GÉNESIS 12:2 - Enhlit Bible

² Olhamasiclhac sat lhip aptovana eleyoc sat lhalhma anco. Opasmoc sat mataa lhip. Colhic sat mataa ayaco lhip. Lhip sat epayesiclhac apquilvalhoc poc enlhitaoc.

GÉNESIS 12:2 Iomraidhean Croise

GÉNESIS 13:16

Elhamiclhac sat aptovana niptamin mongmovan ongilyipsitic. Malha lhopactic sat eltimjic. Mongvanquejec ongilyipsitic lhopactic, mongvanquejec najan ongilyipsitic aptovana niptamin.

GÉNESIS 15:5

Apyantamacpec nic nat Abram tap tingma. Aptomjac nic nat Dios apcanya Abram: —Quip ilanojo netin. Ilyipsit sat apyov'a. ¿Apvanqui ya elyipsitic? Sat elhojoc lhip aptovana niptamin— nic nat aptomjac.

GÉNESIS 17:20

Apvitac alhta lhip siclhoc anco apquitca Ismael ayinyema sicjalhenmo lhip appayvam. Actamila alhta sicpayvam: Olhamascasiclhac sat aptovana yoyam eleyoc sat lhalhma anco. Etac sat Ismael aptovana, doce apquilviscaa apquilyimtalhnamo sat eltimjic. Aptovana sat eltimjic aplhamoclhojo apquilmolhama lhalhma anco.

GÉNESIS 18:18

Ayinyemaclha Abraham etnejic sat apquilyap aplhamoclhojo apquilmolhama apquilyimnatem. Pac olhamascasiclhac sat coo apquinyema Abraham aplhamoclhojo enlhitaoc lhalhma anco.

GÉNESIS 18:19

Acyacyesquic coo Abraham, yoyam elanic sat mataa apquitquic najan aptovana elilyejiclhojo siyanamaclha. Yoyam elyiplovcasojo actemaclha actamila najan actemaclha acpeyvomo. Yoyam elhcac sat Abraham aclhamoclhojo asoc siclhanma olmesic— nic nat intomjac apvalhoc.

GÉNESIS 19:29

Eycaso ilhnic nat aptomjaclha Dios aptovascama tingma apvanyam najan yoclhilhma aptiyascamcaclha Lot. Inlhanvocmec nic nat apvalhoc Dios actemaclha aplhanma napatoc Abraham. Apquinyajasquic nic nat Lot yoyam emmoc tap yicpintama aptovascama Dios as tingma.

GÉNESIS 24:1

Apvanacmec nic nat Abraham. Appasmec nic nat mataa Dios Apyimtalhnamo.

GÉNESIS 24:35

Dios Apyimtalhnamo aptomja mataa appasmom Abraham. Cascama apquilnatam apcaycaoc Dios: apnatoscama nipquesic najan vayqui; plata najan oro asoc alyinmom; aplhamoc apquilancam najan quilvanaa alancam; inlhamoc apnatoscama voncayispoc najan yamelyeyjaycoc.

GÉNESIS 25:11

Appasmec nic nat mataa Dios Isaac natamin apquitsepma apyap. Tingma pac nic nat Isaac acyitnaclha yamilquit acvisay “Setayo Dios Apyimtalhnamo”.

GÉNESIS 26:3

Ilinlhanmojo sat mocjam aptiyascam as yoclhilhma. Coo sat mataa opasmoc najan ongvimlimojo. Lhip sat elhcac aclhamoclhojo yoclhilhma najan aptovana niptamin. Osavojoc sat siclhanma alhta actomja nasoc anco napatoc lhip apyap Abraham.

GÉNESIS 26:4

Olhamascasiclhac sat aptovana niptamin mongmovan ongilyipsitic. Malha apyova netin sat eltimjic. Coo sat olmesamcoc aclhamoclhojo yoclhilhma. Olpasmoc sat aplhamoclhojo enlhitaoc lhalhma anco, ayinyema lhip aptovana.

GÉNESIS 27:29

Aplhamaclhojo enlhitaoc sat eltimjic apquiltimesaycam. Elticlhic sat aptapnaoc napato lhip. Itne sat apvisqui nipyesicsa apquilyalhing. Elticlhic sat aptapnaoc napato lhip. Enatovasacpoc sat apquiltomja apquilinmelhaycam lhip. Elmiyovacpoc sat enlhitaoc apquiltomja apquilamliyam— nic nat aptomjac Isaac.,

GÉNESIS 28:14

Ellhamiclhac sat lhip aptovana, mongmovan ongilyipsitic sat eltimjic. Ingyilhpanic sat, nilhqueyja sat elyacsic najan nipiyam. Actiyapmaclha acnim sat elyacsic najan actalhningvamlha acnim. Lhip sat mataa epasmoc aplhamoclhojo enlhitaoc apquilmolhama lhalhma anco. Najan lhip aptovana niptamin sat elpasmoc.

GÉNESIS 35:11

Aptomjac nic nat Dios apcanya Jacob: Coo nac Dios sictomja Sicyimtalhnamo. Elhamiclhac sat lhip apquitquic najan aptovana. Eltimjic sat aplhamoclhojo apquilmolhama lhalhma anco. Eltimjic sat apquilviscaa nipyesicsa aptovana.

GÉNESIS 46:3

Aptomjac nic nat Dios apcanya: —Coo nac Dios Visqui pac lhip apyeyjamcaa. Nongya nasa eyacsic yoclhilhma Egipto. Olhamascasiclhac sat lhip aptovana yoyam eltimjic appintalhnama.

