GÉNESIS 18:21 - Enhlit Bible

²¹ Altamjoc otyaningvomjoc maa, yoyam olanojo apquiltemaclha enlhitaoc. Nasoc lhaja amyaa apquillhenamap siclinga coo. Altamjoc oyasamcojoc maa— nic nat aptomjac.

GÉNESIS 18:21 Iomraidhean Croise

GÉNESIS 11:5

Apvayventac nic nat Dios Apyimtalhnamo yoyam elanojo tingma apvanyam najan tingma nitno enlhit apquillanay.

GÉNESIS 11:7

Incaymalhquic ongilvayventac sat nipyesicsa enlhitaoc. Ongillhinganimsic sat apquilpayvam. Melyasamquejec sat mataa poc aplhanma— nic nat intomjac apvalhoc.

GÉNESIS 18:17

Intomjac nic nat apvalhoc Dios: —¿Evanqui ya oyilhasquisic amyaa napato Abraham, yoyam otnejic nipyesicsa enlhitaoc?

GÉNESIS 6:12

Apvitac nic nat Dios Apyimtalhnamo apquiltemaclha almasomcaa enlhitaoc lhalhma anco. Lhama ilhnic nat apvita Dios Apyimtalhnamo apquiltemaclha apancaoc enlhitaoc.

JOB 34:22

Colapvanquejec elyilhanmoc apquilmapsomcaa naysicsa yatescamalhma, elvitac sat Dios (elvitacpoc sat maa).

SALMOS 14:2

Apquilanoc mataa Dios apna netin, apvitac apquiltemaclha enlhitaoc. Apquiltamjoc etac nipyesicsa aptomja apyascamco, actomja aclhanma apvalhoc etingya Dios.

SALMOS 90:8

Apvitac lhip nintemaclha ningilmasomcaa. Appiquenaclhec ayalhnaclhojo alquitamsama ingvalhoc almasomcaa.

ÉXODO 3:8

Acvaac coo yoyam olvomsic tap nipyesicsa co Egipto. Olyinyovsic sat yoclhilhma Egipto. Onalaclhac sat acyov'aclha yoclhilhma acyitnamaclha leche najan apquimjaclha yovjan. Apcaoclha enlhitaoc cananeo najan enlhitaoc heteo najan amorreo najan ferezeo najan heveo najan enlhitaoc jebuseo.

ÉXODO 33:5

Aptomjac nic nat Dios apcanya Moisés: —Eycaso sicpayvam Dios: Cayjec apquilvalhoc quellhip. Yitnec quellhip apquiltemaclha apancaoc. Actimec sat ancoc siclhalhma, cotnejic sat nalhit amay omascoscomoc quellhip. Eljalhyovas apquilnatanma quilhvo nac jay. Oyasamcojoc sat yavamlha otnejic — nic nat aptomjac Dios.

JEREMÍAS 17:1

Aptomjac alhta Visqui ingac: Quellhip co Judá, yitnec actalhesomalhca melyascalhma quellhip apquilvalhoc, najan payjoc inquipetaoc altar apquilvatnamaclha, malha apquilmaycam tava apac najan diamante acmajamtic alcajasomalhca mataymong, mongmovan ongmascocsic.

JEREMÍAS 17:10

Coo sicvisay Visqui sicyascamco actemaclha anco apquilvalhoc enlhit, najan alquitamsama apquilvalhoc enlhit. Oyanmongsiclhac sat mataa apquiltemaclha apancaoc enlhit, apquiltomja inlhojo apquilmapsomcaa. Ellhovamcoc sat acyanmongam enlhit apquiltamila.

JONÁS 1:2

Noc maa, iyas sat tingma apvanyam apvisay Nínive. Ilngas sat amyaa, yoyam etvasacpoc sat apyovoclhojo tingma. Aclingac coo amyaa apquiltemaclha apancaoc apquilmapsomcaa — nic nat aptomjac Dios Apyimtalhnamo.

MIQUEAS 1:3

Etyapoc sat apmaclha apanco Dios Apyimtalhnamo, elhic sat ayitsicsaoc inquilhe alvinatem.

SOFONÍAS 1:12

Omoc sat coo calevascama, osavojoc sat sitamsama apyovoclhojo tingma Jerusalén. Oyanmongsiclhac sat apquiltemaclha apancaoc acma apquilnatam, aclhanma mataa apquilvalhoc: Mongilacyejec mataa asoc altamila, paj najan asoc almasomcaa alinyema Dios — alhta intomjac apquilvalhoc.

SAN LUCAS 16:15

Aptomjac alhta apquilanya Jesús: —Quellhip fariseos, apquillhenacpec apanco mataa apquilpeyvomo nipyesicsa apnaymacoc. Dios Ingyapam eyca apyasamcoc apquilvalhoc quellhip. Aptanovquic mataa Dios Ingyapam actomja apquilayoclha enlhit —alhta aptomjac.

SAN JUAN 6:38

Netin coo ayinyemac. Motnejec coo sicmayjayo ajanco, sat eyca otnejic apmayjayoclha coo Tata aptomja seyapajascama.

2 CORINTIOS 11:11

¿Soctomja siclhena nac actema nac jay? ¿Am ya olasicjac quellhip? Paj. Dios eyca apyasamcoc sictemaclha silasicjayo quellhip.

DEUTERONOMIO 13:3

Noelyejiclhojo nasa quellhip. Apquiltamjoc Dios elyipconic quellhip, eyasamcojo actemaclha apquilvalhoc quellhip najan apquilyiplovquiscama.

DEUTERONOMIO 8:2

Colyitnam apatic quellhip niptamin alhta nalhit amay yoclhilhma actamopeycaoc acvaycmo cuarenta años. Apquiltamjoc alhta Dios elyipconic quellhip, najan actemaclha apquilvalhoc quellhip. Naso ya cotnejic apquilyiplovquiscama quellhip, paj lhaja.

1 TESALONICENSES 4:16

Ingyinyemac sat Visqui ingac netin ayinyema apcanama Dios. Colngalhcac sat najan appayvam ángeles apvisqui. Colngalhcac sat najan appayvascama trompeta ayinyema Dios. Natamin enalhaticjangvomoc sat apquilmamyi apquilmasquingvaycmo nano apquiltomja melyasquiyam Cristo.

HEBREOS 4:13

Aclhamoclhojo asoc nic nat apquillanay Dios. Aclhamoclhojo asoc acnaycaoc ayalhnaclhojo napato Dios. Paj lhama asoc acyilhomalhca napato Dios. Incaymalhquic ongilatingmojo singilmalhneclho sat Dios.

JOSUÉ 22:22

—Apyasamcoc Dios Visqui apyimtalhnamo, am colhno moc dioses. Nintemaclha alhta mepqui ningilinmelhaycam najan mepqui ningyamasma Dios Visqui ingac. Apyasamcoc maa Dios Visqui apyimtalhnamo. Elyasamcojoc sat quellhip lha apquilmolhama Israel: Nasoc sat ancoc ningilinmelhaycam najan ningyamasma Dios Visqui ingac. Eyanmongsiclhac sat nintemaclha inganco Dios Visqui ingac. Nasoc sat ancoc ningillanay altar ningayoclha Dios, yoyam ontingya asoc acmatnam macmescama Dios, najan acyilhna macmescama Dios, najan macmescama actemaclha singasicjayquiclha mocjam, jingilyicpilcojoc sat Dios, yoyam colhic acpeyvescasquiclha amyaa.