GÉNESIS 1:21 - Enhlit Bible

²¹ Apquilantipcasquic nic nat Dios alyivey anco yamquilasma aleyvam nayingmin najan aclhamoclhojo actemaclha asoc aleyvam nayingmin. Apquilantipcasquic nic nat Dios aclhamoclhojo actemaclha nata. Apvitac nic nat Dios actemaclha actamila.

GÉNESIS 1:21 Iomraidhean Croise

GÉNESIS 1:18

acnim anco najan alhtaa. Coytic sat lhama nicja ayitsayolhma najan moc nicja yatescamalhma. Apvitac nic nat Dios actemaclha actamila.

GÉNESIS 1:20

Aptomjac nic nat mocjam Dios: —Colanteypoc sat aclhamoclhojo asoc aleyvam nayingmin. Colquimpam sat netin aclhamoclhojo nata as nalhpop— nic nat aptomjac. Inquilantipquic nic nat.

GÉNESIS 1:22

Aptomjac nic nat Dios: —Inquiltasi nac silantipquiscama aclhamoclhojo asoc aleyvam. Collhamiclha sat aclhamoclhojo nayingmin. Collhamiclha sat aclhamoclhojo nata as nalhpop— nic nat aptomjac.

GÉNESIS 1:25

Apvitac nic nat Dios aclhamoclhojo asoc aleyvam nalhpop. Aptivac nic nat Dios actemaclha actamila.

GÉNESIS 1:31

Apvitac nic nat Dios aclhamoclhojo actamila apquilantipquiscama. Seis acnim nic nat intomjac.

GÉNESIS 2:19

Inyelpa ilhnic nat ayinyema apquillanay Dios Apyimtalhnamo aclhamoclhojo asoc navjac najan aclhamoclhojo nata. Apnalaclhec nic nat apnaclha enlhit yoyam etingyasic alvisay. Cotnejic sat mataa moclhama alvisay actemaclha ilhnic nat aplhanma enlhit.

GÉNESIS 6:20

Moclhama actemaclha asoc aleyvam as nalhpop colantilhic sat barca yamit aysicsic: moclhama actemaclha nata, moclhama actemaclha ninatoscama, moclhama actemaclha asoc alpilhyevaycam nalhpop. Colvomoc sat tap moclhama actemaclha.

GÉNESIS 7:14

Inquilantalhnec nic nat lhama aclhamoclhojo actemaclha asoc navjac najan ninatoscama najan asoc alpilhyevaycam nalhpop najan aclhamoclhojo actemaclha nata.

GÉNESIS 8:17

Ilantipquis sat aclhamoclhojo asoc lhip apquillhalhmaa. Ilantipquis sat aclhamoclhojo nata najan ninatoscama najan asoc alpilhyevaycam nalhpop. Colyacsic sat lhalhma anco. Colhamiclhac sat ayitcaoc lhalhma anco— nic nat aptomjac.

GÉNESIS 8:19

Inquilantipquic nic nat aclhamoclhojo ninatoscama najan asoc navjac najan asoc alpilhyevaycam nalhpop najan nata.

GÉNESIS 9:2

Almaymintacaa sat cotnajamcoc aclhamoclhojo asoc aleyvam lhalhma anco. Incolaoc sat mataa alvita quellhip. Eltime sat quellhip avisqui ac aclhamoclhojo nata najan aclhamoclhojo asoc aleyvam nalhpop najan asoc aleyvam nayingmin.

GÉNESIS 9:7

Ellhamasiclha sat apquitquic quellhip najan aptovana. Eleyoc sat lhalhma anco— nic nat aptomjac Dios Apyimtalhnamo.

JOB 12:7

Iyasingvom sat lhip altemaclha ancaoc asoc navjac najan anata, colhic sat allhicmosa lhip.

JOB 26:5

Inquilpilhyinimquic maa apquiljangaoc apquilmasquingvaycmo, payjoc yingmin congno.

JOB 7:12

¿Lhip Visqui ingac naso ya setamilquiscama, malha sinavocpo coo najan yingmin acvanyam?

SALMOS 148:7

Eltime sat apquilayo Visqui ingac quellhip apnaycam as nalhpop. Innec ayaco ayinyema yingmin acvanyam najan acyitnama nayingmin.

ÉXODO 1:7

Aplhameclhec nic nat enlhitaoc Israel apquilvita apquitquic. Apquilyimnatem nic nat apquiltomjac. Aplanoc nic nat yoclhilhma.

ÉXODO 8:3

Appintalhnama napnicting eleyoc sat vatsam. Elantepoc sat, elantilhic sat lhip tingma pac. Elantilhic sat aptiyanmaclha najan apyitnamaclha netin. Elantilhic sat tingma apancaoc apquilancam najan aplhamoclhojo tingma apancaoc. Elantilhic sat napnicting malhic apquilanomacpilha pan. Elantilhic sat asoc payjem ningyelaquiscama sepo yompac (motajap).

EZEQUIEL 32:2

Ilngas sat lhip sicpayvam napato faraón apvisqui co Egipto, actemaclha apminaycmascama yocsa: Lhip apvisqui apyimtalhnamo apanco as nalhpop, am elhno poc apvisqui. Apyitsomacpo lhip asoc aclom sinavocpo payjoc yingmin acvanyam. Aptacmec lhip yingmin vatsam, appatipquiscama yingmin. Impaysacmec mataa yingmin ayinyem — alhta aptomjac.

JONÁS 1:17

Aptingyascasquic nic nat Dios Apyimtalhnamo yamquilasma acyivey, actomja acnasipma Jonás. Apnec nic nat avalhoc yamquilasma Jonás, tres acnim najan tres alhtaa.

JONÁS 2:10

Aptimescasquic nic nat Dios Apyimtalhnamo yoyam coyiclhic yamquilasma acyivey evomjoc sat lhopactic inquilhe Jonás.

SAN MATEO 12:40

Natqui acnim najan natqui alhtaa ilhnic nat apma Jonás avalhoc yamquilasma. Sat colhojoc maa apvisay Aptiyam Aptomja Enlhit. Natqui acnim najan natqui alhtaa sat cotnejic apyitnama congne tacjalhop.