GÉNESIS 1:20 - Enhlit Bible

²⁰ Aptomjac nic nat mocjam Dios: —Colanteypoc sat aclhamoclhojo asoc aleyvam nayingmin. Colquimpam sat netin aclhamoclhojo nata as nalhpop— nic nat aptomjac. Inquilantipquic nic nat.

GÉNESIS 1:20 Iomraidhean Croise

GÉNESIS 1:14

Aptomjac nic nat mocjam Dios: —Colanteypoc sat alitsasquiscamalhma netin. Colitsasquisic sat ilhma as nalhpop. Cotnatsalhquejec sat acnim najan alhtaa. Cotnatsalhquejec sat acvamlha acnim najan acvamlha mocjitma (años) najan yavamlha eltimjic nalhit acnim— nic nat aptomjac. Inquilantipquic nic nat.

GÉNESIS 1:19

Cuatro acnim nic nat intomjac.

GÉNESIS 1:21

Apquilantipcasquic nic nat Dios alyivey anco yamquilasma aleyvam nayingmin najan aclhamoclhojo actemaclha asoc aleyvam nayingmin. Apquilantipcasquic nic nat Dios aclhamoclhojo actemaclha nata. Apvitac nic nat Dios actemaclha actamila.

GÉNESIS 1:22

Aptomjac nic nat Dios: —Inquiltasi nac silantipquiscama aclhamoclhojo asoc aleyvam. Collhamiclha sat aclhamoclhojo nayingmin. Collhamiclha sat aclhamoclhojo nata as nalhpop— nic nat aptomjac.

GÉNESIS 1:30

Almasquic actamila paat yoyam coltovamcoc asoc navjac najan asoc alpilhyevaycam nalhpop najan aclhamoclhojo nata— nic nat aptomjac. Intipquic nic nat actemaclha aplhanma Dios.

GÉNESIS 1:7

Appiquinquic nic nat Dios anit acyitnamaclha. Lhama acyitnamaclha yingmin nic nat appiquinac coning. Moc nic nat appiquinac netin.

GÉNESIS 2:19

Inyelpa ilhnic nat ayinyema apquillanay Dios Apyimtalhnamo aclhamoclhojo asoc navjac najan aclhamoclhojo nata. Apnalaclhec nic nat apnaclha enlhit yoyam etingyasic alvisay. Cotnejic sat mataa moclhama alvisay actemaclha ilhnic nat aplhanma enlhit.

GÉNESIS 7:21

Apsovjacpoc nic nat apquilitsepma enlhitaoc lhalhma anco. Inquilitsepquic nic nat nata najan asoc navjac najan ninatoscama najan asoc alpilhyevaycam nalhpop.

GÉNESIS 8:17

Ilantipquis sat aclhamoclhojo asoc lhip apquillhalhmaa. Ilantipquis sat aclhamoclhojo nata najan ninatoscama najan asoc alpilhyevaycam nalhpop. Colyacsic sat lhalhma anco. Colhamiclhac sat ayitcaoc lhalhma anco— nic nat aptomjac.

1 REYES 4:33

Yitnec ningilyipsatem appayvam Salomón, aclhenalhco yamtaa najan ninganma, najan yamtaa cedro alimja Líbano najan paat ayimja amyip najan yingman. Inlhenalhquic nic nat asoc navjac, najan nata, najan quilasma, najan asoc alpilhyevaycam nalhpop.

JOB 12:9

Acyovoclhojo asoc as nalhpop inquilyasamcoc maa: Dios Visqui ingac nic nat apquillanay aclhamoclhojo asoc.

SALMOS 148:10

Innec ayaco ayinyema ninatoscama najan ayinyema asoc navjac. Innec ayaco ayinyema anata najan asoc alpilhyevaycam nalhpop.

ECLESIASTÉS 2:21

Ayinyema poc enlhit netamin coo emiclhac asoc ajanco, sictingyey alhta naysicsa sicyascamco, naysicsa siltamsomalhca, naysicsa sicvascapma sictamjaycam. Emiclhac sat poc enlhit mepqui mataa aptamjaycam. Alhto inyicje as nintemaclha mepqui acpeyvomo.

LEVÍTICO 11:42

Colapvanquejec quellhip eltovamcoc asoc alpilhyevaycam nalhpop, paj najan alpilhyevaycam nayi, paj najan allhingam ameoc najan amancoc, altomja altanovmalhca napato Dios.

LEVÍTICO 11:43

Aptovquic sat ancoc enlhit, etanovacpoc sat napato Dios. Elavojo sat quellhip.

LOS HECHOS 17:25

Mongvanquic nincoo lhama asoc yoyam ongilanesquisic. Am coymalhquejec as asoc Dios Ingyapam. Eyca aptomja singmescama acyimnatem ingnenyic najan ninginamam najan aclhamoclhojo asoc.