GÉNESIS 16:6 - Enhlit Bible

⁶ Apcatingmavoc nic nat Abram: —Ca incolanojo. Lhiya alancam as quilvana. Cotne sat actemaclha acmayjayoclha lhiya— nic nat aptomjac. Inmasquec nic nat actamilsa alancam Sarai. Inquinyec nic nat acvisay Agar.

GÉNESIS 16:6 Iomraidhean Croise

GÉNESIS 16:9

Aptomjac nic nat ángel apcanya quilvana: —Cotajojo sat mocjam acnaclha avisqui ac. Colyejiclhojo sat mataa acpayvam— nic nat aptomjac.

GÉNESIS 24:10

Apquilyacyesquic nic nat asoc altamila anco Abraham yoyam elmecsic. Apnalaclhec nic nat diez apnatoscama voncayispoc. Apmiyaclhec nic nat apquilancam yoclhilhma Mesopotamia, tingma pac apvisay Nacor.

JOB 2:6

Aptomjac nic nat Dios apcanya singyipconma: —Tasi. Itnesquis aplingaycamco acmasca Job. Noyinyovquis nasa apyimnatem apanco — nic nat aptomjac Dios.

ÉXODO 2:15

Aplingac nic nat apvisqui faraón as amyaa. Apquiltamjoc nic nat ingyajic Moisés. Apquinyec nic nat Moisés. Apnacmec nic nat yoclhilhma Madián.

PROVERBIOS 14:29

Colhic sat ningyascamco nincoo, acyitna inlhojo actamilaycam ingvalhoc. Mepqui mataa ningyascamco, acyitna inlhojo actamjaycam ingvalhoc.

PROVERBIOS 15:1

Comascoc sat aplom enlhit, aplinga inlhojo ninlhanma actamila nimpayvam. Coyangvomoc sat aplom enlhit, aplinga inlhojo nintemaclha ningvennéycam.

PROVERBIOS 27:8

Nata ayitcoc acyamasma alhancoc, colhnanmoc sat mocjay. Ningno nincoo ninlhinganyam mocjay ningileyvam cotnajaclha ningaoclha.

PROVERBIOS 29:19

Comejec apvalhoc enlhit apmomap actemaclha ningiltamescama. Aplinga inyicje as enlhit, am eyca eyiplovcasac (ingyajalhnoc) ningiltimnascama.

ECLESIASTÉS 10:4

Aplovquic sat ancoc visqui ningiltimesaycam, incaymalhquic ongiltamilsojo ingilvalhoc. Jingilasicjiclhojoc sat mocjam, apvita inlhojo actamilaycam ingvalhoc.

JEREMÍAS 38:5

Apcatingmavoc nic nat apvisqui Sedequías: —Quellhip eyca, movanquejec omyoc coo — nic nat aptomjac.

JOSUÉ 9:25

Ningmomalhca nac nincoo, jingiltimesquis nincoo apquiltamjoclha jingiltimesquisic — nic nat apquiltomjac.

1 SAN PEDRO 3:7

Najan lha quellhip acma apnatamcaa. Noeltamongvomjo nasa olhma acnaclha apnatamcaa. Elyasamcojo quellhip actemaclha quilvana, am coyimnac ayimpejic. Elpasim sat mataa apnatamcaa. Inquillhocac lhama quellhip acyimnatem ingnenyaoc ayinyema Dios cotmongvoycamlha nelha. Eltamilsacpojo apanco lhama apnatamcaa yoyam colhojoc sat moc apquilmalhnancama.