GÉNESIS 1:28 - Enhlit Bible

²⁸ Intasic nic nat appayvam Dios appamejitsa: —Ilhamasiclha sat aplhamoclhojo apquitquic najan aptovana, eleyoc sat lhalhma anco. Itne sat lhip avisqui ac as nalhpop, najan avisqui ac aclhamoclhojo quilasma najan aclhamoclhojo nata najan aclhamoclhojo asoc alpilhyevaycam nalhpop— nic nat aptomjac Dios.

GÉNESIS 1:28 Iomraidhean Croise

GÉNESIS 1:22

Aptomjac nic nat Dios: —Inquiltasi nac silantipquiscama aclhamoclhojo asoc aleyvam. Collhamiclha sat aclhamoclhojo nayingmin. Collhamiclha sat aclhamoclhojo nata as nalhpop— nic nat aptomjac.

GÉNESIS 17:16

Intasic actemaclha lhip aptava. Etac sat lhip apquitca apquinavo, cotimsic sat aptava. Naso, intasic actemaclha lhip aptava. Appintalhnama sat eltimiclha atovana natamin lhalhma anco. Apquilviscaa sat eltimiclhac nipyesicsa aplhamoclhojo apquilmolhama lhalhma anco.

GÉNESIS 17:20

Apvitac alhta lhip siclhoc anco apquitca Ismael ayinyema sicjalhenmo lhip appayvam. Actamila alhta sicpayvam: Olhamascasiclhac sat aptovana yoyam eleyoc sat lhalhma anco. Etac sat Ismael aptovana, doce apquilviscaa apquilyimtalhnamo sat eltimjic. Aptovana sat eltimjic aplhamoclhojo apquilmolhama lhalhma anco.

GÉNESIS 24:60

Intasic nic nat apquilpayvam naato Rebeca: Lhiya ingyalhing. Elhamongvomoc sat lhiya atovana. Apquilyimnatem sat eltimjic atovana. Elvocjingvomoc sat cotnaja ingmoc— nic nat intomjac apquilpayvam.

GÉNESIS 26:24

Apvitac nic nat actemaclha ningaat alhtaa. Aplingac nic nat Dios appayvam: Coo nac Dios Visqui pac lhip apyap Abraham. Nojeya nasa. Coo nac sicpasmom mataa lhip. Opasmoc sat lhip, olhamasiclhac sat lhip aptovana ayinyema Abraham, aptomja nat selancam— nic nat intomjac aplingay.

GÉNESIS 33:5

Apvitac nic nat Esaú quilvanaa najan ayitquic. Aptomjac nic nat apcanya: —¿Jalhco alinyema as quilvanaa najan ayitquic?— nic nat aptomjac. Apcatingmavoc nic nat Jacob: —Lhip visqui ajac. Eycaso eyitquic selmescama alhta Dios— nic nat aptomjac.

GÉNESIS 49:25

Appasmom aptomja Dios Visqui pac lhip apyap. Appasmom aptomja Dios Apyimtalhnamo. Apcaycaoc conyemac sat netin. Apcaycaoc conyemac sat ayaptovnilha yingmin. Apcaycaoc conyemac sat avalhoc inquin actomja sat actom neme.

GÉNESIS 5:2

Apquillanac nic nat Dios enlhit najan quilvana. Intasic nic nat appayvam Dios. Apquiltimec nic nat Dios alvisay “enlhit” as acnim apquillanay enlhit najan aptava.,

GÉNESIS 6:1

Aplhameclhec nic nat enlhitaoc as nalhpop. Apquilvitac nic nat apquitquic quilvanaa.

GÉNESIS 8:17

Ilantipquis sat aclhamoclhojo asoc lhip apquillhalhmaa. Ilantipquis sat aclhamoclhojo nata najan ninatoscama najan asoc alpilhyevaycam nalhpop. Colyacsic sat lhalhma anco. Colhamiclhac sat ayitcaoc lhalhma anco— nic nat aptomjac.

GÉNESIS 9:1

Intasic nic nat appayvam Dios Apyimtalhnamo apquilpamejitsa Noé najan apquitquic. Aptomjac nic nat apquilanya: —Ellhamasiclha sat apquitquic quellhip najan aptovana. Elleyoc sat lhalhma anco.

GÉNESIS 9:7

Ellhamasiclha sat apquitquic quellhip najan aptovana. Eleyoc sat lhalhma anco— nic nat aptomjac Dios Apyimtalhnamo.

1 CRÓNICAS 26:5

Amiel, Isacar, Peultai. Aplhamoc nic nat apquitquic Obed-edom, ayinyema Dios apmescama.

1 CRÓNICAS 4:10

Yitnec nic nat apquilmalhnancama Jabes napato Dios Visqui apancaoc Israel: Jevaticjapquis coo, jimques coo amyip acvanyam, jepasim coo, jeyas actemaclha acmasom, molngamquejec sat acyimtalhnama. Apjalhnoc nic nat Dios apquilmalhnancama Jabes.

JOB 39:11

¿Apcanayqui ya lhquip acyimnatem anco vayqui navjac, cotnajam sat amyip?

JOB 42:12

Avanjec anco appasmom Dios as apquilvamlha nac jay Job, am colhno nano. Apquilyipsatquic nic nat catorce mil apnatoscama nipquesic. Seis mil apnatoscama camellos voncayispoc. Dos mil vayqui yamquilvanaa najan mil apnatoscama yamelyeyjaycoc.

SALMOS 107:38

Appasmec alhta mataa Visqui ingac. Aplhameclhec mataa enlhitaoc. Inlhameclhec mataa apnatoscama.

SALMOS 115:16

Netin aptomja apancoc Visqui ingac. Nalhpop aptomja aplhoy enlhitaoc.

SALMOS 69:34

Eltime sat apquilayo Visqui ingac quellhip apnaycam netin. Najan apyovoclhojo apquileyvam nalhpop. Najan acyovoclhojo asoc aleyvam yingmin acvanyam (acyitnamaclha yingmin).

SALMOS 8:6

Etnejic sat apvisqui acyovoclhojo asoc, lhip nic nat apquillanay.

SALMOS 8:7

Avisqui ac ninatoscama nipquesic najan vayqui. Avisqui ac asoc navjac aleyvam amyip.

ISAÍAS 45:18

Eycaso sicpayvam Dios: —Sicvamlha coo Dios. Silantipquiscama alhta netin. Silantipquiscama alhta as nalhpop najan sicyimnatescama. Apquileyvomaclha enlhitaoc as nalhpop silanay coo. Jave yoyam cotnejic actamopeycaoc. Coo sicvamlha Dios. Paj poc lhalhma anco.

LEVÍTICO 26:9

Olanam sat mataa quellhip. Olhamasiclhac sat apquitquic, eltimjic appintalhnama. Mepqui sicyeycajascama sicpayvam, osavojoc sat monquinatquiscama actemaclha sicmayjayoclha.

1 TIMOTEO 4:3

Apquilasquic mataa colyimjapamcoc enlhitaoc. Apquilasquic najan eltovamcoc moc nintom. Dios nic nat apquillanay aclhamoclhojo nintom yoyam eltovamcoc Jesucristo apmolhama apquiltomja apquilyasingvoyam actomja nasoc anco.