GÉNESIS 12:10 - Enhlit Bible

¹⁰ Mayc nic nat inquilnapac enlhitaoc as yoclhilhma. Mayc nic nat incajac Abram aptiyascamcaclha. Apyasquic nic nat Abram yoclhilhma Egipto yoyam elhic maa.

GÉNESIS 12:10 Iomraidhean Croise

GÉNESIS 41:56

Mayic nic nat intomjac lhalhma anco. Am nic nat emyavac nintom José. Apquilhaquic nic nat motajap apactic acyanmongam solyayem. Apquilmec nic nat egipcios. Inyangvocmec nic nat mayic.

GÉNESIS 41:57

Mepqui nintom nic nat lhalhma anco moc yoclhilhma. Apquilvaac nic nat aptingyeycaoc motajap apactic yoclhilhma Egipto apnaclha José. Ayinyemaclha inyangvocmec nic nat mayic lhalhma anco.

GÉNESIS 42:5

Apquilvaac nic nat yoclhilhma Egipto Jacob apquitquic, moc apquilvisay Israel apquitquic. Ayinyemaclha mayic nic nat inquilnapac enlhitaoc yoclhilhma Canaán.

GÉNESIS 43:1

Mayic nic nat inquilnapac enlhitaoc lhalhma anco.

GÉNESIS 47:13

Mepqui nintom nic nat lhalhma anco. Inyangvocmec nic nat mayic ataoc lhalhma anco. Mayic nic nat inquilnapac enlhitaoc yoclhilhma Egipto najan Canaán.

2 SAMUEL 21:1

Mayic nic nat inquilnapac enlhitaoc tres años. Apvisqui rey nic nat David. Appamejitcasquic nic nat David Dios, eyasamcojo ayinyemayaclha mayic ataoc. Aptomjac nic nat Dios apcatingmavo: Ayinyema apsilhnanomap apanco Saúl najan apquilmolhama, apquilnapma alhta apquilmolhama Gabaón — nic nat aptomjac.

2 REYES 4:38

Aptajavoc nic nat profeta Eliseo tingma Gilgal. Mayic ataoc nic nat nipyesicsa enlhitaoc lhalhma anco. Apnam nic nat profetas apnaclha profeta Eliseo. Aptomjac nic nat Eliseo apcanya apquilancam: —Ipquin sat talha vaynca apyivey, ingyajan sat nintom, eltasomoc sat enaymacoc profetas — nic nat aptomjac.

2 REYES 6:25

Mayic nic nat inquilnapac natingma Samaria. Invocmec nic nat ochenta monedas de plata acyanmongam ningmam yamelyeyjaycoc acmatnam apcatic. Invocmec nic nat cinco monedas de plata ningmam un litro valhaay apye (acvisay panatem yamit).

SALMOS 105:13

Apquilquimpaclhec nic nat mataa apquilyamasa poc aptemaclha enlhitaoc. Apquilquimpaclhec nic nat mataa apquilyamasa yoclhilhma, yoyam elvita poc.

SALMOS 107:34

Aptimescaseclhec alhta yancomilh amyip actamila. Ayinyema apquiltemaclha enlhit apquilmapsomcaa.

SALMOS 34:19

Mongvanquejec nincoo mepqui ninlingaycamco acyimtalhnama ningilvisay ningilpeyvomo. Jingilvomsic sat mataa tap Visqui ingac naysicsa ninlingaycamco acyimtalhnama.

JEREMÍAS 14:1

Avanjec nic nat acyamay olhma. Aptomjac nic nat Visqui ingac apcanya Jeremías:

SAN JUAN 16:33

Altimnasquic lha inyicje as asoc, yoyam eltamilsojoc apquilvalhoc quellhip apquiltomja selyipitcayo. Ellingamcoc sat acmasca quellhip naysicsa apquileyvam as nalhpop. Elyimnaticsojo apquilvalhoc. Coo nac sicyimnatem, am olhno enlhit lhalhma anco —alhta aptomjac.

LOS HECHOS 14:22

Aptomjac alhta Pablo najan Bernabé apquilanya enlhit melyasquiyam tasic amyaa: “Elyimnaticsojo mataa apquilvalhoc. Elinlhanmojo apquiltimem melyasquiyam tasic amyaa. Elyasamcojo quellhip: Incaymalhquic colhamojoc actemaclha acyajapmo ingilvalhoc, yoyam ongilpalhavomoc Dios apquilnancascama” —alhta apquiltomjac.

LOS HECHOS 7:11

“Mayc nic nat inquilnapac enlhitaoc yoclhilhma Egipto najan yoclhilhma Canaán. Mepqui aptoycaoc nic nat intemac ningilyeyjamcaa.

RUT 1:1

Apquilviscaa ilhnic nat jueces apquilyicpilquemo nipyesicsa israelitas. Mayic nic nat inquilnapac enlhitaoc lhalhma anco. Apnec nic nat lhama enlhit tingma Belén yoclhilhma Judá. Apvisay nic nat Elimelec. Apmiyaclhec nic nat yoyam elhic yoclhilhma Moab. Aclhalhma ilhnic nat aptava acvisay Noemí. Mocjam apquillhalhmaa ilhnic nat apquitca apvisay Mahlón, poc apquitca Quelión. Apquilaoclha ilhnic nat tingma Efrata, moc ningiltimem Belén. Apquilpalhavocmec nic nat moc yoclhilhma nipyesicsa moabitas.