GÉNESIS 14:3 - Enhlit Bible

³ Apquilansaclhec nic nat singilpilhtetemo apancaoc as cinco apquilviscaa. Apcaneyclhec nic nat yoclhilhma acvisay nic nat siclho Sidim. Quilhvo nac jay actomja acvisay Mar Muerto.

GÉNESIS 14:3 Iomraidhean Croise

GÉNESIS 10:19

Yoclhilhma apquileyvomaclha cananeos acvaycmo ilhnic nat yoclhilhma acvisay Gerar. Yicpintama tingma apvanyam Sidón acvaycmo tingma Gaza. Najan moc nicja tap nic nat tingma apvanyam Sodoma acvaycmo tingma Gomorra, acvaycmo tingma Adma, acvaycmo tingma Zeboim, acvaycmo tingma Lasa.

GÉNESIS 14:10

Inlhamoc nic nat malhcaa as yoclhilhma. Inquilanamcoc nic nat asfalto ayingmenic ayinyema lhop. Lhama ilhnic nat apquinyajamco apvisqui co Sodoma najan apvisqui co Gomorra. Apquilvayvamquic nic nat naysicsa apquinyajaycaoc. Apquilvoclhec nic nat apquinyajaycaoc netin inquilhe poc apquilviscaa.

GÉNESIS 14:4

Apyimtalhnamo ilhnic nat apvisqui Quedorlaomer acvocmo 12 años. Apquilyajaclhoc nic nat cinco apquilviscaa. Invocmec nic nat 13 años. Natamin nic nat apquiltomja apquilinmelhma apvisqui apyimtalhnamo.

GÉNESIS 14:8

Apquilmeyaclhec nic nat yoclhilhma Sidim cinco apquilviscaa: apvisqui co Sodoma najan co Gomorra najan co Adma najan co Zeboim najan co Bela. Eycaso cinco apquilviscaa apquilnapacpec nic nat poc apquilviscaa: apvisay Quedorlaomer najan apvisqui Tidal najan apvisqui Amrafel najan apvisqui Arioc. Apquiltomja ilhnic nat apvisqui co Elam najan co Goim najan co Sinar najan co Elasar.

GÉNESIS 19:24

Yejemoc nic nat acpalentamo talha najan azufre acpayesayclha talha nipyesicsa tingma Sodoma najan Gomorra. Malha acmamay nic nat intomjac acpalentamo talha, ayinyema Dios apna netin.

SALMOS 107:34

Aptimescaseclhec alhta yancomilh amyip actamila. Ayinyema apquiltemaclha enlhit apquilmapsomcaa.

NÚMEROS 34:12

najan maa tap nicja vatsam Jordán acvaycmo nelha Mar Muerto, moc acvisay Yingmin Apac. Eycaso acvamlha acyovoclhojo yoclhilhma apquileyvomaclha quellhip — nic nat aptomjac Moisés.

DEUTERONOMIO 3:17

Apquillhocac alhta nicja actiyapmaclha acnim Arabá, payjoc inquilhe Pisga. Najan maa nicja vatsam Jordán, ayenmo acyayengviyam Cineret acvaycmo yingmin acvanyam Arabá, moc ningiltimem Mar Muerto (Yingmin Apac) — nic nat aptomjac Moisés.

JOSUÉ 3:16

Nitnoc nic nat inyitnac yingmin moc nicja ayinyemayaclha yingmin. Acpayjo tingma Adam mocjay nic nat inyitnac yingmin. Invocmec nic nat acvisay Saretán. Inyamacac nic nat moc nicja vatsam acvocmo Arabá. Invonquipquic nic nat yingmin acvocmo acvisay Yasic Yingmin (Mar Muerto). Inyaptalhquic nic nat yingmin. Apquiljalhtipilhquitquic nic nat enlhitaoc Israel. Apquililtamjoc nic nat elyacsic tingma Jericó.