GÉNESIS 17:7 - Enhlit Bible

⁷ Eycaso actemaclha monquinatquiscama sicmayjayoclha coo napato lhip najan aplhamoclhojo aptovana niptamin lhalhma anco: Otnejic sat mataa Dios lhip Visqui pac. Otnejic sat mataa Dios Visqui apancaoc aptovana niptamin lhalhma anco.

GÉNESIS 17:7 Iomraidhean Croise

GÉNESIS 15:18

Eyca as acnim apquillanac nic nat Dios asoc monquinatquiscama actemaclha apmayjayoclha apanco. Aptomjac nic nat Dios apcanya Abram: —Pac omquecsic as yoclhilhma lhip aptovana niptamin. Yoclhilhma nipiyam acvocmo nicja vatsam acvisay Egipto. Yoclhilhma nilhqueyja acvocmo nicja vatsam acyivey acvisay Eufrates.

GÉNESIS 17:13

Incaymalhquic elhojoc poc mepqui apcaymomap. Comasquejec sat mataa asoc monquinatquiscama apyimpeoc cotmongvoycamlha nelha.

GÉNESIS 17:19

Aptomjac nic nat Dios apcanya Abraham: —Naso coo sicpayvam. Etac sat lhip apquitca. Cotimsic sat lhip aptava Sara. Iltime sat apvisay Isaac. Otnejic sat colhejec acyascacmo actemaclha monquinatquiscama sicmayjayoclha coo. Comasquejec sat mataa apquilyiplovquiscama Isaac aptovana niptamin cotmongvoycamlha nelha.

GÉNESIS 26:24

Apvitac nic nat actemaclha ningaat alhtaa. Aplingac nic nat Dios appayvam: Coo nac Dios Visqui pac lhip apyap Abraham. Nojeya nasa. Coo nac sicpasmom mataa lhip. Opasmoc sat lhip, olhamasiclhac sat lhip aptovana ayinyema Abraham, aptomja nat selancam— nic nat intomjac aplingay.

GÉNESIS 28:13

Apnec nic nat netin Dios Apyimtalhnamo. Aptomjac nic nat appamejitsa: —Coo nac sicvisay Dios Abraham apvisqui pac najan Isaac apvisqui pac. Omquecsic sat lhip najan aptovana as yoclhilhma aptiyanvoclha.

GÉNESIS 6:18

Pac otnesquisic asoc monquinatquiscama sicmayjayoclha ajanco apnaclha lhip. Elantilhic sat barca yamit aysicsic lhip apquitquic najan apnatamcaa. Etlhic sat lhip najan aptava.

GÉNESIS 9:16

Acvitac sat ancoc netin pimjit, colhenam sat evalhoc actemaclha sicmayjayoclha. Melquinatsejec sat mataa aplhamoclhojo enlhit najan aclhamoclhojo asoc aleyvam lhalhma anco.

2 SAMUEL 7:24

Apquiltamjoc lhip yoyam comasquejec mataa ningilvisay Israel, lhip enlhit apancaoc cotmongvoycamlha nelha. Lhip aptomja Dios Apyimtalhnamo.

1 CRÓNICAS 16:13

Quellhip apquilvisay Abraham aptovana niptamin. Quellhip apquilvisay Jacob apquitquic, najan Dios apquilyacyescama.

1 CRÓNICAS 16:14

Apvisay Dios Visqui ingac. Aptomja apcanama apyovoclhojo enlhit as nalhpop.

SALMOS 81:10

Coo sicvamlha Dios Visqui apancaoc quellhip. Sicyinyovquiscama alhta yoclhilhma Egipto. Elmayes sat apatnaoc, olmesic sat yoyam eltovamcoc.

ÉXODO 3:15

Aptomjac nic nat mocjam Dios Apyimtalhnamo: —Iltimnas sat enlhitaoc Israel: Eyapajasquic lhac Dios Apyimtalhnamo aptomja Apvisqui apancaoc quellhip apquilyeyjamcaa. Aptomja Abraham Apvisqui pac najan Isaac Apvisqui pac najan Jacob Apvisqui pac. Eycaso sicvisay cotmongvoyam nelha. Colvoncamejec sat mataa enlhitaoc as sicvisay aclhamoclhojo acnim (años).

