GÉNESIS 17:4 - Enhlit Bible

⁴ “Eycaso actomja monquinatquiscama actemaclha sicmayjayoclha coo. Appintalhnama sat eltimiclha lhip aptovana niptamin lhalhma anco.

GÉNESIS 17:4 Iomraidhean Croise

GÉNESIS 12:2

Olhamasiclhac sat lhip aptovana eleyoc sat lhalhma anco. Opasmoc sat mataa lhip. Colhic sat mataa ayaco lhip. Lhip sat epayesiclhac apquilvalhoc poc enlhitaoc.

GÉNESIS 13:16

Elhamiclhac sat aptovana niptamin mongmovan ongilyipsitic. Malha lhopactic sat eltimjic. Mongvanquejec ongilyipsitic lhopactic, mongvanquejec najan ongilyipsitic aptovana niptamin.

GÉNESIS 16:10

Aptomjac nic nat mocjam ángel apcanya quilvana: Pac olhamasiclhac sat lhiya atovana natamin. Paj lhama enlhit yoyam elyipsitic.

GÉNESIS 22:17

Opasmoc sat mataa lhip. Olhamasiclhac sat aptovana mongmovan ongilyipsitic. Malha apyova netin sat eltimjic. Malha lhopactic anic as nalhpop sat eltimjic. Apquilyimnatem sat eltimjic, melhoyc sat cotnaja ingmoc.

GÉNESIS 25:23

Aptomjac nic nat apcanya Rebeca: Apcanit apquilmolhama enlhit apnam avalhoc lhiya. Apquilnapacpec apcanit apquilmolhama yicpintama appaliyam. Apyimnatem apanco lhama, am elhnoc poc. Apyimtalhnamo sat etnejic apsilhyo. Apquilancam sat etnejic apteyam apmamyi— nic nat aptomjac Dios.

GÉNESIS 28:3

Altamjoc coo epasmoc sat lhip Dios Apyimtalhnamo. Elhamascasiclhac sat lhip aptovana. Elhamiclhac sat lhip apquileyvam lhalhma anco.

GÉNESIS 32:12

Aptomjac alhta lhip seyanya coo yoyam jepasmoc mataa. Elhamasiclhac sat etovana mongmovan ongilyipsitic, malha lhopactic anic sat eltimjic— nic nat aptomjac apquilmalhnancama.

GÉNESIS 35:11

Aptomjac nic nat Dios apcanya Jacob: Coo nac Dios sictomja Sicyimtalhnamo. Elhamiclhac sat lhip apquitquic najan aptovana. Eltimjic sat aplhamoclhojo apquilmolhama lhalhma anco. Eltimjic sat apquilviscaa nipyesicsa aptovana.

GÉNESIS 48:19

Apmiyovquic nic nat apyap. Apcatingmavoc nic nat: —Sictamongvoyam, acyasamcoc coo. Elhamiclhac sat najan Manasés. Eltimjic sat appintalhnama lhalhma anco. Eyca apyalhing etnejic apyimtalhnamo apanco melhoc sat apipma. Eltimjic sat appintalhnama apanco lhalhma anco— nic nat aptomjac apyap.

ÉXODO 6:4

Allanac alhta asoc monquinatquiscama sicmayjayoclha napatavo apquilyeyjamcaa. Altamjoc omquecsic yoclhilhma Canaán, yoclhilhma cotnajaclha alhta apquilaoclha. Apquileyvec alhta as yoclhilhma.