GALATAS 5:1 - Enhlit Bible

¹ Apmascosquic alhta Cristo actemaclha malha ningmomalhca. Ingilvatescasquic ningyiplovquiscama singanamaclha. Noeliltamjo nasa eliltimjic mocjam malha apquilmomap. Eltime sat mataa malha enlhit metnaja apquilmomap.

GALATAS 5:1 Iomraidhean Croise

SALMOS 51:12

Ipayesiclha sat mocjam evalhoc aptomja lhip sevomquiscama tap. Ingyane sat olyejiclhojo lhip apmayjayoclha ayinyema espíritu apanco.

PROVERBIOS 23:23

Itingya sat lhip actomja nasoc anco, actomja singyascasingviyam najan singiltamescama, najan actemaclha ningyascamco. ¡Noyinyov mataa lhip!

ISAÍAS 61:1

Aptomjac nic nat profeta aplingascama: Apnec evalhoc coo espíritu apanco Dios. Eyapajasquic alhta Dios nipyesicsa mepqui apquilnatam, olngacsic tasic amyaa. Nipyesicsa apquilmapyovseca, yoyam oltamilquiscomoc apquilvalhoc. Nipyesicsa apquilmomap, yoyam colhic acyamyeclho mocjam. Nipyesicsa apnaycam singilpilhtetomaclha, yoyam colhic acyamyeclho mocjam.

SAN MATEO 23:4

Apquillanac mataa moc nintemaclha, yoyam ongilyiplovcasojo. Yimtilhec anco as actemaclha malha apquilpatam. Apquililtamjoc mataa fariseos elpatimsic poc. Am eyca colyacmoc fariseos elpatmaoclha.

SAN LUCAS 5:38

Incaymalhquic ongilyatmoc moyayit uva yingmenic alhnancoc avalhoc asoyimpeoc alhnancaoc. Colyanquinalhquejec sat moyayit uva yingmenic. Colpalhejec sat asoyimpeoc.

LOS HECHOS 15:10

Quip elanojo. ¿Soctomja pa elyascomoc quellhip, yoyam elyipconic aptemaclha Dios? ¿Apquililtamjo ya quellhip elpatimsic moc nintemaclha, malha apquilpatam enlhit melyasquiyam tasic amyaa? Am nic nat colapvancaac ingilyapmayc elpatmaoclha. Mongvanquejec alhta nincoo lha ongilpatmaoclha.

ROMANOS 6:14

Inmasquec acna acmovan mongilyascalhma, malha avisqui alhta nipyesicsa quellhip. Inmasquec apquilyiplovquiscama quellhip singanamaclha Moisés. Apquillhocac quellhip Dios apcaycaoc.

ROMANOS 6:18

Inmasquec actomja apquilmomap quellhip ayinyema melyascalhma. Quilhvoc apquiltomja apquilyiplovquiscama actemaclha acpeyvomo.

ROMANOS 7:3

Inmaclhec sat ancoc poc enlhit naysicsa apma mocjam atava, cotvacsic sat actemaclha singilyimjapma. Apquitsepquic sat ancoc atava, comasquingvomoc sat aclhanma singanamaclha, yoyam coyipitcojo. Avanquic colyimjapiclha mocjam. Cotvacsejec sat actemaclha singilyimjapma.

ROMANOS 7:6

Inmasquec aclhanma singanamaclha yoyam ongilyejiclhojo, malha ningmomalhca alhta. Ayinyemaclha ningiltomja malha ningitsepmo lhama Cristo. Ingvanquic ongilanam Dios naysicsa nintemaclha alhnancoc ayinyema Espíritu Santo. Jave yoyam ongilanam Dios naysicsa ningyiplovquiscama singanamaclha actalhesomalhca nano.

ROMANOS 8:15

Apquillhocac alhta quellhip Espíritu apanco Dios. Am eltamjoc Espíritu apanco Dios yoyam elyiplovcasojo quellhip apquiltemaclha nano, malha apquilmomap naysicsa apquilay. Ingiltimescasquic nincoo yoyam ongiltimjic Dios apquitquic. Espíritu apanco Dios ayinyema apcanem ontimjic mataa: “Ingyapam nincoo”.

ROMANOS 8:2

Actemaclha ayinyema Espíritu apanco Dios actomja acyimnatescama ingnenyaoc, ayinyema ninpasmeyquiclha Cristo Jesús. Eycaso actomja singilvomquiscama tap naysicsa ningyiplovquiscama actemaclha mongilyascalhma najan actemaclha ningitsepmaclha.