2 SAMUEL 7:9

Actimec mataa siclhalhma lhip apyasaclha mataa. Actovasquic coo mataa cotnaja ingmoc napatoc lhip. Innec alhta ayaco lhip apvisay. Apyimtalhnamo apanco lhip, am elhnoc poc apyimtalhnamo as nalhpop.

1 REYES 1:47

Apquilmiyaclhec maa David apquilasinancama, eltimjic apquilayo Salomón, elmalhnesquisic sat Dios, yoyam etnesquisic apyimtalhnamo apvisqui apjalhnancoc, am alhta elhno apyap David. Apjalhec alhta apyap David netin aptajanma, aptomja apcayo Dios Visqui ingac.

JOB 35:8

Enlhit ingnaymacoc colpayjiclhac apquilvalhoc, apquilvita inlhojo asoc macmescama. Apquillingamco inlhojo acmasom, ayinyema lhip aptemaclha meyascalhma.

SALMOS 107:38

Appasmec alhta mataa Visqui ingac. Aplhameclhec mataa enlhitaoc. Inlhameclhec mataa apnatoscama.

ÉXODO 1:7

Aplhameclhec nic nat enlhitaoc Israel apquilvita apquitquic. Apquilyimnatem nic nat apquiltomjac. Aplanoc nic nat yoclhilhma.

ÉXODO 32:10

Inlovquic evalhoc coo. Pac osavojoc omascoscomoc as enlhitaoc. Omyoc sat lhip, olhamasiclhac sat aptovana lhip. Eltimjic sat appintalhnama — nic nat aptomjac Dios.

ISAÍAS 51:2

Quip elanojo quellhip apquilyeyjamcaa Abraham najan maa Sara. Lhama apanco ilhnic nat Abraham, aplhameclhec mocjam aptovana, ayinyema sicvaticjapquiscama coo.

EZEQUIEL 34:26

Eleyoc sat sicnatoscama niyava inquilhe santo acponquinomalhca, olmeyvoc sat mataa. Ongvapajacsic sat mataa yingmin acmamay.

MIQUEAS 7:20

Nolvates nasa lhip aptemaclha singasicjayo najan singmasma, acno aplhanma ilhnic nat lhip Dios Apyimtalhnamo mepqui apyeycajascaoc, napatavo ningilyeyjamcaa Abraham najan Jacob — nic nat aptomjac profeta.

ZACARÍAS 8:13

Quellhip co Judá najan co Israel apquiltimesomap apquilmapsomcaa nano nipyesicsa enlhitaoc lhalhma anco. Olvomsic sat tap quellhip quilhvo nac jay, colhic sat ayaco quellhip nipyesicsa enlhitaoc. ¡Noela nasa quellhip! ¡Elyimnaticsojo sat apquilvalhoc! — alhta aptomjac.

NÚMEROS 14:12

Pac oyanmongsiclhac sat apquiltemaclha. Pac osavojoc omascocsic as enlhitaoc. Otnesquisic sat lhip apyimtalhnamo nipyesicsa enlhitaoc appintalhnama. Apquilyimnatem sat eltimjic quellhip, melhnoc as enlhitaoc — nic nat aptomjac.

NÚMEROS 22:12

Aptomjac nic nat Dios apcanya Balaam: —Notne nasa aplhalhma as enlhitaoc. Notne nasa lhip appayvam almasomcaa. Apquiltasic enlhitaoc Israel, sicmasma coo — nic nat aptomjac.

NÚMEROS 23:20

Ayanyalhquic lhac oltimnacsic sicpayvam altamila. Inquiltasic sat ancoc appayvam Dios. Movanquejec ongvinmelham.

ROMANOS 4:11

Apvitac nic nat Abraham asoc monquinatquiscama apyimpejic, yoyam colhejec acyascacmo aptomja aptimesomap amamyi appeyvomo napato Dios ayinyema meyasquiyam. Apquiltamjoc nic nat Dios yoyam etnejic Abraham apvisay “mongyasquiyam inyap”. Yoyam etnejic malha apquilyap aplhamoclhojo enlhitaoc lhalhma anco apquiltomja melyasquiyam. Ayinyemaclha Dios aptimesquiscama apquilpeyvomo enlhitaoc lhalhma anco mepqui asoc monquinatquiscama apyimpeoc.

GALATAS 3:14

Eyca Dios sat epasmoc aplhamoclhojo enlhitaoc lhalhma anco ayinyema ilhnic nat meyasquiyam Abraham, ayinyema najan Cristo Jesús. Yoyam ongillhovac sat Espíritu apanco Dios ayinyema mongyasquiyam, aplhanma ilhnic nat Dios actomja nasoc anco yoyam jingilmesic.

GALATAS 3:7

Incaymalhquic elyasamcojo quellhip. Apquiltomjac sat ancoc melyasquiyam enlhitaoc, eycaso apquiltomja nasoc anco Abraham aptovana niptamin.

DEUTERONOMIO 26:5

Eltime sat apquillingasa napato Dios. Itne sat lhip appayvam: Apcanito ilhnic nat sicyeyjamcaa apquilvisay arameos. Apquilmiyaclhec nic nat yoclhilhma Egipto, yoyam elhnam maa. Aplhameclhec nic nat apquilvitacpo appintalhnama najan apquilyimnatem apanco.