GÉNESIS 12:7 - Enhlit Bible

⁷ Pilapcasquic nic nat apvitacpo Dios Apyimtalhnamo. Aptomjac nic nat Dios apcanya Abram: —Omquecsic sat lhip aptovana as yoclhilhma — nic nat aptomjac. Apquillanac nic nat Abram lhama apvatnamaclha actemaclha apmescamaclha asoc Dios Apyimtalhnamo. Ayinyemaclha apvitacpec nic nat maa Dios Apyimtalhnamo.

GÉNESIS 12:7 Iomraidhean Croise

GÉNESIS 12:8

Apmiyaclhec nic nat tap tingma Betel actiyapmaclha acnim. Apvoclhec nic nat inquilhe acvinatem. Apquillanac nic nat carpa appaclhanma. Apyitnec nic nat tingma Betel acpayjo actalhningvamlha acnim. Apyitnec nic nat tingma Hai acpayjo actiyapmaclha acnim. Apquillanac nic nat mocjam Abram apvatnamaclha yoyam epamejitsic Dios Apyimtalhnamo.

GÉNESIS 13:15

Omquecsic sat lhip yoclhilhma apvitaclha lhip. Etnejic sat apancoc lhip najan aptovana niptamin as yoclhilhma.

GÉNESIS 13:17

Itnimiclha netin, iyas sat nav'ayc yoclhilhma. Ilanojo sat acvamlha acvinatem najan acvamlha acyivey as yoclhilhma. Pac omquecsic sat lhip— nic nat aptomjac Dios Apyimtalhnamo.

GÉNESIS 13:18

Apquimpaclhec nic nat mocjam Abram najan aplhamoclhojo apmolhama. Apyasquic nic nat amyip apquilimjaclha masit, apcaoclha enlhit apvisay Mamre. Ningatoc nic nat maa tingma apvanyam apvisay Hebrón. Apquillanac nic nat apvatnamaclha Abram actemaclha macmescama asoc Dios.

GÉNESIS 13:4

Apvoclhec nic nat apvatnamaclha siclhoc anco Abram, yoyam epamejitsic Dios Apyimtalhnamo.

GÉNESIS 15:18

Eyca as acnim apquillanac nic nat Dios asoc monquinatquiscama actemaclha apmayjayoclha apanco. Aptomjac nic nat Dios apcanya Abram: —Pac omquecsic as yoclhilhma lhip aptovana niptamin. Yoclhilhma nipiyam acvocmo nicja vatsam acvisay Egipto. Yoclhilhma nilhqueyja acvocmo nicja vatsam acyivey acvisay Eufrates.

GÉNESIS 17:1

Noventa y nueve años nic nat invocmoc aptiyascam Abram. Apvitac nic nat Dios Abram. Aptomjac nic nat Dios apcanya Abram: —Coo nac sicvisay Dios Sicyimtalhnamo. Itamilsacpojo apanco mataa naysicsa aptiyascam.

GÉNESIS 17:3

Yejemoc nic nat apquilpolintamo nalhpop Abram. Apticlhiquic nic nat acpayjaclha napaat nalhpop. Aptomjac nic nat Dios apcanya Abram:

GÉNESIS 17:8

Omquecsic sat yoclhilhma Canaán aptiyascamcaclha lhip. Cotmongvoyam nelha sat cotnejic apmayclha lhip. Coo sat otnejic Dios Visqui apancaoc aptovana niptamin”— nic nat aptomjac Dios.

GÉNESIS 18:1

Apvaac nic nat maycaa apquinyema Dios. Apnec nic nat Abraham amyip apquilimjaclha masit apcaoclha enlhit apvisay Mamre. Ingyitsicso acnim nic nat intomjac apna Abraham atong appaclhanma carpa.

GÉNESIS 22:9

Apquilvocmec nic nat yoclhilhma apcanyaclha alhta Dios yoyam elyacsic. Apquicjesquic nic nat mataymong yoyam etnejic apvatnamaclha. Appiquinquic nic nat alhpongja netin mataymong. Apquilpilhquitquic nic nat apmeoc apquitca. Appiquinquic nic nat apquitca netin alhpongja.

GÉNESIS 24:7

Lhip sat eyantementac quilvana yoyam etnejic aptava Isaac. Dios Apyimtalhnamo netin aptomja seyinyovquiscama tata tingma pac najan siyaoclha. Aptomja aplhanma actomja nasoc anco yoyam ellhocac as yoclhilhma etovana aplhamoclhojo.

GÉNESIS 26:25

Apquicjesquic nic nat mataymong Isaac. Apquillanac nic nat apvatnamaclha yoyam elhenic apvisay Dios Apyimtalhnamo. Apquillanac nic nat tingma pac as yoclhilhma. Apquilmaclhec nic nat yamilquit apquilancam.

