GÉNESIS 15:9 - Enhlit Bible

⁹ Aptomjac nic nat Dios apcanya Abram: —Iyantementa sat siclho lhama vayqui acvocmo 3 años najan lhama yataay acvocmo 3 años najan lhama nipquesic acvocmo 3 años. Isanta sat lhama aptoscama sapop najan lhama yamvalhaay apquitcoc— nic nat aptomjac.

GÉNESIS 15:9 Iomraidhean Croise

GÉNESIS 15:10

Apyantementac nic nat apnatoscama Abram. Apcajac nic nat. Appalhcatquic nic nat naysicsa. Appiquinquic nic nat nalhpop moclhama nicja asoc apcajem. Apyipitcaseclhec nic nat moc. Am nic nat eyaptac napocja sapop najan yamvalhaay.

GÉNESIS 15:8

Apcatingmavoc nic nat Abram: —Visqui ajac Dios, ¿jalhco sat cotnejic yoyam cotnatsalhquejec omiclha as yoclhilhma?— nic nat aptomjac.

GÉNESIS 22:13

Yejemoc nic nat apvita Abraham nipquesic apquinavo ayaspom apquipetaoc yamit actingaoc. Apliquic nic nat nipquesic Abraham. Apcajac nic nat acyanmongayclha apquitca. Apvatnec nic nat talha actemaclha apmescama Dios.

SALMOS 50:5

Aptomjac Visqui ingac apquilanya: —Elansiclha quellhip aplhamoclhojo enlhitaoc silyacyescama. Apquillhoy siclhoc anco monquinatquiscama sicmayjayoclha naysicsa selmescama asoc acyanmongam mongilyascalhma — intomjac appayvam.

LOS CANTARES 2:12

Invitalhquic lhalhma anco ilhnamoc. Inquilpayvec nata ayitcoc lhalhma anco najan sapop appayvam. Incaymalhquic nincoo lha ongilminaycmacsic.

ISAÍAS 15:5

Inlhenquic evalhoc elpasingvota co Moab. Apquilinyajamquic enlhitaoc acvaycmo tingma Zoar, acvaycmo Eglat-selisiya. Apquilyiplaclhec amay Luhit naysicsa apyapcalhem, najan payjoc amay Horonaim apquiltomja apquilpalhamaycam najan aliclhangveycam ayinyema aptovasomacpilha tingma.

LEVÍTICO 1:10

Elyacyes sat aptoscama nipquesic, tasic najan yataay apquinavo, mepqui acmasom apyimpejic, ematong sat acyanmongam melyascalhma, actemaclha holocausto.

LEVÍTICO 1:14

Elyacyes sat aptoscama sapop, tasic najan valhaay, etnejic macmescama Dios actemaclha holocausto, ematong sat acyanmongam melyascalhma.

LEVÍTICO 1:3

Elyacyes sat aptoscama vayqui inquinavo mepqui acmasom ayimpejic, comatong sat acyanmongam melyascalhma, actemaclha holocausto. Elyantemiclha sat mataa payjoc apatong carpa tingma.

LEVÍTICO 12:6

Insovjalhquic sat ancoc acnim actanovmalhca quilvana napato Dios, ayinyema actimquiscama ayitca apquinavo, najan quilvana ayitcoc. Incaymalhquic cotingya asoc macmescama Dios, payjoc apatong carpa apponquinomap. Cotnejic sat macmescama Dios lhama nipquesic apquitcoc un año, ematong actemaclha holocausto malvatnama talha, najan lhama valhaay, najan maa sapop. Colhic acmesa sacerdote.

LEVÍTICO 12:8

Am sat ancoc eyancac actoscama nipquesic, avanquic as quilvana cotingyac apcanit sapop, tasic najan apcanit valhaay, lhama sat cotnejic actemaclha holocausto, poc sat cotnejic macmescama Dios acyanmongam coyascalhma. Elmalhnesquisic sat sacerdote, comascoc sat actanovmalhca quilvana napato Dios — nic nat aptomjac.

LEVÍTICO 14:22

Mocjam apcanit sapop macmescama Dios, tasic najan apcanit valhaay. Lhama sat cotnejic macmescama Dios acyanmongam meyascalhma, poc sat cotnejic macmescama Dios holocausto malvatnama talha.

LEVÍTICO 14:30

Natamin etingyac sat sacerdote lhama sapop, tasic najan lhama valhaay.

LEVÍTICO 3:1

Apvanquic enlhit etnejic macmescama Dios lhama vayqui, tasic najan vayqui inquinavo, cotnejic sat macmescama Dios singasicjayquiclha. Mepqui ayimpejic acmasom sat cotnejic aptoscama.

LEVÍTICO 3:6

Apvanquic enlhit etnejic macmescama Dios lhama nipquesic, tasic najan nipquesic apquinavo, cotnejic sat macmescama Dios singasicjayquiclha. Mepqui apyimpejic acmasom sat cotnejic aptoscama.

LEVÍTICO 9:2

Aptomjac nic nat Moisés apcanya Aarón: Itingya sat lhip vayqui inquinavo, comatong sat acyanmongam melyascalhma. Mocjam lhama nipquesic apquinavo, ematong sat actemaclha holocausto acyanmongam melyascalhma, cotnejic sat macmescama Dios.

LEVÍTICO 9:4

Eltingyac sat israelitas mocjam lhama vayqui inquinavo yoyam comatong, najan nipquesic apquinavo yoyam ematong, cotnejic macmescama Dios singasicjayquiclha. Ilane sat elsantac ofrenda nintom nilpayescama alpalhquemalhca aceite. Etacpoc sat Dios nipyesicsa quellhip as acnim nac jay — nic nat aptomjac Moisés.

SAN LUCAS 2:24

Inquililtamjoc alhta najan colmesic asoc ningmescama Dios. Actemaclha nic nat apcanama Dios Ingyapam. Elmesaoc sat apcanit sapop inlhoyqui laa apcanit valhaay apquitcoc —nic nat intomjac vaycajac apcanama Dios Ingyapam.