GÉNESIS 10:19 - Enhlit Bible

¹⁹ Yoclhilhma apquileyvomaclha cananeos acvaycmo ilhnic nat yoclhilhma acvisay Gerar. Yicpintama tingma apvanyam Sidón acvaycmo tingma Gaza. Najan moc nicja tap nic nat tingma apvanyam Sodoma acvaycmo tingma Gomorra, acvaycmo tingma Adma, acvaycmo tingma Zeboim, acvaycmo tingma Lasa.

GÉNESIS 10:19 Iomraidhean Croise

GÉNESIS 10:18

najan arvadeos najan zemareos najan hamateos. Apquilhpanec nic nat aplhamoclhojo apquilmolhama cananeos.

GÉNESIS 10:20

Eycaso ilhnic nat Cam aptovana niptamin. Moclhama po'ptemaclha enlhitaoc, moclhama apmolhama, moclhama apcaoclha, moclhama apquilpayvam.

GÉNESIS 14:2

Apquilnapacpec nic nat. Apquilinmelhquic nic nat apvisqui Bera tingma Sodoma. Apquilinmelhquic nic nat apvisqui Birsa tingma Gomorra. Apquilinmelhquic nic nat apvisqui Sinab tingma Adma. Apquilinmelhquic nic nat apvisqui Semeber tingma Zeboim. Apquilinmelhquic nic nat apvisqui Bela tingma Zoar.

GÉNESIS 14:3

Apquilansaclhec nic nat singilpilhtetemo apancaoc as cinco apquilviscaa. Apcaneyclhec nic nat yoclhilhma acvisay nic nat siclho Sidim. Quilhvo nac jay actomja acvisay Mar Muerto.

GÉNESIS 18:20

Aptomjac nic nat maycaa apcanya Abraham: —Avanjec mataa amyaa apquillhenamap apquilmapsomcaa enlhitaoc tingma Sodoma najan tingma Gomorra. Avanjec anco melyascalhma as enlhitaoc.

GÉNESIS 20:1

Apyinyovquic nic nat apmaclha Abraham. Nipiyam nic nat apyasac, yoclhilhma Néguev. Apyeycac nic nat tingma Cades. Apnacmec nic nat tingma Gerar, jilip tingma Shur.

GÉNESIS 26:1

Avanjec nic nat mayic as yoclhilhma aptiyascamcaclha Isaac. Am nic nat olhnoc mayic ataoc apmaclha Abraham. Apmiyaclhec nic nat Isaac tingma Gerar, enlhitaoc filisteos nic nat apquilaoclha. Apvisqui apancaoc nic nat apvisay Abimelec.

2 CRÓNICAS 14:12

Aptimescasquic nic nat Visqui ingac, eltimjic apquilyimnatem Asa najan apnaymacoc co Judá napatavo co Etiopía. Apquilinyajamquic nic nat etiopes.

2 CRÓNICAS 14:13

Apquilminlhinquic nic nat Asa najan apnaymacoc acvaycmo tingma Gerar. Apsovjacpoc nic nat apticyovam co Etiopía ayinyema Visqui ingac. Apquilpatmaoclhec nic nat cotlaycaoc asoc ayinyema apticyovam.

JOB 38:20

¿Apvanqui ya lhquip evomsic lhalhma anco? ¿Apvanqui ya etajicsojo?

ISAÍAS 23:11

Appeyvasquic alhta apmic (apectong) Visqui ingac tacjalhit yingmin acvanyam. Aptimescasquic alhta apquilay enlhitaoc. Apcapajasquic alhta colhic acnatovasa apquilyilhanmomaclha co Canaán.

ISAÍAS 23:4

Elmancangvom sat quellhip co Sidón, apnaycam tingma apyimnatem nicja yingmin. Intomjac yingmin ayanya: Paj coo sictimquiscama eyitquic (sicpalescama), paj coo acmasca evalhoc. Paj coo eyitquic sicvanimquiscama, paj eyitquic quilvana ayitcavoc, yoyam oltamsamcoc — intomjac yingmin acvanyam.

JEREMÍAS 25:20

Najan yoyam elyinamcoc metnaja egipcios apquilpalhaviyam maa, najan apyovoclhojo apquilviscaa nipyesicsa co Uz, najan yoclhilhma Filistea: Ascalón, najan tingma Gaza, najan tingma Ecrón, najan tingma Asdod.

JEREMÍAS 47:1

Am nic nat elimpocjac mocjam co Egipto apvisqui faraón tingma Gaza. Apcapajasquic nic nat Visqui ingac, elngacsic amyaa profeta Jeremías:

EZEQUIEL 28:21

Lhip enlhit, ilngas sat lhip sicpayvam nipyesicsa co Sidón.

OSEAS 11:8

¿Evanqui ya otlhaoc quellhip co Efraín? ¿Evanqui ya otamopamcoc quellhip co Israel? ¿Evanqui ya onatovacsic quellhip, acno alhta tingma Adma najan tingma Zeboím? Avanjec alipvoyam evalhoc coo, ayinyema silasicjayo quellhip.

LOS HECHOS 8:26

Yejemoc alhta apvitacpo lhama ángel apquinyema Visqui ingac. Aptomjac alhta apcanya Felipe: —Ingva, iyas sat nipiyam. Eyipjongvomoc sat lhip moc amay ayinyema tingma Jerusalén acyascama tingma Gaza. Amay acyeycajangvoyacmo nac yoclhilhma actamopeycaoc.

DEUTERONOMIO 2:23

Acno ilhnic nat enlhitaoc heveos, apnaycam lhalhma anco nipyava tingma Gaza. Apticyovquic nic nat ayinyema apquilnapma filisteos. Apquilinyemac nic nat filisteos acyayem inquilhe Creta, apquilnaclho maa.)

DEUTERONOMIO 32:8

Visqui ingac apyimtalhnamo, aptomja apquilhpanquiscama moclhama enlhitaoc. Apquillhocac nat yoclhilhma apquileyvomaclha, mepqui apquilpalhcomap. Apquilyacyesquic nat enlhitaoc israelitas.

JOSUÉ 19:28

Abdón, najan Rehob, najan Hamón, najan Caná, acvaycmo tingma apvanyam Sidón.

JUECES 16:1

Nalhit acnim nic nat apmiyaclho tingma Gaza Sansón. Apvitac nic nat quilvana alanatama. Aptalhnec nic nat tingma ac, yoyam eyitnamoc lhama as quilvana.

JUECES 6:4

Apquilnactac nic nat mataa apquileyvomaclha enlhitaoc Israel. Apnatovasquic nic nat mataa acyilhna, acvaycmo yoclhilhma Gaza. Apquilsovjoc nic nat nintom, najan apnatoscama nipquesic najan vayqui najan yamelyeyjaycoc.

1 SAMUEL 13:18

Poc grupo apquilmiyaclho ilhnic nat Bet-horón. Mocjam poc grupo apquilmiyaclho ilhnic nat inquilhe payjoc Zeboím, nicja yoclhilhma actamopeycaoc.