GÉNESIS 26:3

Ilinlhanmojo sat mocjam aptiyascam as yoclhilhma. Coo sat mataa opasmoc najan ongvimlimojo. Lhip sat elhcac aclhamoclhojo yoclhilhma najan aptovana niptamin. Osavojoc sat siclhanma alhta actomja nasoc anco napatoc lhip apyap Abraham.

GÉNESIS 28:13

Apnec nic nat netin Dios Apyimtalhnamo. Aptomjac nic nat appamejitsa: —Coo nac sicvisay Dios Abraham apvisqui pac najan Isaac apvisqui pac. Omquecsic sat lhip najan aptovana as yoclhilhma aptiyanvoclha.

GÉNESIS 28:4

Yitnec nat aplhanma Dios actomja nasoc anco apcanama Abraham. Colhojoc sat lhip lha actemaclha aplhanma Dios. Eltimjic sat apquilaoclha apancaoc lhip aptovana. Quilhvo eyca actomja mocjam cotnaja ningilaoclha. Eycaso aplhanma nat Dios Apyimtalhnamo actomja nasoc anco, yoyam elhcac Abraham— nic nat aptomjac Isaac.

GÉNESIS 32:30

Apquiltimec nic nat Jacob acvisay as amyip Peniel. Intomjac nic nat apvalhoc: Acvitac coo Dios najato. Am lhac ongvitsepac coo— nic nat intomjac apvalhoc.

GÉNESIS 33:20

Apquillanac nic nat Jacob apvatnamaclha yoyam epamejitsic Dios Apyimtalhnamo. Apquiltimec nic nat acvisay apvatnamaclha: El-Elohe-Israel, moc ningiltimem: Dios aptomja Apvisqui pac Israel.

GÉNESIS 35:12

Acmasquic alhta siclhoc anco Abraham najan Isaac as yoclhilhma. Lhip sat najan omquecsic as yoclhilhma. Niptamin lhip omquecsic sat aptovana lhip as yoclhilhma— nic nat aptomjac Dios Apyimtalhnamo.

GÉNESIS 35:7

Apquillanac nic nat Jacob apvatnamaclha actemaclha ningmescama Dios. Apquiltimec nic nat acvisay El-Betel. Ayinyema apvitay Jacob Dios naysicsa apquinyem apcay apipma Esaú.

GÉNESIS 50:24

Aptomjac nic nat José apquilanya apquilpipma: —Incamquitvaac siyitsepmaclha. Epasmoc sat quellhip Dios Apyimtalhnamo. Elantipsic sat as yoclhilhma. Enaliclhac sat quellhip yoclhilhma apquiltiyascamcaclha ningilyeyjamcaa Abraham najan Isaac najan Jacob. Aplhenquic nic nat Dios yoyam colhejec acyascacmo, yoyam elmesic sat as yoclhilhma.

GÉNESIS 8:20

Apquillanac nic nat Noé apvatnamaclha asoc macmescama Dios. Apcajac nic nat lhama mataa: moclhama actemaclha apnatoscama (najan asoc navjac) najan moclhama actemaclha nata. Apquilvatnec nic nat asoc acmatnam actemaclha macmescama Dios.

2 SAMUEL 24:25

Apquillanac nic nat mataymong ningilmalhnancamaclha Dios Apyimtalhnamo. Apquilnapquic nic nat apnatoscama macmescama Dios acyanmongam mongilyascalhma. Najan macmescama Dios actemaclha singasicjayquiclha mocjam. Apjalhnoc nic nat apquilmalhnancama Dios. Apcasicjaclhec nic nat mocjam enlhitaoc. Inmasquec nic nat ningmasquem nipyesicsa enlhitaoc Israel.

1 REYES 18:32

Apquicjesquic nic nat mataymong Elías naysicsa aplhanma apvisay Dios. Apmetmec nic nat yingmin atamnic niyava mataymong apvatnamaclha. Acyivey nic nat apmetam, malha anit amay ninginayclha actic.

1 CRÓNICAS 16:16

Aplhanma ilhnic nat apmajayoclha napato Abraham, aplhanma nic nat napato Isaac.

1 CRÓNICAS 16:18

Aptomjac nic nat: —Olmecsic sat quellhip yoclhilhma Canaán. Malha apquilmayclha sat cotnejic — nic nat aptomjac.

2 CRÓNICAS 20:11

Quilhvoc ningvita singilimpocjay cotnaja ingmoc as yoclhilhma, actomja lhip apanco, ningillhoy nincoo, lhip singmescama.

2 CRÓNICAS 20:7

Dios Visqui ingac, apquilantipcasquic nat lhip actomja apquilaoclha as yoclhilhma napatavo enlhitaoc Israel. Apquillhocac nat aptovana niptamin Abraham, apvisay lhip aptimem poc, elhnam sat mataa cotmongvoycamlha nelha.

