GÉNESIS 11:4 - Enhlit Bible

⁴ Apquilpamejitsacpec nic nat mocjam: —Ingva, ongilanac tingma apvanyam najan lhama tingma nitno. Onticlhiquiscomoc sat netin (acvaycmo apmaclha Dios). Colhic sat singilaco, yoyam colhejec sat singilhpansa lhalhma anco— nic nat apquiltomjac.

GÉNESIS 11:4 Iomraidhean Croise

GÉNESIS 6:4

Apquilvitacpec nic nat siclho enlhit apquilvinatem apanco as nalhpop. Ayinyemaclha inquilyimjapamquic nic nat Dios apquitquic quilvanaa enlhit apquitquic. Apquiltamongvocmec nic nat apquitquic. Natamin apquilvitacpec nic nat mocjam enlhit apquilvinatem apanco. Apquilyimnatem apanco ihlnic nat siclho, am nic nat elhnoc poc enlhitaoc.

2 SAMUEL 8:13

Apyimtalhnamo apanco ilhnic nat David. Apquillanac nic nat quimpocjacme nipyesicsa edomitas. Apticyovquic nic nat dieciocho mil enlhitaoc, payjoc alvata yancomilh.

SALMOS 107:26

Inmiyaclhec mataa barco nitnoc anco netin alyayajayam. Invayventac mataa coning anco. Inmasquec alhta apquilyimnaa enlhitaoc.

SALMOS 92:9

Visqui ingac. Enatovasacpoc sat enlhit apquilinmelhaycam. Comascoc sat apquileyvam cotnaja ingmoc. Colhic sat ayilhpanquisa maa.

PROVERBIOS 10:7

Comasquejec mataa mayayo ningilvisay, acyitna inlhojo actamilaycam ingvalhoc. Comascoc mataa apvisay apanco enlhit, acyitna inlhojo acmasom aptemaclha.

JEREMÍAS 51:53

Apquilyilhanmec sat ancoc co Babilonia payjoc apquilyilhanmomaclha nitnoc anco, enatovasacpoc sat apyovoclhojo, ayinyema cotnaja ingmoc silapajascama coo — alhta aptomjac Visqui ingac.

DANIEL 4:11

Inquictinquic alhta yamit, acticlhicvocmo netin. Invitalhquic alhta yamit apquilaneyo enlhit apquileyvam lhalhma anco.

DANIEL 4:22

Lhip visqui apyimtalhnamo apyitsomacpo yatim acvinatem. Apyimtalhnamo apanco nac lhip, acvaycmo netin lhip apcanamaclha najan acvaycmo lhalhma anco as nalhpop.

DANIEL 4:27

Lhip visqui apyimtalhnamo, ingyeylhojo sicpayvam: Nosilhnanacpojo nasa apanco, iyiplovcasojo actemaclha acpeyvomo. Ilvates aptemaclha acmasom. Ingyimlimojo sat mataa enlhit mepqui apquilnatam. Coytic sat actamilaycam apvalhoc lhip visqui apyimtalhnamo. Coymalhquejec sat mataa lhama asoc — nic nat aptomjac Daniel, moc apvisay Beltsasar.

DANIEL 4:30

Aptomjac nic nat apvisqui: ¡Quip elanojo quellhip tingma apvanyam Babilonia! ¡Coo eyca ayinyema sicmovan ajanco, yoyam ellanacpoc tingma! ¡Elyasingvomoc sat apyovoclhojo enlhitaoc sictemaclha sicyimtalhnamo! — nic nat aptomjac apvisqui.

SAN LUCAS 1:51

Ingillhicmosquic apmopvan aptamjaycam acyimtalhnamo. Aptomja Apyimtalhnamo, am elhno enlhit ayajamalhco apvalhoc.

SAN JUAN 5:44

Colapvanquejec quellhip eltimjic melyasquiyam. Ayinyemaclha apquiltingyac apquilayo nipyesicsa quellhip. Am colhenac apquilvalhoc elavojo Dios Ingyapam aptomja apvamlha pac lhama.

DEUTERONOMIO 1:28

¿Co laa ontimjic yoyam ongilyacsic? Ninlingac lhac amyaa apquilyimnatem apanco najan apquilvinatem apanco, am ongno nincoo. Najan amyaa tingma apquilvanyam, acma apjalhtam nitnoc anco. Najan amyaa apquileyvam aptovana enlhit apvinatem apanco apvisay nat Anac. Intiyacmec nincoo ingilvalhoc, ninlinga as amyaa — alhta apquiltomjac natingma.

DEUTERONOMIO 4:27

Colhic sat ayilhpanquisa quellhip nipyesicsa enlhitaoc lhalhma anco metnaja apquiltemolhama. Elaymacpoc sat apcanito nipyesicsa quellhip.

DEUTERONOMIO 9:1

Aptomjac nic nat Moisés: —Quip elaylhojo quellhip apquilmolhama Israel. Invaac acnim, yoyam elmilanic quellhip vatsam Jordán. Eltajanyac sat metnaja apquiltemolhama apquilyimnatem apanco najan apquilyimtalhnamo, am elhno quellhip. Elvitac sat tingma apquilvanyam acma apjalhtam nitno.