GALATAS 6:1 - Enhlit Bible

¹ Quellhip elyalhinga. Aplhinganacmec sat ancoc lhama ingyalhing, elyascasingvoclhojo sat quellhip apquiltomja apquilyiplovquiscama actemaclha ayinyema Espíritu apanco Dios. Eltamilsojo sat naysicsa apquilyascasingvayclho ingyalhing. Elavojo sat quellhip yoyam melsilhnanacpeje.

GALATAS 6:1 Iomraidhean Croise

2 SAMUEL 11:2

Actalhnam nic nat intomjac. Apquinmaclhec nic nat netin apvisqui David yoyam etyisam. Aptiyasam nic nat netin tingma, apvisqui tingma pac. Apvitac nic nat tap lhama quilvana acyapasa yingmin. Actamila ilhnic nat quilvana.

SALMOS 141:5

Aptasi nac enlhit appeyvomo seltamescama coo. Malha asoc masis intomjac appayvam seyascama coo. Motanovejec mataa seltamescama. Olmalhnesquisic sat mataa siclinga inlhojo seyascama coo.

EZEQUIEL 34:16

Osovjam sat sicnatoscama apquillhinganyam, yoyam onalovsingvoclhac. Otamilquiscomoc sat ayintem apmeoc (apmic), najan melyimnatem. Otamilsic sat apnamilay najan apquilyimnatem. Oyasamcojoc sat yavamlha otnejic — alhta aptomjac.

SAN MATEO 11:29

Elpatmiclha sat yispaoc ajac sicmescama quellhip, yoyam elyinyovacsic. Elyasingvom sat sictemaclha ajanco. Actamilaycam evalhoc najan cajamalhco evalhoc coo. Comascoc sat alyajapmo apquilvalhoc.

SAN MATEO 26:69

Apnacmec alhta Pedro coning tingma. Yejemoc alhta acvactamo quilvana, apvisqui sacerdote alancam. Intomjac alhta ayanya Pedro: —Lhip alhta najan aplhalhma Jesús co Galilea —alhta intomjac.

SAN MATEO 26:75

Yejemoc alhta apyasingveclho Pedro actomjaclha alhta Jesús appayvam aplhanma: “Yicpintama copayo tataa, natqui apyinimquiscama sat etnejic lhip melhanma sicvisay” —alhta aptomjac. Yejemoc alhta aptepa Pedro, avanjec alhta apvinama.

SAN MATEO 9:13

Elyasingvom quellhip actomjaclha aclhanma Dios appayvam actalhesomalhca: “Altamjoc coo elimlimojo quellhip. Am oltamjoc jelmesic asoc seyaycaoc” —nic nat intomjac appayvam. Am ovinam enlhit apquilpeyvomo, enlhit melyascalhma eyca pac ovinam, yoyam elyanmongsic apquilvalhoc —alhta aptomjac.

ROMANOS 14:1

Altamjoc oltimnacsic quellhip: Am sat ancoc coyimnaac apvalhoc aptimem meyasquiyam, elpasim sat mataa quellhip. Noelatingmap nasa ayinyema moclhama asoc apquillhanma quellhip.

ROMANOS 15:1

Yitnec nincoo acyiviy mongyasquiyam. Incaymalhquic ongilpasmoc mataa ingyalhing acyitna ayitcoc meyasquiyam, malha coyimnatem mocjam apvalhoc. Incaymalhquic mongilmiyovsalhcoyc inganco.

ROMANOS 8:6

Inlhenquic sat ancoc ingvalhoc nintemaclha inganco yoyam ongyiplovcasojo, coyiplovjoc sat ningitsepma. Inlhenquic sat ancoc ingvalhoc actemaclha ayinyema Espíritu apanco Dios yoyam ongyiplovcasojo, coyiplovjoc sat actimem acyimnatem ingnenyaoc najan actamilaycam ingilvalhoc.

1 CORINTIOS 10:12

Ninganayquic sat ancoc ongyimnac nintimem mongyasquiyam incaymalhquic ongavojo yoyam mongilsilhnanalhqueje.

1 CORINTIOS 14:37

Apnec sat ancoc aplingascama amyaa ayinyema Dios nipyesicsa quellhip. Apnec sat ancoc ingyalhing apna apvalhoc Espíritu apanco Dios. Incaymalhquic elyasamcojo silanama quellhip actomja singanamaclha Visqui ingac.

1 CORINTIOS 2:15

Apnec sat ancoc Espíritu Santo ingvalhoc ingac, ingvanquic ongilyasingvomoc aclhamoclhojo nintemaclha. Copvanquejec poc enlhit elyasamcojo nintemaclha nincoo, ayinyemaclha Espíritu Santo apna ingvalhoc ingac.

1 CORINTIOS 3:1

Quellhip elyalhinga. Am alhta ovanac yoyam olhicmocsic inyicje quellhip. Ayinyemaclha am colhenac apquilvalhoc asoc ayinyema Espíritu Santo. Inlhenquic apquilvalhoc quellhip acvamlha asoc apancaoc, malha sicaa ayitcoc colyasquiyam Cristo.

1 CORINTIOS 4:21

¿Jalhco sat otnejic coo ovoclhac nipyesicsa quellhip? ¿Pa ya oyanmongsiclhac apquiltemaclha quellhip? ¿Pa ya olasicjojo quellhip acyiplomo actamilaycam evalhoc? Paj inyicje.

