GALATAS 4:4 - Enhlit Bible

⁴ Invocmec alhta acnim yoyam ingyapajacsic as nalhpop Apquitca Dios Ingyapam. Intimcasquic alhta inquin. Apcanyacpec alhta Dios Apquitca elyejiclhojo singanamaclha najan eyiplovsic apquiltemaclha judíos.

GALATAS 4:4 Iomraidhean Croise

GÉNESIS 3:15

Otnesquisic sat nimisma ayinmelhmaclha quilvana. Otnesquisic sat nimisma ayitcaoc ayinmelhaclha quilvana atovana. Quilvana atavin etcamoc sat lhiya apcatic. Cotaclhic sat lhiya appajac quilvana atavin— nic nat aptomjac.

GÉNESIS 49:10

Copvanquejec lhama enlhit eyinyovsic apmaycam apmic memong yayem vajic. Evac sat actomja apancoc apanco memong yayem vajic. Elyejiclhojoc sat aplhamoclhojo enlhitaoc.

ISAÍAS 48:16

Elmiyama jilip quellhip, elaylhojo sicpayvam: Aclingasquic alhta as amyaa siclhoc anco. Pilapcasquic mataa acvitalhco sicmovan ajanco. Coo sicvisay Dios, sictimesquiscama apmopvan aptomja siyasinancama — alhta aptomjac Dios Apyimtalhnamo.

ISAÍAS 7:14

Visqui ingac sat conyemac asoc monquinatquiscama: —Quip elaylhojo. Inlovsoc sat cotnejic quilvana mepqui ayitcoc. Cotimsic sat ayitca apquinavo. Cotnejic sat apvisay Emanuel (ningiltimem: Dios singilpalhavoy).

JEREMÍAS 31:22

¿Co laa ayinyema alyasquiyam apquilvalhoc, acno acyasquiyam quilvana ayitca? Coo sicvisay Visqui, sictimesquiscama actemaclha alhnancoc as nalhpop, malha quilvana aljalhanma enlhit (quilvana comoc sat tacja atava) — alhta aptomjac Visqui ingac.

ZACARÍAS 6:12

Itne sat ingyanic maa: Eycaso appayvam Visqui ingac apyimtalhnamo: enlhit apvisay Retoño (apvisay David aptavin niptamin) etacpoc sat nipyesicsa maa, ellanac sat tingma apponquinomap.

MALAQUÍAS 3:1

Aptomjac alhta Dios Apyimtalhnamo: Ongvapajacsic sat soycam amyaa. Jelanesquisic sat amay yoyam oyacsic. Cotlapsic sat ovota sicvisay Visqui Sicyimtalhnamo payjoc tingma pac apponquinomap. Quellhip apquiljalhanma nano. Apquilhyacmec soycam amyaa Dios apcasinancama pacto apquiljalhanma quellhip — alhta aptomjac Dios.

NÚMEROS 28:22

Lhama yataay apquitcoc apmatnam, cotnejic sat malvatnama talha macmescama Dios acyanmongam melyascalhma.

SAN MATEO 1:23

Quip elanojo, inlovsoc sat cotnejic quilvana mepqui atava. Cotimsic sat ayitca apquinavo. Colhic sat actimesa apvisay Emanuel, ningiltimem nincoo Dios singilpalhavoy —nic nat intomjac appayvam.

SAN MATEO 3:15

Apcatingmavoc alhta Jesús: —Itne anco lhip, yoyam ongilyiplovcasojo actemaclha acpeyvomo —alhta aptomjac. Apquilyajaclhoc alhta Juan.

SAN MATEO 5:17

Aptomjac alhta mocjam Jesús: ‘Nocollhen nasa apquilvalhoc sicvoy coo, yoyam olvatesquisamcoc singanamaclha Moisés najan profetas apnatalhescama. Acvaac coo, yoyam osavojo sicyiplovquiscama actemaclha singanamaclha. Motvacsejec sat coo.

SAN MARCOS 1:15

Aptomjac alhta apquilanya Jesús: —Invocmec acnim, camquitvaac Dios apquilnancascama. Elyanmonquis apquilvalhoc quellhip. Noelyasquim nasa tasic amyaa —alhta aptomjac.

SAN LUCAS 1:31

Ca incolanojo, cotnejic sat inlovso lhiya. Cotimsic sat ayitca apquinavo. Cotnesquis sat apvisay JESUS.

SAN LUCAS 1:35

Apcatingmavoc alhta ángel Dios apcasinancama: —Evayventac sat Espíritu Santo tacjalhit lhiya. Cajapvotac sat lhiya Visqui netin apmopvan malha yipjopay. Eponquinacpoc sat sicaa aptiyacmo sat. Eltamjacpoc sat Dios Apquitca.

SAN LUCAS 2:7

Aptiyacmec alhta ayitca siclha acvitay apquinavo. Inpilhtitquic alhta apava. Acpicanvocmo alhta actoycamcolha mocnatoscama. Am alhta acnaclha ma congne apnaycamcaclha maycaa.

SAN LUCAS 20:44

Apquiltimec nic nat David Apvisqui Cristo. ¿Apvanqui ya Cristo etnejic David apquitca? —alhta aptomjac.

SAN JUAN 1:14

Enlhit apanco alhta aptomjaclhac apvisay Appayvam. Apnactac alhta ningyesicsa. Ningvitac alhta gloria aptamila apanco. Eycaso actomja gloria aptamila apanco Ingyapam Apquitca apvamlha pac lhama, am colhno moc gloria actamila anco. Inlanoc alhta apvalhoc singamliyam najan aptomja nasoc anco.

SAN JUAN 10:36

¿Soctomja apquilanya nac quellhip otipsic coo apvisay Dios Ingyapam? ¿Inlhoyqui laa siclhena lhac: Coo sictimem Dios Apquitca? Eponquincasquic coo Tata. Eyapajasquic coo as nalhpop.

