GÉNESIS 10:5 - Enhlit Bible

⁵ Eycaso ilhnic nat aptovana niptamin Jafet. Apquileyvomaclha ilhnic nat nicja yingmin. Moclhama po'ptemaclha enlhitaoc, moclhama apmolhama, moclhama apcaoclha, moclhama apquilpayvam.

GÉNESIS 10:5 Iomraidhean Croise

GÉNESIS 10:20

Eycaso ilhnic nat Cam aptovana niptamin. Moclhama po'ptemaclha enlhitaoc, moclhama apmolhama, moclhama apcaoclha, moclhama apquilpayvam.

GÉNESIS 10:25

Apcanit apquitquic nic nat Heber: lhama ilhnic nat apvisay Peleg. Ayinyemaclha apquilhpanec nic nat enlhitaoc naysicsa aptiyascam Peleg. Najan Peleg apyalhing nic nat apvisay Joctán.

GÉNESIS 10:32

Eycaso ilhnic nat Noé apmolhama najan aptovana niptamin, moclhama po'ptemaclha enlhitaoc, moclhama apcaoclha. Apquilhpanec nic nat natamin yingmin acvanyam lhalhma anco. Moclhama po'ptemaclha enlhitaoc nic nat.

GÉNESIS 10:4

Javán apquitquic nic nat apvisay Elisa najan Tarsis najan apquilvisay quiteos najan rodaneos.

GÉNESIS 10:6

Cam apquitquic nic nat apvisay Cus najan Misraim najan Fut najan Canaán.

GÉNESIS 9:19

Apnatqui ilhnic nat apquitquic Noé. Aplhameclhec nic nat aptovana lhalhma anco.

ESTER 10:1

Apcanama ilhnic nat apvisqui Asuero eltimesam apyovoclhojo enlhitaoc apquileyvomaclha.

SALMOS 72:10

Elhcac sat apvisqui apcaycaoc alinyema apquilviscaa co Tarsis (España) najan apnaycam acyayem lhop. Apcaycaoc alinyema apquilviscaa co Sabá (Arabia) najan co Seba (Etiopía).

ISAÍAS 11:11

Cotalhcac sat mocjam lhama apmopvan apanco Dios. Elvomsic sat tap israelitas apquilmomap apquilaymomap. Enalovsingvomoc sat apnaycam yoclhilhma Asiria najan yoclhilhma Egipto, najan yoclhilhma Patros, najan yoclhilhma Etiopía, najan yoclhilhma Elam, najan yoclhilhma Babilonia, najan yoclhilhma Siria, najan yoclhilhma nicja yingmin acvanyam.

ISAÍAS 24:15

Najan payjoc actiyapmaclha acnim, najan yoclhilhma nicja yingmin acvanyam apquiltomja apquilayo gloria Dios Visqui apancaoc Israel.

ISAÍAS 40:15

Quip elanojo. Melyoy apquiltomja aplhamoclhojo enlhitaoc, malha yingmin macsipquinquiscama najan malha lhopactic anic acyipitcay balanza ningiljanma. Malha lhopactic anic intomjac inquilhe acvinatem napato Dios.

ISAÍAS 41:5

Apquilvitac alhta enlhitaoc, apquilacac alhta. Apquilpilhyinimquic alhta enlhitaoc lhalhma anco. Apquililhyacmec alhta yoyam ingyaniclha.

ISAÍAS 42:10

Eycaso sicpayvam Dios: —Elminaycmas alhnancoc ningminaycmascama ellhenic sicvisay. Colhic sat ayaco acvocmo nelha lhapop. Eltime selayo quellhip apquillhingam netin yingmin najan aclhamoclhojo aleyvam congne yingmin najan aplhamoclhojo apnaycam acyayem lhop.

ISAÍAS 42:4

Meyampejec sat mataa. Comasquejec sat mataa apyimnatem. Etipsic sat actomja nasoc anco as nalhpop yoyam comasquejec sat mataa. Elaylhic sat apcanamaclha enlhitaoc apnaycam nicja yingmin acvanyam.

ISAÍAS 49:1

Quip elaylhojo quellhip apnaycam yoclhilhma acyayem lhop najan lhalhma anco mocjay. Elyacyesquic coo Visqui ingac motyaycamlha coo, selyacyescama coo naysicsa sicyitnama avalhoc meme coo (sictimesomalhca avalhoc).

ISAÍAS 51:5

Ayilhyacmec coo jeltimjic selayo, ningatoc anco ningilvomsomalhca tap. Sicmovan innac coo, sictomja Visqui nipyesicsa enlhitaoc. Jeljalhnec coo enlhitaoc mocjay yingmin acvanyam, mepqui selyasquiyam as enlhitaoc.

ISAÍAS 59:18

Eyanmongsiclhac sat apquiltemaclha apancaoc: Ellingamcojoc sat acyimtalhnama najan apquilinmelhaycam, apquiltomja apquiltanoncama Dios Apyimtalhnamo. Ellingamcojoc sat maa apnaycam acyayem inquilhe mocjay anco.

ISAÍAS 60:9

Apquililhyacmec enlhit netin barcos tiyascam nayingmin, apquillhingam apquilmamyi apquilinyema tingma Tarsis. Apquilpatmentac apquitquic quellhip najan apquilnatam oro najan plata. Colhic sat seyaco sicvisay Dios Visqui apancaoc. Santo mayayo nipyesicsa quellhip israelitas, sictimesquiscama yoyam colhic ayaco quellhip.

JEREMÍAS 2:10

Elmiyaclha sat quellhip acyayem inquilhe actalhningvamlha acnim, yoyam elanojo. Elapajas sat tingma Cedar, yoyam elvitangvomoc apquiltemaclha maa.

JEREMÍAS 25:22

Apyovoclhojo apquilviscaa co Tiro najan Sidón, najan apyovoclhojo apquilviscaa yoclhilhma nicja yingmin acvanyam Mediterráneo.

EZEQUIEL 26:15

Eycaso sicpayvam siyanya quellhip co Tiro: Enatovasacpoc sat quellhip, malha ayilhtingyavoyam sat cotnejic. Elpilhyinamoc sat enlhitaoc apnaycam acyayem lhopactic payjoc yingmin acvanyam, apquillinga inlhojo apticyovam quellhip.

EZEQUIEL 26:18

Aptovasomap as tingma quilhvo nac jay, apquilpilhyinimquic enlhitaoc lhalhma anco moc yoclhilhma nicja yingmin acvanyam — intomjac apquilminaycmascama.

DANIEL 11:18

Elimpocjac sat mocjam tingma apquilvanyam nicja yingmin acvanyam, yoyam elmoc apyovoclhojo enlhitaoc. Cotlapsic sat ingyinmelham sat lhama yatapvisqui apquilvatesquisa apnatovascama. Emancangvomoc sat apvisqui co nilhqueyja.

SOFONÍAS 2:11

Ellingamcojoc sat acyimtalhnama, conatovasalhcac sat acyovoclhojo quilaycmasquiscama lhalhma anco. Colhic sat ayaco Dios lhalhma anco, najan payjoc acyayem lhop.

DEUTERONOMIO 32:8

Visqui ingac apyimtalhnamo, aptomja apquilhpanquiscama moclhama enlhitaoc. Apquillhocac nat yoclhilhma apquileyvomaclha, mepqui apquilpalhcomap. Apquilyacyesquic nat enlhitaoc israelitas.