1 CORINTIOS 7:5

Noyitnim nasa mocjay lhip. Nocoyitnim nasa mocjay lhiya. Apquiltamjoc sat ancoc etnejic acvoncaclhojo apquilmalhnancama, iltimnas sat aptava yoyam eytic aplhapco. Inquiltamjoc sat ancoc lhiya colmalhna acvoncaclhojo, coltimnas sat atava yoyam coytic inlhapco. Natamin iyitnatamojo sat mocjam lhama yoyam mesilhnanacpejec sat lhip najan colsilhnanalhqueje aptava. Ayinyemaclha yitnec mataa actemaclha ayitsepma ingnenyic ayinyema yavey Satanás yoyam jingilsilhnana.

2 CORINTIOS 10:1

Coo sicvisay Pablo. Altamjoc oltimnacsic quellhip sicpayvam. Inlhenquic evalhoc aptemaclha Cristo actemaclha actamilaycam apvalhoc. Pac olhnasojoc coo lha naysicsa siclhanma. Aclingac coo siclhenomalhca sictomja mepqui sicyimnatem naysicsa sicma nipyesicsa quellhip. Apquiltomjac alhta selhena: Aplhinquic sat ancoc mocjay poc tingma, coyiplovjoc sat apyimtalhnesomacpo apanco Pablo —nic alhta apquiltomjac selhena coo.

2 CORINTIOS 2:7

Elasicjiclhojo sat mocjam quellhip. Eltamilquisquim sat apvalhoc as ingyalhing yoyam coyangvomejec acyitnocjayo apvalhoc. Yoyam najan comasquingvomejec meyasquiyam.

2 CORINTIOS 2:8

Actomjac coo silanya quellhip: Elasicjiclhojo sat mocjam quellhip.

GALATAS 5:23

Najan actemaclha mepqui ningyimtalhnesomalhco inganco najan actemaclha ningiltamilcasomalhco inganco. Am coyitnac lhama singanamaclha yoyam conmelham as asoc.

GALATAS 6:18

Quellhip elyalhinga. Altamjoc coo yoyam ellhovac quellhip apcaycaoc ayinyema Jesucristo Visqui ingac. Eyimnaticsojoc sat apquilvalhoc. Amén.

1 TESALONICENSES 4:1

Quellhip ingilyalhinga. Ningiltamjoc nincoo ongiltimnasiclhojo quellhip naysicsa ninlhanma apvisay Visqui ingac Jesús: Elvajanaoc sat nintemaclha nincoo ningiltamilcasomalhco inganco yoyam eyispac Dios Ingyapam. Apquilvajanamquic quellhip quilhvo nac jay. Elinlhanmojo sat mocjam tap.

2 TESALONICENSES 3:15

Noeltimesquis nasa malha cotnaja ingmoc. Ellhicmos sat actamila, ayinyemaclha aptomja ingyalhing.

2 TIMOTEO 2:25

najan naysicsa aptamilquiscasquiclha apquilvalhoc enlhit apquiltomja apquillom. Apvanquic Dios eltimesquisic yoyam elyanmongsic apquilvalhoc as enlhitaoc. Yoyam najan elyicpilcangvomoc actomja nasoc anco.

HEBREOS 12:13

Elyiplov sat amay acpeyvomo. Coltamiliclhac sat apquillhingam apquilyateyaycam.

HEBREOS 13:3

Collhen apquilvalhoc quellhip ingilyalhinga apnaycam singilpilhtetomaclha, malha apquilmomap lhama quellhip. Collhen apquilvalhoc quellhip ingilyalhinga apquillingaycamco acmasca, malha apquillingaycamco lhama quellhip. Ayinyemaclha apquileyvec mocjam quellhip as nalhpop.

SANTIAGO 3:13

¿Apne ya lhama enlhit nipyesicsa quellhip aptomja apyascamco? Itascasojo sat lhip aptemaclha apyiplovquiscama najan aptemaclha aptamilcasomacpo apanco. Cotalhcac sat mepqui ayajamalhco apvalhoc lhip ayinyema aptemaclha apyascamco.

SANTIAGO 3:2

Ninlhinganyam innac ninlhamoclhojo. Am sat ancoc elhnanimcasac appayvam enlhit, eyca as aptomja appeyvomo. Apvanquic etamilsacpojo apanco apyovoclhojo.

1 SAN PEDRO 3:15

Collhen sat mataa apquilvalhoc Cristo aptomja Visqui ingac. Elpenacsojo sat elyasamcojo quellhip. Apquilmalhnacpec sat ancoc quellhip actemaclha melyasquiyam acyitna apquilvalhoc, elatingmojo sat mataa. Eltamilsojo sat apquilvalhoc naysicsa apquilatingmaycam.

1 SAN JUAN 5:16

Ningvitac sat ancoc ingyalhing naysicsa aptamongvaycmolhma, ongilmalhnesquisic sat Dios yoyam emascocsic. Apsilhnanacpec sat ancoc coyoyam etvasacpoc, comascosalhcac sat aptamongvaycmolhma. Apsilhnanacpec sat ancoc yoyam etvasacpoc, comascosalhquejec sat. Mongilmalhnesquisejec sat Dios yoyam emascocsic aptamongvaycmolhma ingyalhing aptomja apsilhnanomap yoyam etvasacpoc.