GÉNESIS 1:1 - Enhlit Bible

¹ Apquillanac nic nat siclhoc anco Dios netin najan nalhpop.

GÉNESIS 1:1 Iomraidhean Croise

2 REYES 19:15

Yiplovcoc nic nat apquilmalhnancama Ezequías: Lhip Dios Visqui ingac. Yitnec lhip aptajanem pac tacjaplhit ángeles querubines. Lhip apvamlha pac lhama Dios, apvisqui lhalhma anco. Lhip nic nat apquilantipquiscama netin najan nalhpop.

1 CRÓNICAS 16:26

Mepqui acmovan mataa quilaycmasquiscama acyitsomalhca dios. Apmopvan innac Visqui ignac, aptomja apquillanay nic nat netin.

2 CRÓNICAS 2:11

Apcapajasquic nic nat apvisqui Hiram co Tiro lhama vaycajac, yoyam elyipsitic Salomón: Lhip nac apvisqui apyimtalhnamo nipyesicsa co Israel ayinyema Dios, apvita aptemaclha apcasicjayo lhip apnaymacoc.

NEHEMÍAS 9:6

Aptomjac alhta apquilmalhnancama Esdras: Lhip nac Dios Visqui ingac, mepqui poc. Lhip nic nat apquillanay netin najan asoc acnaycaoc netin najan apyová. Lhip nic nat apquillanay as nalhpop najan aclhamoclhojo asoc acnaycaoc. Najan maa yingmin acvanyam najan asoc aleyvam congne yingmin. Lhip aptomja apyimnatescama apnenyaoc enlhitaoc najan acyovoclhojo asoc aleyvam. Apquiltimec apquilayo lhip apyovoclhojo apyová netin maa.

JOB 26:13

Aptimescasquic alyinmom netin, ayinyema apvatipnama, apmic alhta apcaja sinavocpo, malha nimisma acyivey.

JOB 38:4

¿Co laa apnaclha lhip, naysicsa silantipquiscama siclhoc nat as nalhpop? ¿Apyasamco ya lhquip? Jeltimnas quilhvoc anco.

JOB 9:8

Apvamlha pac Dios apquillanay nic nat netin, elhong apanco netin yingmin.

SALMOS 102:25

Siclhoc nic nat apquillanay lhip as nalhpop. Lhip nic nat apquillanay netin.

SALMOS 104:24

Lhip Visqui ingac, cascama anco asoc apquillanay lhip. Aptomja apyascamco apanco apquillanay as asoc. Yitnec lhalhma anco asoc apquillanay lhip.

SALMOS 104:30

Alyimnatem sat cotnejic as alanomalhca ayinyema apvatipnapma lhip. Invitalhquic mataa alhnancoc aleyvam as nalhpop.

SALMOS 115:15

Epasmoc sat quellhip Visqui ingac. Visqui ingac aptomja apquillanay netin najan as nalhpop.

SALMOS 121:2

Visqui ingac sat etnejic sepasmom. Aptomja apquilantipquiscama nic nat netin najan nalhpop.

SALMOS 124:8

Ingilvomcasquic alhta tap Visqui ingac. Aptomja apquilantipquiscama nic nat netin najan nalhpop.

SALMOS 134:3

Elpasmoc sat quellhip Visqui ingac, apna tingma Sión. Aptomja apquilantipquiscama nic nat netin najan nalhpop.

SALMOS 136:5

Apyascamco apquillanay nic nat netin. Comasquejec mataa singasicjayo Visqui ingac.

SALMOS 146:6

Aptomja apquillanay netin najan nalhpop najan yingmin acvanyam, najan aclhamoclhojo asoc acnaycaoc maa. Aptomja meyeycajascama aplhenaclha.

SALMOS 33:6

Dios appayvam nic nat actipquiscama netin. Dios apvatipnapma nic nat alantipquiscama aclhamoclhojo asoc lhalhma anco.

SALMOS 33:9

Aptimec nic nat appayvam, yejemoc nic nat actepa asoc aplhanma. Aptomjac nic nat apcanama, yejemoc nic nat acvitalhco asoc.

SALMOS 8:3

Alanoc mataa netin, lhip nic nat apquillanay. Piltin najan apyova, lhip nic nat apquillanay.

SALMOS 8:4

Inlhenquic mataa evalhoc: —¿Jalhco ayinyema singilaneyo ningilvisay enlhit? ¿Jalhco ayinyema apquimlaycmo lhip enlhit apquitcoc? — intomjac evalhoc.

