GALATAS 6:2 - Enhlit Bible

² Elpasim sat mataa poc naysicsa acyimtalhnama apvalhoc, actomja malha apquilpatam. Eycaso actomja yoyam onsovjongvomoc singanamaclha ayinyema Cristo.

GALATAS 6:2 Iomraidhean Croise

1 CRÓNICAS 19:12

Aptomjac nic nat Joab apcanya apyalhing Abisai: Apquilyimnatem sat ancoc co Siria, jepasingvota sat lhip. Apquilyimnatem sat ancoc amonitas, opasingvoclhac sat coo.

ÉXODO 23:5

Inyitnacmec sat ancoc yamelyeyjaycoc acpatmeycam acyimtalhnama. Noelyitnocja nasa apquillhinga. Elpasingvoclha sat aptoscama enlhit singinmelhaycam.

ISAÍAS 58:6

Jave sicyisponcama coo. Quip elaylhojo actemaclha sicyisponcama coo: Elmascos sat apquillingaycamco acmasom apnaymacoc quellhip, malha cadenas apquilpilhquetamap, eljalhyovas sat nanyetaoc enlhit apquilmomap, elpasim sat acyajapmo apquilvalhoc, elvatesquis sat apquiltemaclha apquilmomap apnaymacoc.

SAN MATEO 8:17

Invocmec alhta nelha aplhanmaclha ilhnic nat Isaías, profeta Dios aplingascama: “Appatmec Jesús mongilyimnatem najan acmasca ingyimpejic” —ilhnic nat intomjac appayvam.

SAN LUCAS 11:46

Aptomjac alhta apquilanya Jesús: —Quellhip najan layi, apquilyascamco apquiltemaclha. Colapvanqueje inyicje enlhitaoc elyiplovcasojo apquiltemaclha apancaoc quellhip. Quellhip eyca am colyacmoc elyiplovcasojo apquiltemaclha apancaoc —alhta aptomjac.

SAN JUAN 13:34

Pac olmesic quellhip singanamaclha alhnancoc: Elasicjacpojo nipyesicsa quellhip. Altamjoc coo yoyam elasicjacpojo nipyesicsa quellhip, acno coo silasicjayo mataa quellhip.

SAN JUAN 15:12

Eycaso actomja siyanamaclha coo: Elasicjacpojo nipyesicsa quellhip, acno coo silasicjayo mataa quellhip.

ROMANOS 15:1

Yitnec nincoo acyiviy mongyasquiyam. Incaymalhquic ongilpasmoc mataa ingyalhing acyitna ayitcoc meyasquiyam, malha coyimnatem mocjam apvalhoc. Incaymalhquic mongilmiyovsalhcoyc inganco.

ROMANOS 8:2

Actemaclha ayinyema Espíritu apanco Dios actomja acyimnatescama ingnenyaoc, ayinyema ninpasmeyquiclha Cristo Jesús. Eycaso actomja singilvomquiscama tap naysicsa ningyiplovquiscama actemaclha mongilyascalhma najan actemaclha ningitsepmaclha.

1 CORINTIOS 9:21

Movanquejec coo mepqui singanamaclha Dios, ayinyemaclha acyiplovcasquic singanamaclha Cristo. Acnec sat ancoc nipyesicsa metnaja judíos mepqui singanamaclha, otniclhac sat metnaja judío. Altamjoc olhamasiclha Jesucristo apmolhama nipyesicsa metnaja judíos.

GALATAS 6:5

Incaymalhquic moclhama ingyalhing epatmoc apanco apquilpatmeycam, acvisay acyimtalhnama ingilvalhoc.

DEUTERONOMIO 1:12

Movanquejec mataa elhapco osavojo siyanamaclha naysicsa apquiltemaclha apancaoc apquilinmelhamap quellhip.

1 TESALONICENSES 5:14

Quellhip ingilyalhinga. Ningiltamjoc ongilanic quellhip: Elane sat elilyejiclhojo apquiltomja melilyajayquiclho. Elyascasingvoclhojo sat apquiltomja apquilvatseycaoc yoyam elinlhanmojo. Elpasim sat apquiltomja melyimnatem. Eltamilsojo sat nipyesicsa aplhamoclhojo.

SANTIAGO 1:25

Am sat ancoc jingilvoncacmoc actemaclha ninlingay Dios appayvam. Ningilinlhanacmec sat ancoc ningyiplovquiscama singanamaclha, colhic sat singvoclho. Jingilvoncamejec sat actemaclha ninlingay. Ontimjic sat ningyiplovquiscama Dios appayvam. Copayjiclhac sat ingvalhoc naysicsa ningyiplovquiscama.

SANTIAGO 2:12

Collhen sat mataa apquilvalhoc lhama asoc naysicsa apquilpameteycam najan naysicsa apquiltamjaycam. Elyicpilcacpoc sat quellhip ayinyema singanamaclha actomja singmasma nincoo.

SANTIAGO 2:8

Nasoc sat ancoc quellhip elyiplovcasojo actemaclha singanamaclha ayimja amamyi: “Ingyasicjojo poc acno apcasicjamacpo apanco” —nic nat intomjac. Actamila sat cotnejic apquiltemaclha quellhip.

1 SAN PEDRO 2:24

Appatmeclhec alhta apanco Cristo mongilyascalhma. Apyipitsacpec alhta asoc timyescama acyiplomo appatam mongilyascalhma. Ingilvatescasquic alhta mongilyascalhma yoyam ongiltimjic ningilpeyvomo naysicsa ningileyvam. Innec alhta alyimsasa apyimpejic yoyam eltamalvomoc quellhip.

2 SAN PEDRO 2:21

Intasic alhta inyicje melyicpilcangvomoc amay acpeyvomo as enlhitaoc. Somco eyca apquilyicpilcangviyam siclho amay acpeyvomo, natamin eyca yoyam elvatsamcoc mocjam apcanamaclha Dios.

2 SAN PEDRO 3:2

Elyasingvoclhojo quellhip actemaclha apquillhanma ilhnic nat profetas Dios apquilyacyescama. Elyasingvoclhojo apcanamaclha Visqui ingac aptomja singvomquiscama tap. Eycaso apquiltomja apquillhicmoscama apóstoles apquilapajasomap nipyesicsa quellhip.

1 SAN JUAN 4:21

Eycaso singmescama singanamaclha Dios: Ningasicjavoc sat ancoc Dios, incaymalhquic najan lha ongasicjojo ingyalhing.