ÉXODO 3:6

Aptomjac nic nat Dios Apyimtalhnamo apcanya: —Coo nac Visqui Dios, lhip apyap Apvisqui pac najan Abraham Apvisqui pac najan Jacob Apvisqui pac — nic nat aptomjac. Yejemoc nic nat apcalasa napaat Moisés. Apcacac nic nat elanojo napaat Dios Apyimtalhnamo.

ÉXODO 6:4

Allanac alhta asoc monquinatquiscama sicmayjayoclha napatavo apquilyeyjamcaa. Altamjoc omquecsic yoclhilhma Canaán, yoclhilhma cotnajaclha alhta apquilaoclha. Apquileyvec alhta as yoclhilhma.

ÉXODO 6:7

Otnejic sat quellhip enlhit ajancaoc. Otnejic sat Dios Apvisqui apancaoc quellhip. Elyasingvomoc sat quellhip sictomja Dios, quellhip Apvisqui apancaoc. Sictomja sicyinyovquiscama actemaclha acyimtalhnama apquiltamjaycam quellhip ayinyema co Egipto.

ISAÍAS 61:8

Coo sicvisay Dios. Ayasicjavoc coo actemaclha acpeyvomo. Actanovquic coo apquilminyilhma najan apquilnapma. Colhic sat acmesa acyanmongam quellhip, elmiyovacpoc sat cotmongvoycamlha nelha.

JEREMÍAS 31:1

Eycaso amyaa ayinyema Dios Visqui ingac: Otnejic sat Dios Visqui apancaoc apquilmolhama Israel, otnejic sat enlhit ajancaoc — alhta aptomjac Dios.

EZEQUIEL 28:26

Elhnam sat maa naysicsa actamilaycam apquilvalhoc. Ellanac sat mocjam tingma apancaoc, elquiniclhac sat uva avjac apancaoc (ayimjaclha). Oyanmongsiclhac sat apquiltemaclha enlhit apquilvenéycam israelitas. Elyicpilcangvomoc sat israelitas sicvisay Dios Visqui apancaoc — alhta aptomjac.

LEVÍTICO 11:45

Coo sicvisay Visqui apancaoc quellhip, sicyinyovquiscama nat yoclhilhma Egipto, otnejic sat nipyesicsa quellhip Dios Visqui apancaoc. Eltime sat quellhip santo mayayo, sicno coo lha santo mayayo — nic nat aptomjac.

LEVÍTICO 25:38

Coo sicvisay Dios Visqui apancaoc quellhip. Coo nac sicyinyovquiscama quellhip yoclhilhma Egipto, yoyam ellhovamcoc yoclhilhma Canaán, otnejic sat Dios Visqui apancaoc quellhip.

LEVÍTICO 26:12

Otyisam sat mataa nipyesicsa quellhip. Otnejic sat Dios Visqui apancaoc quellhip. Otnejic sat enlhit ajancaoc quellhip.

LEVÍTICO 26:44

Naso, apnam inyicje quellhip nipyesicsa cotnaja ingmoc. Mosovejec sat sictovascama apyovoclhojo quellhip. Otnejic sat nasoc anco sicpayvam mepqui sicyeycajascaoc. Siclhanma siclhoc nat napatavo apquilyeyjamcaa quellhip. Coo sicvisay Dios Visqui apancaoc quellhip.

LEVÍTICO 26:45

Coyitnam ejatic sicmayjayoclha sicpamejitsomalhca siclhoc nat sicyinyovquiscama yoclhilhma Egipto. Apquilvitac nat cotnaja apquilpayvomó lhama. Sicvisay alhta mataa Dios Sicyimtalhnamo — nic nat aptomjac.

LEVÍTICO 26:9

Olanam sat mataa quellhip. Olhamasiclhac sat apquitquic, eltimjic appintalhnama. Mepqui sicyeycajascama sicpayvam, osavojoc sat monquinatquiscama actemaclha sicmayjayoclha.

MIQUEAS 7:20

Nolvates nasa lhip aptemaclha singasicjayo najan singmasma, acno aplhanma ilhnic nat lhip Dios Apyimtalhnamo mepqui apyeycajascaoc, napatavo ningilyeyjamcaa Abraham najan Jacob — nic nat aptomjac profeta.

