GÉNESIS 15:6 - Enhlit Bible

⁶ Am nic nat eyascacmoc Abram Dios appayvam. Aptimescasquic nic nat Dios appeyvomo Abram ayinyema meyasquiyam.

GÉNESIS 15:6 Iomraidhean Croise

NEHEMÍAS 9:8

Apvitac nic nat lhip aptemaclha meyasquiyam, apquillanay nic nat lhip pacto ningmiyovmalhca: Ellhovamcoc sat aptovana niptamin lhama yoclhilhma alhnancoc, acvisay siclho apquileyvomaclha cananeos, hititas, amorreos, ferezeos, jebuseos, najan gergeseos. Mepqui apyeycajascaoc nic nat lhip aplhanma, acno lhip aptemaclha appeyvomo.

SALMOS 106:31

Apyispaquic nic nat Dios aptemaclha (Finees) appeyvomo. Inlingalhquic nic nat apvisay mataa cotmongvoycamlha nelha.

ROMANOS 4:11

Apvitac nic nat Abraham asoc monquinatquiscama apyimpejic, yoyam colhejec acyascacmo aptomja aptimesomap amamyi appeyvomo napato Dios ayinyema meyasquiyam. Apquiltamjoc nic nat Dios yoyam etnejic Abraham apvisay “mongyasquiyam inyap”. Yoyam etnejic malha apquilyap aplhamoclhojo enlhitaoc lhalhma anco apquiltomja melyasquiyam. Ayinyemaclha Dios aptimesquiscama apquilpeyvomo enlhitaoc lhalhma anco mepqui asoc monquinatquiscama apyimpeoc.

ROMANOS 4:9

Altamjoc oltimnacsic mocjam quellhip: ¿Apquilvamlha ya judíos acma asoc monquinatquiscama apyimpeoc eltimjic apquilinyejemo? ¿Metnaja judíos ya najan yoyam eltimjic apquilinyejemo? Eje, najan maa. Aplhenacpec nic nat Abraham aptimesomap appeyvomo napato Dios ayinyema meyasquiyam.

2 CORINTIOS 5:19

Dios aptomja aptimesquiscama apcasicjayclho aplhamoclhojo enlhitaoc lhalhma anco ayinyema Cristo. Am alhta elyipsatac Dios melyascalhma enlhitaoc. Ingilasinaquic nincoo yoyam ongilpayecsic as amyaa actemaclha singasicjayclho mocjam.

HEBREOS 11:8

Meyasquiyam nic nat innac Abraham. Apquevam nic nat Dios yoyam eyacsic Abraham moc yoclhilhma yoyam elhcac malha apmayclha. Apquilyajaclhoc nic nat Abraham. Aplhinquic nic nat Abraham naysicsa meyascaoc apyasaclha.

SANTIAGO 2:23

Invocmec nic nat aclhanmaclha Dios appayvam actalhesomalhca: “Am nic nat eyascacmoc Abraham Dios appayvam. Innec nic nat actimesa appeyvomo ayinyema meyasquiyam. Apquiltimec nic nat Dios Ingyapam apvisay aptimem poc Abraham” —nic nat intomjac.