ESDRAS 3:2

Apquiltamjoc nic nat ellana apquilvatnamaclha asoc macmescama Dios, apvisay Jesúa, Josadac apquitca najan apnaymacoc apquiltomja sacerdotes. Najan Zorobabel, Salatiel apquitca najan apnaymacoc. Apquililtamjoc nic nat elyiplovcasojo actemaclha apcanamaclha Moisés aptomja Dios aplingascama, yoyam elvitic asoc acticyovam acyanmongam melyascalhma.

ÉXODO 17:15

Apquicjesquic nic nat mataymong ellanac ningilmalhnancamaclha Moisés. Aptimec nic nat acvisay Singilyimnatescama Dios, hebreo appayvam Jehová-nisi.

ÉXODO 24:4

Aptalhosquic nic nat Moisés aclhamoclhojo actemaclha appayvam Dios Apyimtalhnamo. Altooc nic nat aplhaticja. Apquillanac nic nat apvatnamaclha nicja inquilhe. Apquilancasquic nic nat doce mataymong acyitsomalhca doce apquilmolhama enlhitaoc Israel.

ÉXODO 32:13

Coyit apatic lhip Visqui Dios aptemaclha nat Abraham, najan Isaac, najan Israel. Aplhenquic nat lhip nasoc anco appayvam: —Elhamiclhac sat aptovana quellhip, malha apyova netin mongmovan ongilyipsitic. Najan yoclhilhma aclhenamalhca ellhocac sat aptovana. Cotnejic sat apquilaoclha cotmongvoycamlha nelha — nat intomjac lhip appayvam — nic nat aptomjac Moisés.,

ÉXODO 33:1

Aptomjac nic nat Dios apcanya Moisés: —¡Ingva, elimpiclha sat mocjam! Apyovoclhojo apquilantiyapma alhta siclho yoclhilhma Egipto. Elpeyvojo sat yoclhilhma, siclhena alhta napato Abraham, najan Isaac, najan Jacob. Siclhena alhta actomja nasoc anco, omquecsic as yoclhilhma. Elhnam sat lhip aptovana — alhta actomjac coo.

ÉXODO 6:3

Aclhicmosalhcoc alhta apquilyeyjamcaa Abraham najan Isaac najan Jacob. Coo alhta sicvisay Dios Sicyimtalhnamo ajanco. Am alhta elyasamcoc sicvisay Dios.

ÉXODO 6:4

Allanac alhta asoc monquinatquiscama sicmayjayoclha napatavo apquilyeyjamcaa. Altamjoc omquecsic yoclhilhma Canaán, yoclhilhma cotnajaclha alhta apquilaoclha. Apquileyvec alhta as yoclhilhma.

JEREMÍAS 3:18

Elpasmiclhac sat israelitas najan co Judá, yoyam elyinyoc sat nilhqueyja, elvotac sat mocjam apquilaoclha, apquillhoy nat apquilyeyjamcaa quellhip — alhta aptomjac Visqui ingac.

NÚMEROS 26:53

Ilyipsit sat moclhama yoclhilhma ellhovamcoc sat moclhama tribu apquilmolhama macnatalhescama apquilvisay.

NÚMEROS 32:11

Apquilyinyovquic alhta yoclhilhma Egipto israelitas. Melvityejec sat yoclhilhma alhnancoc moclhama israelita, acyitna inlhojo veinte años aptiyascam, najan maa veinte años tap. Apquilyasquiyam alhta ayinyema najan mepqui apquilyiplovquiscama ayinyema alhta acyanmongayclha. Am alhta elvitac yoclhilhma aplhanma Dios yoyam ellhovamcoc ningilyeyjamcaa Abraham, najan Isaac, najan Jacob.

LOS HECHOS 7:5

Am nic nat emcasac nicja ayitcoc amyip. Aplhenquic nic nat Dios Ingyapam emquesic sat yoclhilhma. Elhcac sat Abraham najan elhquiclhac sat aptovana niptamin. Am nic nat apquitca ma Abraham.

ROMANOS 9:8

Jave ayinyema apquilvisay Abraham aptovana niptamin yoyam eltimjic Dios apquitquic. Apquilvamlha enlhitaoc eltimjic sat Dios apmolhama ayinyema aplhanma ilhnic nat actomja nasoc anco.

GALATAS 3:16

Aplhenquic nic nat Dios actomja nasoc anco, yoyam elmesic apcaycaoc Abraham najan aptavin niptamin. Am nic nat ellhenacpoc aplhamoclhojo “aptovana niptamin”. Aplhenacpec nic nat apvamlha lhama “aptavin niptamin”. Cristo ilhnic nat aplhenacpoc.