SAN MATEO 22:32

“Coo nac Abraham Dios apanco najan Isaac Dios apanco najan Jacobo Dios apanco” —nic nat aptomjac. Dios Ingyapam aptomja Apvisqui apancaoc enlhit apjalhnancaoc. Am etnajac Apvisqui apancaoc apquilitsepma —alhta aptomjac Jesús.

SAN MARCOS 10:14

Lhama alhta apvita apquiltomjaclha Jesús. Am alhta colcac apvalhoc, apquilpamejitsa: —Noelmiyov nasa jelyota insicaa ayitcoc. Noelyas nasa ilhma, eyca actomja nac ancaoc Dios apquilnancascama.

LOS HECHOS 2:39

Eycaso aptomja aplhanmaclha Dios Ingyapam. Quellhip alhta apquillhenacpoc yoyam ellhovac najan apquitquic najan apnaycam mocjay. Najan aplhamoclhojo aptomja apquilanyomap, aptomja apquilanem Dios Visqui ingac —alhta aptomjac.

ROMANOS 9:4

Eycaso enaymacoc apquiltomja Israel aptovana niptamin. Apquitquic nic nat aptomjac Dios. Yitnec nic nat nipyesicsa enaymacoc acvisay apmaclha Dios congne tingma apponquinomap. Apquillanac nic nat Dios asoc monquinatquiscama apmayjayoclha apanco actemaclha ningmiyovmalhquilha. Apquilmasquic nic nat singanamaclha Moisés. Yitnec nic nat mataa enaymacoc ninpayvam congne tingma apponquinomap. Apquilyasamcoc nic nat enaymacoc actemaclha aplhanma Dios actomja nasoc anco.

EFESIOS 2:2

Apquilvajanamquic alhta quellhip apquiltemaclha enlhitaoc lhalhma anco. Apquilyajaclhoc alhta quellhip actemaclha somquic quilyicjamo. Acmovan innac somquic quilyicjamo actomja mocjam avisqui nipyesicsa enlhitaoc apquiltomja melilyajayquiclho Dios appayvam.

DEUTERONOMIO 29:13

Quellhip apquillhanma nasoc anco Dios aptomja Visqui apancaoc quellhip, apquiltomja Dios apquilyacyescama, najan apquilmasma quellhip Dios, acno ilhnic nat aplhanma Dios mepqui apyeycajascaoc napato Abraham, najan Isaac, najan Jacob, apquilyeyjamcaa ilhnic nat quellhip.

HEBREOS 11:16

Inquillhenquic nic nat mataa apquilvalhoc apquilaoclha actamila anco, am colhnoc nalhpop. Inlhenalhquic nic nat ningaoclha netin. Am nic nat emancac Dios apquiltomja as enlhitaoc apvisay Visqui apancaoc. Apquillanesquic nic nat Dios tingma apyiviy yoyam elhnam as enlhitaoc acma melyasquiyam.

HEBREOS 8:10

Nalhit acnim sat otnescasiclhac monquinatquiscama sicmayjayoclha siclhanma alhnancoc nipyesicsa Israel apmolhama. Aptomjac alhta Dios Visqui ingac: Eycaso cotnejic sat monquinatquiscama sicmayjayoclha siclhanma alhnancoc: Opquinic sat apquilvalhoc enlhitaoc siyanamaclha ajanco. Otalhocsic sat apquilvalhoc enlhitaoc siyanamaclha ajanco. Otnejic sat sicvamlha Dios Visqui apancaoc. Coo sat otnejic enlhit ajancaoc.

JUECES 2:1

Apyinyovquic nic nat tingma Gilgal ángel Dios apcasinancama apmiyaclho tingma Boquím. Aptomjac nic nat ángel apquilanya israelitas: —Coo alhta sicyinyovquiscama quellhip yoclhilhma Egipto. Coo alhta sicnalayquinta quellhip as yoclhilhma, aplhanma siclho Dios mepqui apyeycajascaoc, yoyam ellhovamcoc apquilyeyjamcaa quellhip. Aptomjac alhta Dios: —Moyeycajacsejec sat mataa siclhanma pacto ningmiyovmalhca napatavo quellhip.