GÉNESIS 1:2 - Enhlit Bible

² Am nic nat coyitnac siclhoc anco lhop. Acvamlha ilhnic nat siclhoc anco yingmin acvanyam. Jalh nic nat ilhma siclhoc anco. Apyitnec nic nat tacjalhit yingmin Dios espíritu apanco.

GÉNESIS 1:2 Iomraidhean Croise

JOB 26:14

Asilhtec ningvitay aptamjaycam Dios, asilhtec ninlingay appayvam coyimnatem. Nasoc lhaja Dios aptomja apyimtalhnamo najan apmopvan apanco, comejec ingvalhoc nincoo — nic nat aptomjac Job.

JOB 26:7

Malha appaclhanma acyivey apquillanay Dios nitnoc anco, mepqui ningileyvomaclha. Apquinimcasquic Dios ningileyvomaclha as nalhpop, malha nipyesicsa apyová.

JOB 38:9

Coo nac ayinyema. Sillanay nat yipjopay malha ayalomalhca. Tiyam etin malha ayalomalhca ayitcoc.

JOB 41:32

Alyinmom intomjac yingmin acvanyam, invitalhquic maa malha apminic (ayitancoc).

SALMOS 104:30

Alyimnatem sat cotnejic as alanomalhca ayinyema apvatipnapma lhip. Invitalhquic mataa alhnancoc aleyvam as nalhpop.

SALMOS 104:6

Apyancaseclhec yingmin acvanyam, malha appayesayclha apava intomjac. Incapquic nic nat inquilhe acvinatem.

SALMOS 136:6

Aptipquiscama nic nat lhopactic naysicsa yingmin. Comasquejec mataa singasicjayo Visqui ingac.

SALMOS 148:7

Eltime sat apquilayo Visqui ingac quellhip apnaycam as nalhpop. Innec ayaco ayinyema yingmin acvanyam najan acyitnama nayingmin.

SALMOS 33:6

Dios appayvam nic nat actipquiscama netin. Dios apvatipnapma nic nat alantipquiscama aclhamoclhojo asoc lhalhma anco.

PROVERBIOS 8:24

Siclhoc nat sictiyaycamlha co, yicpintama allanomalhca yingmin acvanyam, najan vatsam, najan actiyapmaclha yingmin.

ISAÍAS 31:5

Avanjec mataa acmasma nata inyapmoc, payjoc alyancaclha ayitcavoc congne alhancoc. Avanjec mataa apmasma Visqui ingac tingma Jerusalén. Etnejic aptamilquiscama, najan apquilvomquiscama tap, najan apmasma — nic nat aptomjac profeta.

ISAÍAS 45:18

Eycaso sicpayvam Dios: —Sicvamlha coo Dios. Silantipquiscama alhta netin. Silantipquiscama alhta as nalhpop najan sicyimnatescama. Apquileyvomaclha enlhitaoc as nalhpop silanay coo. Jave yoyam cotnejic actamopeycaoc. Coo sicvamlha Dios. Paj poc lhalhma anco.

JEREMÍAS 4:23

Aptomjac nic nat profeta: Acvitac alhta as nalhpop, naso actovasomalhca acyovoclhojo. Acvitac alhta netin, paj lhama apyova.

NAHÚM 2:10

Tingma aptovasomap, aptamopeycaoc, apyinyovmap as tingma Nínive. Avanjec ayay apquilvalhoc maa, inquilpilhyinimquic aptapnaoc, mepqui apquilyimnaa enlhitaoc, mepqui altamila napataa.

2 CORINTIOS 4:6

Aptomjac nic nat Dios: “Colsacsic sat olhma naysicsa yatescamalhma” —nic nat aptomjac. Eyca as Dios aptomja apquitsasquiscama olhma ingilvalhoc. Apquiltamjoc Dios yoyam ongyicpilcojo ayitsayolhma apanco, acyitna apvalhoc Jesucristo.

DEUTERONOMIO 32:11

Acno aptemaclha mama aptamilquiscama apquitcavoc, apnamcaa aplhancoc najan naysicsa apquilimpay nitno. Apnasoc nat Dios appayesa aplhimpancoc, apcaynaoclhec nat enlhit, yoyam elmiyovacpoc.