GÉNESIS 1:26 - Enhlit Bible

²⁶ Aptomjac nic nat mocjam Dios: —Pac ongilanac sat enlhit najan quilvana. Jinlhojoc sat nincoo. Colhic sat almovan cotnejic avisqui ac aclhamoclhojo quilasma najan aclhamoclhojo nata najan aclhamoclhojo ninatoscama najan aclhamoclhojo asoc navjac najan aclhamoclhojo asoc alpilhyevaycam nalhpop— nic nat aptomjac.

GÉNESIS 1:26 Iomraidhean Croise

GÉNESIS 11:7

Incaymalhquic ongilvayventac sat nipyesicsa enlhitaoc. Ongillhinganimsic sat apquilpayvam. Melyasamquejec sat mataa poc aplhanma— nic nat intomjac apvalhoc.

GÉNESIS 2:19

Inyelpa ilhnic nat ayinyema apquillanay Dios Apyimtalhnamo aclhamoclhojo asoc navjac najan aclhamoclhojo nata. Apnalaclhec nic nat apnaclha enlhit yoyam etingyasic alvisay. Cotnejic sat mataa moclhama alvisay actemaclha ilhnic nat aplhanma enlhit.

GÉNESIS 3:22

Aptomjac nic nat Dios Apyimtalhnamo appametamcaa: —Aptomjaclhec ningno nincoo as enlhit. Apyasamcoc as enlhit actemaclha actamila najan acmasom. Am oltamjoc elcoc acyilhna najan etoc ayinyema yamit acyimnatescama ingnenyic. Aptovquic sat ancoc, mengyitsepejec sat mataa— nic nat aptomjac.

GÉNESIS 5:1

Eycaso acnatalhesomalhca ilhnic nat apquilvisay Adán aptovana niptamin. Lhama ilhnic nat apquillana Dios enlhit. Apnoc nic nat aptemaclha Dios.

GÉNESIS 9:6

Apmatnec sat ancoc enlhit, coyanmongiclhac sat najan aptomja apcajem. Ayinyemaclha apquilanacpec alhta enlhit, apnoc alhta aptemaclha Dios.

JOB 35:10

Am ellhenac mataa Dios apyimtalhnamo, yoyam epasingvota, yoyam etamilquiscomoc apquilvalhoc naysicsa apquillingaycamco acyimtalhnama.

JOB 39:11

¿Apcanayqui ya lhquip acyimnatem anco vayqui navjac, cotnajam sat amyip?

JOB 5:23

Mengyacyejec sat lhip asoc navjac aclom aleyvam amyip, malha apnaymacoc altomja.

SALMOS 100:3

Elyasingvom sat quellhip, apvamlha pac lhama aptomja Visqui ingac Dios. Aptomja singilantipquiscama nincoo, ningiltomja enlhit apancaoc. Ningiltomja enlhit apancaoc, malha apnatoscama apquileyvam actamilaclha paat.

SALMOS 149:2

Colpayjiclha apquilvalhoc quellhip apnaycam tingma Sión. Dios aptomja Visqui ingac. Aptomja apquilantipquiscama aclhamoclhojo asoc.

ECLESIASTÉS 7:29

Acyasingvocmec alhta actema nac jay: Dios nic nat apquillanay enlhit appeyvomo, eyca avanjec mataa alquitamsama ingilvalhoc naysicsa ningileyvam.

LOS CANTARES 1:11

Colhcac sat lhiya altamila anco lamom, allanomalhca plata, najan oro alyinmom.

ISAÍAS 45:18

Eycaso sicpayvam Dios: —Sicvamlha coo Dios. Silantipquiscama alhta netin. Silantipquiscama alhta as nalhpop najan sicyimnatescama. Apquileyvomaclha enlhitaoc as nalhpop silanay coo. Jave yoyam cotnejic actamopeycaoc. Coo sicvamlha Dios. Paj poc lhalhma anco.

ISAÍAS 6:8

Yejemoc alhta siclinga mocjam Visqui ingac appayvam. Aptomjac alhta seyanya: —¿Soc sat ongvapajacsic? ¿Soc sat etnejic soycam amyaa? — alhta aptomjac. Ayatingmavoc alhta coo: —Coo nac aso, jeyapajas sat coo — alhta actomjac.