SALMOS 90:2

Apnec nic nat mataa lhip Visqui ingac cotmongvoycamlha nelha. Apnec nic nat lhip cotyapmaclha mocjam inquilhe najan cotyapmaclha as nalhpop najan aclhamoclhojo asoc lhalhma anco.

SALMOS 96:5

Mepqui acmovan mataa quilaycmasquiscama acyitsomalhca dios. Apmopvan innac Visqui ingac aptomja apquillanay nic nat netin.

ÉXODO 20:11

Eycaso ayinyema Dios Apyimtalhnamo aptomja apquillanay nic nat acvocmo seis acnim netin najan nalhpop najan yingmin acvanyam najan aclhamoclhojo asoc aleyvam nayingmin. Apnaclhec nic nat acvocmo siete acnim. Apcacoc nic nat Dios Apyimtalhnamo as acnim ninnayclhilha, aptomja apmasmaclha.

ÉXODO 31:18

Appenasquic nic nat Dios appamejitquiscama Moisés netin inquilhe acvinatem. Aplhocac nic nat Moisés anit mataymong nicja actalhesamalhca. Dios Visqui ingac nic nat aptalhescama singanamaclha appayvam.

PROVERBIOS 16:4

Apquilantipcasquic nic nat Dios aclhamoclhojo asoc, apyasamcoc yavamlha etnejic. Eyanmongsiclhac sat apquiltemaclha apancaoc apquilmapsomcaa, acvoya inlhojo acnim apanco.

PROVERBIOS 3:19

Apquillanac nic nat Dios netin najan nalhpop, ayinyema acyascamco apvalhoc.

ECLESIASTÉS 12:1

Lhip apquitcoc, noncolvonquim nasa naysicsa aptiyascam lhip Visqui ingac Dios, aptomja singilantipquiscama. Covac sat acnim aplingaycamco lhip acyimtalhnama meyisponcama lhip.

ISAÍAS 37:16

Lhip Dios Visqui ingac. Yitnec lhip aptajanem pac tacjaplhit ángeles querubines. Lhip apvamlha pac lhama Dios, apvisqui lhalhma anco. Lhip nic nat apquilantipquiscama netin najan nalhpop.

ISAÍAS 40:21

¿Am ya alhta elyasamcoc quellhip? ¿Am ya alhta ellingac quellhip? ¿Am ya alhta colngalhcac amyaa siclhoc anco? ¿Am ya elyasamcoc quellhip ayinyema siclhoc anco alanomalhca as nalhpop?

ISAÍAS 40:26

Elsicjiclhojo sat netin. Quip elanojo apyova. ¿Soc allanay as asoc? Dios aptomja apquilantipquiscama aplhamoclhojo. Aptimesquiscama apquilvisay moclhama apyova. Mengyaymacpejec lhama apyova. Ayinyemaclha Dios aptomja apyimtalhnamo najan apyimnatem apanco.

ISAÍAS 40:28

¿Am ya elyasamcoc quellhip? ¿Am ya ellingac quellhip? Dios aptomja apquilmilaneycaoc, aptomja memasquingvoyam mataa. Aptomja apquilantipquiscama as nalhpop. Mepqui apyampay mataa Dios. Aptomja apyascamco apanco, paj lhama enlhit apno.

ISAÍAS 42:5

Eycaso sicpayvam sicvisay Dios: —Coo alhta silantipquiscama netin najan sicpayescama netin. Sillanay alhta as nalhpop najan asoc alimja lhalhma anco. Sictomja sicyimnatescama apnenyaoc enlhitaoc lhalhma anco. Sicmescama apvalhoc enlhitaoc apquileyvam lhalhma anco.

ISAÍAS 44:24

Eycaso sicpayvam Dios, sicvomquiscama tap quellhip. Malha sicaa sictimesquiscama avalhoc inquin. Coo sicvisay Dios, silanay nat netin najan nalhpop. Coo sicvamlha silanay.

ISAÍAS 45:18

Eycaso sicpayvam Dios: —Sicvamlha coo Dios. Silantipquiscama alhta netin. Silantipquiscama alhta as nalhpop najan sicyimnatescama. Apquileyvomaclha enlhitaoc as nalhpop silanay coo. Jave yoyam cotnejic actamopeycaoc. Coo sicvamlha Dios. Paj poc lhalhma anco.

ISAÍAS 51:13

Noncolvonquim nasa quellhip sictomja silantipquiscama nat quellhip, sictomja silantipquiscama netin najan nalhpop. ¿Am ya comascac mocjam apquilay quellhip enlhit apquilyimtalhnescama apquilvalhoc quellhip, yoyam enatovasacpoc quellhip? ¿Co laa acpayjo apnamcaa?

