquiyam. Innec alhta alalhnasa ingilvalhoc. Inmasquec najan alsilhnanomalhca ingvalhoc. Innec alhta singyapasquisa yingmin ningyovoclhojo, ayinyema yingmin ayalhnayo.

SANTIAGO 5:16

Pac onlhenic mataa ningilsilhnanomalhca ningyesicsa nincoo. Pac ongilmalhnesquisic mataa ingyalhing yoyam etamalvomoc. Acmovan innac ningilmalhnancama ningiltomja ningilpeyvomo. Eljalhnoc sat Dios Ingyapam.

SANTIAGO 5:17

Enlhit apanco ilhnic nat Elías Dios aplingascama, ningno nincoo. Lhama ilhnic nat apquilmalhna yoyam comacyeje as nalhpop. Am nic nat comamecac tres años najan seis piltin.