1 CORINTIOS 15:58

Quellhip elyalhinga. Elinlhanmojo apquilyiplovquiscama. Noelvajaniclhojo nasa yoyam elsilhnana. Elpasmiclha sat mataa apquiltamjaycam ayinyema Visqui ingac. Apquilyasamcoc quellhip, jave alhto apquiltamjaycam quellhip apquilpasmeyquiclha Visqui ingac.

1 CORINTIOS 16:13

Elyiplovcasojo sat mataa, eltime sat malha apquilantiyapeyacmo. Elinlhanmojo quellhip naysicsa melyasquiyam. Eltamilsacpojo apanco quellhip. Elvascap sat mataa.

1 CORINTIOS 7:22

Enlhit aptomja malha apquilancam apmomap naysicsa apyanmonquiscama apvalhoc. Eyca as etnejic apquilancam aptiyapma yoyam elanam Visqui ingac. Enlhit metnaja alhta apquilancam apmomap naysicsa apyanmonquiscama apvalhoc. Eyca as aptomja malha apmomap ayinyema Cristo.

2 CORINTIOS 11:20

Apquilyispaquic mataa quellhip yoyam elmacpoc quellhip eltimjic apquilancam. Apquilyispaquic mataa quellhip apquilnatamomap asoc apancaoc, malha yoyam eltovacpoc quellhip. Apquilyispaquic mataa quellhip yoyam elhatmacpoc congne quellhip. Apquilyispaquic mataa quellhip apquilvinomap quellhip. Apquilyispaquic mataa quellhip alticpomalhca napaat.

2 CORINTIOS 3:17

Apno mataa poc, Dios Visqui ingac najan Espíritu apanco Dios. Apnec sat ancoc Espíritu apanco Dios Visqui ingac, comascoc sat actemaclha ningmomalhca.

GALATAS 2:4

Nasoc alhta apquilantalhningvactamo naysicsa ninganeyquiclhilha napocja ingilyalhinga apquilmopvan amyaa. Apquililtamjoc yoyam eltingyasquisic asoc monquinatquiscama apyimpeoc metnaja judíos. Apquilyilhacpoc alhta yoyam elyasamcojo actemaclha ningyamasma singanamaclha Moisés. Mongiltomja mocjam ningmomalhca ayinyema ninpasmeyquiclha Cristo Jesús. Apquililtamjoc alhta yoyam ongilyiplovcasojo actemaclha singanamaclha Moisés, yoyam ongiltimjic mocjam malha ningmomalhca.

GALATAS 3:25

Invocmec acnim yoyam mongilyascomoc Cristo. Inmasquec actomja singanem ongilyejiclhojo singanamaclha.

GALATAS 4:26

Metnaja apquilmomap co Jerusalén apyitna netin. Nincoo mongiltomja ningmomalhca ningilvisay co Jerusalén apyitna netin, aptomja malha meme ingac.

GALATAS 4:31

Quellhip elyalhinga. Jave nincoo ayitquic alancam acmomalhca. Nincoo ningiltomja ayitquic quilvana cotnaja acmomalhca.

GALATAS 4:9

Quilhvo eyca apquilyasingvocmec quellhip Dios Ingyapam. Moc ningiltimem: Dios Ingyapam aptomja apyicpilquemo apquiltemaclha quellhip. ¿Apvancaa ya quellhip elyiplovcasojo mocjam quilaycmasquiscama mepqui acmovan? ¿Apquililtamjo ya quellhip eltimjic mocjam malha apquilancam apquilmomap naysicsa apquilyiplovquiscama? Ayanayquic coo paj.

GALATAS 5:13

Quellhip elyalhinga. Dios aptomja apquilanama quellhip, malha apquevoycam yoyam eltimjic mepqui apquilmomap. Noelquinatquis nasa: Nocollhen nasa apquilvalhoc apquiltomja mepqui apquilmomap, yoyam elvajanamcoc mocjam ayitsepma apnenyaoc apquiltemaclha nano. Elpasim sat mataa poc nipyesicsa quellhip, naysicsa apquilyiplovquiscama actemaclha ningasicjayo.