ISAÍAS 51:16

Coo silanay nat netin acyovoclhojo, najan as nalhpop acyovoclhojo. Actomjac coo silanya co Jerusalén: ¡Quellhip nac silyacyescama coo, enlhit ajancaoc! Quellhip sat eltimjic apquillingascama sicvisay, coo eyca olmeyvoc mataa quellhip — alhta aptomjac Visqui — nic nat aptomjac profeta.

ISAÍAS 65:17

Eycaso sicpayvam Dios: —Otnesquisic sat alhnancoc netin najan alhnancoc nalhpop. Colvoncomoc sat actemaclha siclho netin najan nalhpop. Coytejec sat mataa apatic enlhit actemaclha nano.

JEREMÍAS 10:12

Dios Visqui ingac nic nat apquillanay as nalhpop, ayinyema apmopvan apanco. Apquillanac nic nat netin ayinyema apyascamco apanco.

JEREMÍAS 32:17

Lhip Visqui ingac, apmopvan innac lhip elana aclhamoclhojo asoc. Lhip apmopvan ayinyema ilhnic nat apquillanay netin najan as nalhpop.

JEREMÍAS 51:15

Dios Visqui ingac nic nat apquillanay as nalhpop, ayinyema apmopvan apanco. Apquillanac nic nat netin ayinyema apyascamco apanco.

ZACARÍAS 12:1

Eycaso appayvam ayinyema Dios Visqui ingac apquillhenacpo enlhitaoc Israel. Aptomjac nic nat Dios apquillanay netin najan nalhpop, aptomja singmescama ingvalhoc ningilvisay enlhit. Aptomjac nic nat maa:

SAN MATEO 11:25

Yejemoc alhta aptomja apquilmalhna Jesús: —Ingyapam netin (coo Tata), lhip nac Visqui netin najan as nalhpop. Inlhenquic coo evalhoc lhip. Apyilhascasquic lhip as asoc enlhitaoc apquilyascamco lhalhma anco (najan enlhit acma apvalhoc). Am eyilhascasac lhip as asoc enlhit melyascamco malha sicaa.

SAN MARCOS 13:19

Coyajapoc sat apquilvalhoc enlhit apquilvita sat acmasca. Am nic nat cotamalhca actema nac jay, ayenmo apquilantipquiscamaclha asoc Dios Ingyapam. Najan cotalhquejec sat mocjam actema nac jay.

LOS HECHOS 14:15

—¡Quip elanojo enlhitaoc! ¿Soctomja apquiltomja nac as asoc quellhip? —alhta apquiltomjac. Enlhit nincoo lha ningno quellhip. Ningvaac nincoo, yoyam ongiltimnacsic amyaa. Elvatsaoc as asoc apquilyitquiscama dios. Elyiplaclha sat Dios Ingyapam apjalhnancoc aptomja apquillanay netin najan nalhpop najan yingmin acvanyam najan aclhamoclhojo asoc acnamco maa.

LOS HECHOS 17:24

Dios Ingyapam aptomja apquillanay as nalhpop najan aclhamoclhojo asoc acnamco lhalhma anco. Dios Ingyapam aptomja Apvisqui netin najan as nalhpop. Melhejec mataa Dios Ingyapam congne tingma apponquinomap enlhit apquillanay.

LOS HECHOS 4:24

Lhama alhta aclingalhco apquiltimnascama. Apnasoc alhta moc actomjaclha apquilpamejitquiscama Dios Ingyapam: —Dios Ingyapam Visqui ingac. Lhip aptomja apquillanay netin najan nalhpop najan yingmin acvanyam najan aclhamoclhojo asoc acnamco maa.

ROMANOS 11:36

Aclhamoclhojo asoc alinyema Dios. Aclhamoclhojo asoc apquillanay nic nat Dios. Aclhamoclhojo asoc altomja apancaoc Dios yoyam emiclhac mocjam. Innec mataa ayaco Dios cotmongvoycamlha nelha. Amén.

1 CORINTIOS 8:6

Paj nincoo aplhamoclhojo dioses ingilyapam. Apvamlha eyca lhama Dios Ingyapam. Ayinyemaclha Dios Ingyapam aptomja apquilantipquiscama aclhamoclhojo asoc. Ningyicplovcasquic mataa nincoo naysicsa ningileyvam. Apnec najan apvamlha lhama Visqui ingac Jesucristo, aptomja apquilanescama aclhamoclhojo asoc najan nincoo lha singmescama acyimnatem ingnenyaoc.

