GÉNESIS 17:21 - Enhlit Bible

²¹ Comasquejec sat mataa monquinatquiscama actemaclha sicmayjayoclha coo. Aptiyacmec sat ancoc Isaac, eyiplovcasojoc sat mataa actemaclha sicmayjayoclha coo. Elyiplovcasojoc sat mataa aplhamoclhojo aptovana. Etyamoc sat Isaac apquitcoc comejec sat lhama año— nic nat aptomjac Dios.

GÉNESIS 17:21 Iomraidhean Croise

GÉNESIS 17:19

Aptomjac nic nat Dios apcanya Abraham: —Naso coo sicpayvam. Etac sat lhip apquitca. Cotimsic sat lhip aptava Sara. Iltime sat apvisay Isaac. Otnejic sat colhejec acyascacmo actemaclha monquinatquiscama sicmayjayoclha coo. Comasquejec sat mataa apquilyiplovquiscama Isaac aptovana niptamin cotmongvoycamlha nelha.

GÉNESIS 18:10

Aptomjac nic nat lhama maycaa apcanya: —Moc año sat ovotac mocjam otnejic maycaa. Cotac sat ayitca lhip aptava Sara— nic nat aptomjac. Inlingac nic nat Sara actemaclha aplhanma maycaa. Innec nic nat congne carpa nicja atong, acpayjo apcapoc Abraham.

GÉNESIS 18:14

¿Inyitne ya lhama asoc acyimtalhnama comopvan etnesquisic Dios? Apvanquic etnesquisic aclhamoclhojo asoc. Moc año sat ovotac mocjam. Cotac sat ayitca aptava Sara— nic nat aptomjac.

GÉNESIS 21:1

Inlhanvocmec nic nat apvalhoc Dios actemaclha aplhanma nano. Apquiltamjoc nic nat Dios cotac Sara actemaclha aplhanma nano.

GÉNESIS 46:1

Apquilyinyovquic nic nat apquilaoclha enlhitaoc Israel. Apquilvoclhec nic nat tingma Beerseba. Apquillanac nic nat apquilyap apvatnamaclha asoc actemaclha ningmescama Dios. Aplhenquic nic nat apvisay Dios Visqui pac apyeyjamcaa apvisay Isaac.

GÉNESIS 48:15

Apquiltimnasquic nic nat actamila appayvam apquilyata: Dios aptomja Visqui ingac. Apquilyajaclhoc nat sicyeyjamcaa Abraham najan Isaac. Dios aptomja setamilquiscama mataa. Aclhamoclhojo acnim sictiyascam coo.

JOB 14:13

Jeyilhanimquis sat coo nipyesicsa apquilmasquingvaycmo, acvaycmo acmasca lhip aplom pac. Ilhen sat acnim yavamlha jeyasicjiclhojoc mocjam coo.

ÉXODO 2:24

Aplingac nic nat Dios actemaclha apquiliclhangvoycam. Apyasingveclhoc nic nat Dios asoc monquinatquiscama actemaclha apmayjayoclha apvitay nic nat Abraham najan Isaac najan Jacob.

ÉXODO 3:6

Aptomjac nic nat Dios Apyimtalhnamo apcanya: —Coo nac Visqui Dios, lhip apyap Apvisqui pac najan Abraham Apvisqui pac najan Jacob Apvisqui pac — nic nat aptomjac. Yejemoc nic nat apcalasa napaat Moisés. Apcacac nic nat elanojo napaat Dios Apyimtalhnamo.

SAN LUCAS 1:55

Innoc aptomja ilhnic nat aplhanma apcanyacpo ningilyeyjamcaa Abraham najan aptovana niptamin —alhta intomjac María.

SAN LUCAS 1:72

Apquilinlhanacmec nic nat apquimlaycmojo ningilyeyjamcaa. Inlhanvocmec mataa apvalhoc actemaclha aplhanmaclha nasoc anco Dios.

LOS HECHOS 1:7

Apcatingmavoc alhta Jesús: —Noeltamjo nasa quellhip elyasamcojo yoycamlha cotnejic asoc. Tata apna netin eyca apyasamco yoyam etnejic actemaclha aclhanma apvalhoc nano.

ROMANOS 9:9

Eycaso aptomja aplhanma ilhnic nat Dios actomja nasoc anco, aptomja apcanya Abraham: “Cotimsic sat ayitca Sara. Etac sat lhip apquitca sicvactamo sat moc año” —ilhnic nat aptomjac.

GALATAS 3:29

Quellhip apquiltomja Abraham aptovana niptamin ayinyema apquilpasmeyquiclha Cristo. Ellhovac sat quellhip apcaycaoc, aplhanma ilhnic nat Dios actomja nasoc anco yoyam elmesic.

HEBREOS 11:9

Meyasquiyam nic nat innac Abraham. Apvoclhec nic nat yoclhilhma cotnajaclha apcaoclha aplhanmaclha Dios actomja nasoc yoyam elhcac. Apquillanac nic nat carpa appaclhanma. Apvajanamquic nic nat Abraham apquitca Isaac. Apvajanamquic nic nat Abraham aptavin Jacob. Apquilanyacpec nic nat as apcanit yoyam ellhovac lhama apquilyap Abraham, actemaclha aplhanma Dios actomja nasoc anco.