EFESIOS 6:14

Elpenacsojo quellhip, malha yoyam elnapacpoc. Elyiplovcasojo actemaclha nasoc anco, malha apnatetem niplhita. Elyiplovcasojo actemaclha acpeyvomo, malha apquilajapquiscama apnenyaoc.

FILIPENSES 1:27

Ovoclhac sat lhaja nipyesicsa quellhip yoyam olviticlhac sat mocjam. Olhic sat lhaja mocjay yoyam olngac sat acvamlha apquilvisay. Elyasamcojo quellhip: Eltamilsacpojo apanco, elyiplovquis actemaclha singillhicmoscama tasic amyaa. Elyimnaticsojo sat apquilvalhoc. Elhnasojo sat moc apquilvalhoc. Elvascap sat quellhip elmeyvoc melyasquiyam ayinyema tasic amyaa, malha apquilnapomap sat eltimjic.

1 TESALONICENSES 3:8

Inpayjeclhec nincoo ingvalhoc ninglinga actemaclha apquilyiplovquiscama quellhip Visqui ingac, malha singilvoncayam actemaclha acyimtalhnamo.

2 TESALONICENSES 2:15

Quellhip ingilyalhinga. Elvascap sat apquilyiplovquiscama actemaclha ningillhicmoscama alhta najan actemaclha ningiltalhesquiscama quellhip.

HEBREOS 10:23

Ingilane sat ongilinlhanmojo ninlingascama apvisay Visqui ingac ningiltomja aljalhneycam ingvalhoc. Mejingilyinimsejec sat Dios actemaclha aplhanma actomja nasoc anco.

HEBREOS 3:14

Ningilinlhanacmec sat ancoc ningyiplovquiscama acvocmo actamongvomlha nelha naysicsa mongyasquiyam acyitna nincoo siclhoc anco, ongilpasmoc sat nincoo Cristo.

HEBREOS 3:6

Cristo aptomja Dios Apquitca najan aptomja apquilyajayquiclho. Cristo aptomja Apvisqui nipyesicsa apmolhama. Nincoo ningiltomja apmolhama. Incaymalhquic ongilinlhanmojo actemaclha mongyasquiyam najan actemaclha ningyiplovquiscama acvocmo actamongvomlha nelha. Incaymalhquic colpayjiclha ingilvalhoc naysicsa aljalhneycam ingilvalhoc.

HEBREOS 4:14

Jesús aptomja Dios Apquitca. Apnec nincoo Jesús aptomja Dios apquilancam apyimtalhnamo apanco, aptomja aptalhningvayclha apmaclha Dios. Incaymalhquic ongilinlhanmojo naysicsa ninlhanma apvisay.

1 SAN PEDRO 2:16

Naso, quellhip apquiltomja apquilvomsomap tap. Colapvanquejec quellhip elpocsic asoc almasomcaa naysicsa apquillhanma apquilvomsomap tap. Ayinyemaclha quellhip apquiltomja Dios apquilancam.

2 SAN PEDRO 2:19

Apquillhenquic mataa elvomoc tap apquiltomja apquilvajaneyquiclho. Am eyca elvocmoc tap as enlhitaoc naysicsa apquiltemaclha almasomcaa. Apquiltomja malha apquilancam apquilanyomap elilyejiclhojo apvisqui apancaoc.

SAN JUDAS 1:3

Quellhip elyalhinga. Altamjoc lha inyicje otalhosquisic quellhip actemaclha ningilvomsomalhquilha tap. Pilapcasquic aclhena evalhoc yoyam otalhosquisic quellhip moc actemaclha. Altamjoc coo elyasingvoclhojoc quellhip yoyam elinlhanmojo actemaclha mongyasquiyam, malha ningilnapomalhca ningmasma mongyasquiyam. Nincoo ningiltomja Dios apmolhama. Apquiltamjoc Dios ongmeyvoc mongyasquiyam malha yoyam ongilnapalhca.

EL APOCALIPSIS 2:25

Elinlhanmojo sat apquilyiplovquiscama quellhip asoc apquilyasingvoyam acvocmo acnim sicvoyctamlha sat.

EL APOCALIPSIS 3:3

Coyitnam sat apatic actemaclha aplhoy najan aplingay Dios appayvam. Iyiplovquis sat mataa, ilaniclha sat apvalhoc. Am sat ancoc elhaticjac lhip, cotlapsic sat ovota malha enlhit apminyilhma. Meyasamquejec sat lhip acvamlha hora yoyam ovota.