GÉNESIS 1:3 - Enhlit Bible

³ Aptomjac nic nat appametamcaa Dios: —¡Cotyip ayitsayolhma!— nic nat aptomjac. Intipquic nic nat ayitsayolhma.,

GÉNESIS 1:3 Iomraidhean Croise

GÉNESIS 2:4

Eycaso actemaclha ilhnic nat apquilantipquiscama Dios netin najan nalhpop. Lhama ilhnic nat apquillana Dios netin najan nalhpop.

JOB 36:30

Invitalhquic netin alyinmayam am eyca cotamalhcac coning yingmin acvanyam.

JOB 38:19

¿Apyasamco ya lhquip ayinyemayaclha ayitsay, najan ayinyemayaclha yatescamalhma?

SALMOS 104:2

Ayitsayolhma acvanyam intomjac apcalomap lhip. Malha carpa appayescama aptomjac lhip netin.

SALMOS 118:27

Apyimnatem apanco Dios Visqui ingac. Aptomja singitsasquiscama olhma. Elsantimquis yamit actingaoc (elnalhimquis) acvaycmo acvatnamalhquilha. Ongenojoc sat fiesta quilhvo nac jay.

SALMOS 148:5

Eltime sat apquilayo apvisay Visqui ingac. Appayvam ayinyema apquilantipquiscama aclhamoclhojo asoc.

SALMOS 33:6

Dios appayvam nic nat actipquiscama netin. Dios apvatipnapma nic nat alantipquiscama aclhamoclhojo asoc lhalhma anco.

SALMOS 33:9

Aptimec nic nat appayvam, yejemoc nic nat actepa asoc aplhanma. Aptomjac nic nat apcanama, yejemoc nic nat acvitalhco asoc.

SALMOS 97:11

Apquilvitac mataa ayitsasquiscama olhma enlhit apquiltamila. Payjeclhec mataa apquilvalhoc enlhitaoc apquilyajayquiclho.

ISAÍAS 45:7

Eycaso sicpayvam Dios: —Coo sictipquiscama ayitsayolhma najan yatescamalhma. Coo ayinyema sicvomquiscama tap najan ayinyema apquillingaycamco acyimtalhnama. Coo ayinyema aclhamoclhojo asoc sicvisay Dios.

ISAÍAS 60:19

Coymalhquejec sat acnim, yoyam catsacsic sat olhma, paj najan piltin, yoyam ingyapongmetic alhtaa. Ayinyema coo Visqui apancaoc otnejic siyitsasquiscama olhma najan siyapongmatquiscama cotmongvoycamlha nelha.

SAN MATEO 8:3

Yejemoc alhta apyasa apmic appatningvocmo. Aptomjac alhta Jesús: —Altamjo coo. Itniclha apjalhnancoc —alhta aptomjac. Yejemoc alhta acmasca lepra ningmasquem ningilyitapaycam.

SAN JUAN 1:5

Apquilsascasquic alhta olhma naysicsa yatescamalhma. Am alhta covanac yatescamalhma cosponsic ayitsayolhma.

SAN JUAN 1:9

Apquilhyacme aptomja apquilsasquiscama olhma aptomja nasoc anco. Apquilsascasquic alhta olhma aplhamoclhojo enlhit.

SAN JUAN 11:43

Yejemoc alhta apyimnatesa appayvam. Aptomjac alhta Jesús: —Lázaro, ityip —alhta aptomjac.

SAN JUAN 3:19

Invaac ayitsayolhma nipyesicsa enlhit lhalhma anco. Ayinyemaclha apquilasicjavoc yatescamalhma, colhno ayitsayolhma. Ayinyemaclha apquilyiplovcasquic asoc almasomcaa.

2 CORINTIOS 4:6

Aptomjac nic nat Dios: “Colsacsic sat olhma naysicsa yatescamalhma” —nic nat aptomjac. Eyca as Dios aptomja apquitsasquiscama olhma ingilvalhoc. Apquiltamjoc Dios yoyam ongyicpilcojo ayitsayolhma apanco, acyitna apvalhoc Jesucristo.

EFESIOS 5:14

Eycaso actomja aclhanmaclha: Ilhaticja sat lhip aptomja aptiyanma. Ilhaticja sat nipyesicsa apquilmasquingvaycmo. Etac sat lhip ayitsayolhma ayinyema Cristo —nic nat intomjac.

EFESIOS 5:8

Quellhip apquiltemaclha nano acvisay apquileyvam naysicsa yatescamalhma. Quilhvo eyca apquiltomja apquilpasmeyquiclha Visqui ingac apquiltomja apquileyvam naysicsa ayitsayolhma. Eltime sat quellhip enlhit apquilsasquiscamalhma.

1 TIMOTEO 6:16

Aptomja apvamlha pac lhama mengyitsepma. Aptomja apma naysicsa ayitsayolhma, mongvanquejec ontiyaningvomjo. Am nic nat etamacpoc Dios. Paj lhama enlhit apcopvanco etac. Apmopvan innac Dios najan mayayo cotmongvoycamlha nelha. Amén.

1 SAN JUAN 1:5

Ninlingasquic nincoo nipyesicsa quellhip actemaclha singillhicmoscama Jesucristo ninlingay nat nincoo. Eycaso amyaa nac jay: Dios aptomja ayitsayolhma. Am coyitnac apvalhoc yatescamalhma.

1 SAN JUAN 2:8

Nasoc anco, actalhoscasquic quellhip malha singanamaclha alhnancoc acyitna apvalhoc Jesucristo najan apquilvalhoc quellhip. Pa incomascoc yatescamalhma. Quilhvo eyca acvitalhco ayitsayolhma actomja nasoc anco.