EFESIOS 3:9

Eyasinaquic alhta yoyam olngacsic asoc acyilhomalhca. Ayinyemaclha appenasoc nic nat siclhoc anco aclhanma apvalhoc Dios. Apyilhascasquic nic nat appenescama aclhanma apvalhoc Dios aptomja apquilantipquiscama ilhnic nat aclhamoclhojo asoc.

HEBREOS 1:10

Moc najan: Lhip Visqui, lhip nic nat apquillanay siclhoc anco as nalhpop. Lhip nic nat apquillanay netin.

HEBREOS 1:2

Quilhvoc actomjaclha nelha ningvamlha nac jay Dios aptomja appamejitquiscama Apquitca yoyam jingilingacsic appayvam. Apquillanac nic nat Dios aclhamoclhojo asoc, ayinyema apquillanesquiscama Apquitca. Apquiltamjoc Dios yoyam emiclha Apquitca aclhamoclhojo asoc.

HEBREOS 11:3

Nincoo mongyasquiyam actomja singyascasingvoyam actemaclha apquillanay nic nat Dios aclhamoclhojo asoc ayinyema appayvam. Asoc ningvitay quilhvo nac jay actomja allanomalhca ayinyema asoc mongvitay.

HEBREOS 3:4

Moclhama tingma apquillanomap ayinyema enlhit apquillanay. Dios eyca aptomja apquillanay aclhamoclhojo asoc.

2 SAN PEDRO 3:5

Am elyasamcoc as enlhitaoc actemaclha ilhnic nat netin. Najan actemaclha ilhnic nat nalhpop aptipquiscama yingmin Dios, ayinyema appayvam. Covanqueje am colhic yingmin as nalhpop.

1 SAN JUAN 1:1

Ningiltalhescasquic quellhip actemaclha aplhenamap siclhoc ayenmoclha nic nat, apvisay Apyimnatescama ingnenyic. Ninlingac nat nincoo appayvam. Ningvitac nat nincoo apyovoclhojo. Ningilanoc nat nincoo. Ningilpatningvocmoc nat nincoo.

EL APOCALIPSIS 10:6

Aptomjac alhta aplhena ángel yoyam colhejec acyascacmo. Aplhenquic alhta apvisay Dios aptomja apquilmilaneycaoc cotmongvoycamlha nelha. Aptomja apquilantipquiscama nic nat netin najan aclhamoclhojo aleyvam netin. Aptomja apquilantipquiscama nic nat as nalhpop najan aclhamoclhojo asoc aleyvam as nalhpop. Aptomja apquilantipquiscama nic nat yingmin acvanyam najan aclhamoclhojo asoc aleyvam nayingmin. Aptomjac alhta ángel: —Comascoc sat acvisay acnim najan acvisay alhtaa.

EL APOCALIPSIS 14:7

Apyimnatesquic alhta appayvam ángel, aptomjac alhta: —Elavojo sat Dios. Eltime sat apquilayo. Invocmec acnim nac jay yoyam elyicpilcojo Dios aplhamoclhojo enlhitaoc. Elpayicsojo sat quellhip Dios aptomja apquillanay nic nat netin najan nalhpop najan yingmin acvanyam najan aclhamoclhojo yingmin alinyajayam —alhta aptomjac ángel.

EL APOCALIPSIS 21:6

Aptomjac alhta seyanya mocjam: —Acpenasquic coo aclhamoclhojo asoc. Coo sicvisay malha ayenmoclha aclhamoclhojo asoc najan actomjaclha nelha. Acnim sat ancoc incajac enlhit, omquesic sat apyam mepqui acyanmongam, ayinyema actiyapmaclha yingmin actomja acyimnatescama ingnenyic.

EL APOCALIPSIS 22:13

Coo sicvisay siyimja emamyi najan siyimja alhayi, malha ayenmoclha najan actomjaclha nelha.

EL APOCALIPSIS 3:14

‘Aptomjac alhta mocjam seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Laodicea: “Eycaso appayvam aptomja apvisay Nasoc Anco, aptomja mepqui apyeycajascaoc aplhanma najan mepqui apmopvan amyaa, aptomja apvitaycamco apquilantipquiscama Dios aclhamoclhojo asoc:

EL APOCALIPSIS 4:11

Dios Visqui ingac, lhip aptomja apyimtalhnamo yoyam colhic ayaco lhip najan apmopvan. Ayinyemaclha lhip aptomja apquilantipquiscama aclhamoclhojo asoc. Lhip apmayjayoclha ayinyema alanomalhca as asoc —alhta apquiltomjac.