SAN JUAN 3:16

Aptomjac alhta Jesús: ‘Avanjec anco acliclamo apvalhoc Dios enlhit lhalhma anco. Apcapajasquic alhta Apquitca apvamlha pac lhama, yoyam metvasacpejec sat moclhama aptomja melyasquiyam Apquitca. Colhic sat acyimnatem apnenyaoc cotmongvoycamlha nelha.

SAN JUAN 6:38

Netin coo ayinyemac. Motnejec coo sicmayjayo ajanco, sat eyca otnejic apmayjayoclha coo Tata aptomja seyapajascama.

SAN JUAN 8:42

Aptomjac alhta mocjam Jesús: —Nasoc sat ancoc quellhip apquiltomja apquilyap Dios, jelasicjojoc sat coo lha. Ayinyemaclha acvaac coo, siyinyema Dios Ingyapam. Jave sicvoy ajanco, Dios apvamlha pac lhama aptomja seyapajascama.

LOS HECHOS 1:7

Apcatingmavoc alhta Jesús: —Noeltamjo nasa quellhip elyasamcojo yoycamlha cotnejic asoc. Tata apna netin eyca apyasamco yoyam etnejic actemaclha aclhanma apvalhoc nano.

ROMANOS 15:8

Quip elaylhojo quellhip. Apvaac alhta Cristo yoyam epasmoc judíos. Apquiltamjoc alhta esavojo aplhanmaclha Dios actomja nasoc anco apquillhoy nic nat ningilyeyjamcaa. Apquiltamjoc alhta Cristo elhicmocsic aptemaclha Dios mepqui apyeycajascaoc aplhenaclha.

ROMANOS 5:6

Invocmec alhta acnim yoyam jingilvomsic tap nincoo Dios. Apquitsepquic alhta Cristo singyanmongam ningiltomja mongilyascalhma. Ayinyemaclha mongvanquejec alhta ongilmiyovalhcojo inganco.

ROMANOS 8:3

Am alhta covanac jingilvomsic tap singanamaclha Moisés. Ayinyemaclha nintemaclha inganco actomja ayinmelhaycam. Apvanquic alhta Dios jingilvomsic tap: Apcapajasquic alhta Apquitca ningyesicsa naysicsa ningyiplovquiscama mongilyascalhma. Aptomjaclhec alhta enlhit apanco, ningno nincoo. Apmascosquic alhta Cristo acmovan mongilyascalhma. Ayinyemaclha am eyiplovcasac mataa mongilyascalhma.

ROMANOS 9:5

Enaymacoc apquiltomja aptovana niptamin ningilyeyjamcaa apquilictingam apmamyi. Apvaac alhta Cristo aptomjayclho enlhit apanco nipyesicsa enaymacoc judíos. Cristo aptomja Visqui, malha Dios tacjalhit aclhamoclhojo asoc. Pac ontimjic mataa ningayo cotmongvoycamlha nelha. Amén.

EFESIOS 1:10

Invaac sat ancoc acnim, comoc sat aplhanmaclha Dios. Etnesquisic sat Apvisqui Cristo yoyam etnejic malha apquimja apmamyi asoc acnaycaoc netin najan asoc acnaycaoc nalhpop.

COLOSENSES 2:14

Yitnec alhta acnatalhesomalhca vaycajac actemaclha apquilsilhnanomap quellhip. Incaymalhquic alhta eticyoc quellhip acyanmongam apquilsilhnanomap. Apyaptec alhta as vaycajac Cristo apyipitsa netin asoc timyescama.

1 TIMOTEO 2:6

Apyinyovquic apanco acyimnatem apnenyic Jesucristo acyanmongam ningilvomsomalhca tap. Aplhenquic nic nat Dios acnim yoyam sat elvomsic tap aplhamoclhojo enlhitaoc.

1 TIMOTEO 3:16

Nasoc anco acyiviy actomja acyilhomalhca actemaclha mongyasquiyam: Apvaac nat Jesucristo aptomja enlhit apanco. Innec nat actimesa appeyvomo ayinyema Espíritu apanco Dios. Apquilvitac nat ángeles Dios apquilasinancama. Inlingasalhquic nat apvisay nipyesicsa enlhitaoc lhalhma anco. Am nat elyascacmoc enlhitaoc as nalhpop. Innec nat acmiyasiclho netin yoyam colhic ayaco ayinyema Dios.

HEBREOS 2:14

Apquiltomjacpec apquilvisay Dios apquitquic, ayinyemaclha apquilyovoclhojo innac enlhitaoc. Acno najan aptomjayclho apyovoclhojo Jesús, aptomjayclho enlhit apanco. Apmatnec sat ancoc Jesús, etvacsic sat acmovan yavey diablo actomja ningitsepma avisqui ac.

HEBREOS 9:10

Yitnec maa aclhamoclhojo actemaclha nintoycaoc najan actemaclha ningyinaycaoc najan actemaclha ningyapascama mataa yingmin. Comascoc sat aclhamoclhojo actemaclha, acvocmo sat acnim yoyam ongvita actamila anco actemaclha, am colhno siclhoc anco.

1 SAN JUAN 4:14

Ningvitac nat nincoo. Ninlingasquic nincoo as amyaa: Apcapajasquic nat Apquitca as nalhpop yoyam elvomsic tap enlhitaoc lhalhma anco.

1 SAN JUAN 4:2

Apvancaac quellhip elyicpilcojo enlhit apna apvalhoc Espíritu apanco Dios. Aplhenquic sat ancoc enlhit apvoya Jesucristo aptomja nat enlhit apanco. Eyca as apna apvalhoc Espíritu apanco Dios.