ISAÍAS 64:8

Naso, lhip nac Dios nincoo. Ningilyitsomalhca nincoo yelpa. Lhip apyitsomacpo apquillanay valhva. Lhip singillanay nincoo, acno apquillanay valhva.

JEREMÍAS 27:6

Otnesquisic sat Nabucodonosor de Babilonia etnejic apvisqui lhalhma anco as nalhpop najan asoc navjac, yoyam eltamacsic.

SAN JUAN 14:23

Apcatingmavoc alhta Jesús: —Eyasicjavoc sat ancoc enlhit, eyiplovcasojoc sat sicpayvam. Ingyasicjojoc sat coo Tata. Ongnam sat lhama as enlhit, coo Tata najan coo.

SAN JUAN 5:17

Aptomjac alhta Jesús: —Aptamjaycam nic nat mataa coo Tata najan quilhvo nac jay. Sictamjaycam coo lha —alhta aptomjac.

LOS HECHOS 17:20

Aplhenquic mataa lhip asoc mongyascamco. Ningiltamjoc ongilyasamcojo actemaclha aclhenomalhca —alhta apquiltomjac.

LOS HECHOS 17:26

Aplhamoclhojo enlhit apquilmolhama lhalhma anco apquilinyema Dios Ingyapam aptomja apquillanay lhama enlhit apmolhama siclhoc anco. Apquilyipsatamquic mataa Dios Ingyapam acvamlha acnim apquileyvam enlhitaoc as nalhpop. Apquilyipsatamquic mataa acvamlha yoclhilhma apquileyvam enlhitaoc.

1 CORINTIOS 11:7

Apvanquic enlhit mepqui appocanma, ayinyemaclha Dios aptomja apnesomacpo enlhit, malha ningvitangvoyacmo tap gloria aptemaclha apyimtalhnamo. Quilvana eyca actomja malha ningvitangvoyacmo tap aptemaclha apyimtalhnamo enlhit.

2 CORINTIOS 3:18

Nincoo ninlhamoclhojo, am coyitnac ninglalascama ningaat apava. Yitnec mataa ningaat ayitsayolhma apanco Visqui ingac. Malha laneyo intalhamavo intomjac ningaat. Invitalhquic ningaat acyitna ayitsayolhma ayinyema Visqui ingac. Ongilinmalhingvoclhac sat nincoo aptemaclha Cristo. Inyangvocmec mataa ayitsayolhma apanco, inyangvocmec najan ayapongmatem ningaat. Eycaso aptimesquiscama Dios Visqui ingac ayinyema Espíritu apanco.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

EFESIOS 4:24

Elyiplovquis actemaclha alhnancoc ayinyema apmayjayoclha Dios., Yoyam cotalhcac apquiltemaclha alhnancoc actomja nasoc anco najan actomja acpeyvomo najan actomja actamila.

COLOSENSES 1:15

Dios aptomja mongvitay nincoo. Apvaac alhta Apquitca yoyam ongvita aptomja apno Apyap. Apnec nic nat Apquitca apmaclha Apyap siclhoc anco, amamyi apquillanay aclhamoclhojo asoc.

COLOSENSES 3:10

Apquilmaclhec quellhip actemaclha apquilvalhoc alhnancoc. Apquiltamjoc Dios jingilaniclhac mataa yoyam sat ongilinmalhingvoclha aptemaclha apanco. Yoyam najan ongilyicpilcangvomoc acyovoclhojo aptemaclha apanco Dios.

SANTIAGO 3:7

Ingvanquic ongiltamacsic aclhamoclhojo actemaclha asoc navjac najan nata najan nimisma najan quilasma. Ningiltamasquic alhta mataa.

SANTIAGO 3:9

Ingalhcoc actomja actipquiscama ninpayvam yoyam ongavojo Dios Ingyapam. Actomja najan actipquiscama ninpayvam yoyam ongilyamnam ingnaymacoc enlhit, Dios nic nat apquilantipquiscama.

1 SAN JUAN 5:7

Natqui altomja allhanma netin yoyam colhejec acyascacmo: Ingyapam najan Dios appayvam najan Espíritu Santo. Eyca as natqui aptomja malha lhama.