GALATAS 4:28

Quellhip elyalhinga. Ningnoc nincoo ningilyeyjamcaa Isaac. Ningiltomja Dios apquitquic ayinyema aplhanma ilhnic nat Dios actomja nasoc anco.

DEUTERONOMIO 1:8

Coo ayinyema sicmescama quellhip as yoclhilhma. Eltiyaningvomjo sat maa, eltime quellhip apancaoc as yoclhilhma. Coo sicvisay Dios, siclhanma nat mepqui sicyeycajascaoc napatavo apquilyeyjamcaa quellhip, apvisay nic nat Abraham, najan Isaac, najan Jacob, najan maa aptovana — alhta actomjac coo — nic nat aptomjac Dios Apyimtalhnamo.

DEUTERONOMIO 30:20

Elasicjojo Dios quellhip, elilyejiclhojo mataa, noelvatsaoc nasa apquilyiplovquiscama. Elmiyovacpoc sat quellhip naysicsa apquileyvam aclhamoclhojo años yoclhilhma alhnancoc apquilvoycamlha quellhip. Aplhenquic nic nat Dios mepqui apyeycajascaoc napatavo apquilyeyjamcaa Abraham, najan Isaac, najan Jacob — nic nat aptomjac Moisés.

DEUTERONOMIO 34:4

Aptomjac nic nat Dios apcanya Moisés: —Eycaso siclhanma alhta napato Abraham, najan Isaac, najan Jacob, yoyam ellhovamcoc sat aptovana. Altamjoc coo etac lhip as yoclhilhma, copvanqueje eyca lhip epalhavomoc maa — nic nat aptomjac Dios.

DEUTERONOMIO 6:10

Aptomjac nic nat Moisés: —Elhnam sat quellhip yoclhilhma alhnancoc, Dios apmescama. Eycaso aplhanma ilhnic nat Dios napatavo ningilyeyjamcaa Abraham, najan Isaac, najan Jacob. Aplhamoc tingma apquilvanyam as yoclhilhma najan tingma apquiltamila apanco, jave quellhip apquillanay.

DEUTERONOMIO 9:5

Jave ayinyema quellhip apquiltemaclha apquiltamila, ellhovamcoc as yoclhilhma. Ayinyema apquiltemaclha apquilmapsomcaa, yoyam colhic acyinyovsa as yoclhilhma. Acno aplhanma ilhnic nat Dios napatavo ningilyeyjamcaa Abraham, najan Isaac, najan Jacob, yoyam ellhovamcoc as yoclhilhma.

HEBREOS 11:13

Apquilmasquingvocmec nic nat as enlhitaoc acma melyasquiyam mepqui apquillhoy asoc actemaclha aplhanma Dios actomja nasoc anco. Malha naysicsa melyasquiyam apquilvita ilhnic nat asoc actemaclha aplhanma Dios actomja nasoc anco. Yiplovcoc nic nat acpayjayclha apquilvalhoc. Apquillhenacpoc nic nat apanco apquiltomja malha maycaa as nalhpop najan cotnaja apquilaoclha as nalhpop.

HEBREOS 11:8

Meyasquiyam nic nat innac Abraham. Apquevam nic nat Dios yoyam eyacsic Abraham moc yoclhilhma yoyam elhcac malha apmayclha. Apquilyajaclhoc nic nat Abraham. Aplhinquic nic nat Abraham naysicsa meyascaoc apyasaclha.

JOSUÉ 1:6

Ivascap sat lhip, iyimnaticsojo sat apvalhoc. Lhip sat emlascoc amyipayc yoyam eltimjic apancaoc as enlhitaoc. Eycaso yoclhilhma siclhanma alhta actomja nasoc anco yoyam ellhovac apquilyeyjamcaa.

JOSUÉ 22:10

Apquilvocmec nic nat vatsam Jordán apquilmolhama Rubén, najan Gad, najan media tribu Manasés. Apquileyvomaclha ilhnic nat cananeos as yoclhilhma. Apquilicjesquic nic nat mataymong acvisay altar ningayoclha Dios.

JOSUÉ 8:30

Apquillanac nic nat Josué ningvatnamaclha netin inquilhe Ebal. Elhenacpoc sat apvisay Dios, Visqui ingac.

JUECES 6:24

Apquillanac nic nat apvatnamaclha asoc macmescama Dios, etnejic apcayo. Aptimec nic nat acvisay: Actamilaycam ingvalhoc ayinyema Dios. Tingma Ofra nic nat acyitna as ningvatnamaclha. Yitnec mocjam as ningvamlha nac jay, nipyesicsa apquilmolhama clan Abiezer.

1 SAMUEL 7:17

Aptajavoc nic nat mocjam tingma Ramá, tingma pac apcanamaclha apvisqui. Aptimem nic nat apvisqui nipyesicsa enlhitaoc Israel. Apquillanac nic nat maa mataymong ningilmalhnancamaclha Dios.