GALATAS 3:16 - Enhlit Bible

¹⁶ Aplhenquic nic nat Dios actomja nasoc anco, yoyam elmesic apcaycaoc Abraham najan aptavin niptamin. Am nic nat ellhenacpoc aplhamoclhojo “aptovana niptamin”. Aplhenacpec nic nat apvamlha lhama “aptavin niptamin”. Cristo ilhnic nat aplhenacpoc.

GALATAS 3:16 Iomraidhean Croise

GÉNESIS 12:3

Opasmoc sat mataa poc enlhitaoc apquiltomja apquilpayesayclha apvalhoc lhip. Apquilmapsomcaa sat otnesquisic enlhitaoc apquiltomja apquiltimesquiscama apmapsom lhip. Lhip sat conyemac acpayjayclha apquilvalhoc aplhamoclhojo enlhitaoc lhalhma anco.

GÉNESIS 12:7

Pilapcasquic nic nat apvitacpo Dios Apyimtalhnamo. Aptomjac nic nat Dios apcanya Abram: —Omquecsic sat lhip aptovana as yoclhilhma — nic nat aptomjac. Apquillanac nic nat Abram lhama apvatnamaclha actemaclha apmescamaclha asoc Dios Apyimtalhnamo. Ayinyemaclha apvitacpec nic nat maa Dios Apyimtalhnamo.

GÉNESIS 15:5

Apyantamacpec nic nat Abram tap tingma. Aptomjac nic nat Dios apcanya Abram: —Quip ilanojo netin. Ilyipsit sat apyov'a. ¿Apvanqui ya elyipsitic? Sat elhojoc lhip aptovana niptamin— nic nat aptomjac.

GÉNESIS 21:12

Aptomjac nic nat Dios apcanya Abraham: —Noncoyitnocjojo nasa apvalhoc aplinga aplhenamap apquitca najan inquin Agar. Ilyejiclhojo sat mataa actemaclha acpayvam Sara, Isaac inquin. Ayinyemaclha etac sat lhip aplhamoclhojo aptovana, Isaac sat elinyema.

GÉNESIS 49:10

Copvanquejec lhama enlhit eyinyovsic apmaycam apmic memong yayem vajic. Evac sat actomja apancoc apanco memong yayem vajic. Elyejiclhojoc sat aplhamoclhojo enlhitaoc.

SAN MATEO 1:1

Eycaso acnatalhesomalhca apquilvisay apquictingaycaoc apmamyi apquinyemayaclha Jesucristo. Abraham najan David aptovana niptamin nic nat Jesucristo.

SAN LUCAS 1:55

Innoc aptomja ilhnic nat aplhanma apcanyacpo ningilyeyjamcaa Abraham najan aptovana niptamin —alhta intomjac María.

LOS HECHOS 3:25

Quellhip apquiltomja profetas Dios apquillingascama apquitquic. Apquilmaycam quellhip pacto (aplhanmaclha nasoc anco) ayinyema Dios Ingyapam. Apquilmasquic nic nat ningilyeyjamcaa Dios Ingyapam. Aptomjac nic nat apcanyacpo Abraham: “Ellhovac sat altamila asoc aplhamoclhojo enlhitaoc lhalhma anco ayinyema lhip aptovana niptamin.”

ROMANOS 12:5

Innoc najan nincoo lha ningiltomja ningilpasmeyquiclha Cristo ningiltomja lhama ningyovoclhojo. Ningiltomja malha singilyipitsayclha ingmoc, acno alyiptetaclha alyipitcayo moc.

ROMANOS 4:13

Aplhenquic nic nat Dios actomja nasoc anco yoyam emquesic sat Abraham aclhamoclhojo asoc nalhpop. Yoyam najan elmesic aplhamoclhojo aptovana niptamin, malha ningillhoy ingilyap apquilnatam. Eycaso aplhanma ilhnic nat Dios ayinyema actemaclha meyasquiyam Abraham mepqui apyiplovquiscama singanamaclha. Aptimesacpec nic nat appeyvomo Abraham napato Dios.

ROMANOS 4:16

Nasoc anco as amyaa: Inlhenalhquic actemaclha mongyasquiyam najan actemaclha singamliyam ayinyema Dios. Eycaso aplhanma ilhnic nat Dios actomja nasoc anco yoyam elmesic aplhamoclhojo aptovana niptamin Abraham. Jave apquilvamlha yoyam ellhovac apquiltomja apquilyiplovquiscama singanamaclha. Eyca yoyam ellhovac aplhamoclhojo apquiltomja melyasquiyam, acno ilhnic nat actemaclha meyasquiyam Abraham. Eycaso ayinyema ningiltimem ingilyap Abraham.

ROMANOS 9:4

Eycaso enaymacoc apquiltomja Israel aptovana niptamin. Apquitquic nic nat aptomjac Dios. Yitnec nic nat nipyesicsa enaymacoc acvisay apmaclha Dios congne tingma apponquinomap. Apquillanac nic nat Dios asoc monquinatquiscama apmayjayoclha apanco actemaclha ningmiyovmalhquilha. Apquilmasquic nic nat singanamaclha Moisés. Yitnec nic nat mataa enaymacoc ninpayvam congne tingma apponquinomap. Apquilyasamcoc nic nat enaymacoc actemaclha aplhanma Dios actomja nasoc anco.

1 CORINTIOS 12:12

Cristo apyitsomacpo actemaclha ningyovoclhojo acyitna aclhamoclhojo actemaclha alyiptetaclha. Aclhamoclhojo alyiptetaclha actomja lhama ningyovoclhojo.

1 CORINTIOS 12:27

Quellhip aplhamoclhojo apquiltomja malha Cristo apyovoclhojo. Moclhama quellhip apquiltomja malha alyiptetaclha ayinyema apyovoclhojo Cristo.

2 CORINTIOS 11:22

¿Hebreos ya apquilvisay as enlhitaoc? Coo najan sicvisay hebreo. ¿Apquiltomja ya Israel apmolhama? Coo najan. ¿Apquiltomja ya Abraham aptovana niptamin? Coo najan.

GALATAS 3:19

Apquililtamjoc quellhip elyasamcojo: ¿Soctomja singanama nac Moisés yoyam ongilyiplovcasojo? Pac oltimnacsic quellhip: Intipquic nic nat singanamaclha, ayinyemaclha am nic nat elilyajaclhoc enlhitaoc apmayjayoclha Dios. Comascoc sat singanamaclha acvocmo sat acnim apvoy “aptavin niptamin”. Aplhanma ilhnic nat Dios actomja nasoc anco, yoyam evac sat. Elyasamcojo quellhip: Angeles nic nat ayinyema siclho singanamaclha Dios yoyam elngacsic Moisés nipyesicsa enlhitaoc.

GALATAS 3:8

Intomjac nic nat aclhanma Dios appayvam actalhesomalhca. Apquiltamjoc nic nat Dios yoyam eltimjic sat apquilpeyvomo enlhitaoc lhalhma anco ayinyema melyasquiyam. Eycaso aplhanma ilhnic nat Dios actomja nasoc anco. Aptomjac nic nat apcanya Abraham: “Opasmoc sat coo aplhamoclhojo enlhitaoc lhalhma anco ayinyema mejeyasquiyam lhip” —nic nat aptomjac Dios.

EFESIOS 5:32

Eycaso actomja asoc acyilhomalhca, aplhenacpo Cristo najan apmolhama.

COLOSENSES 2:19

Am elyiplovcasac as enlhitaoc apquilpasmeyquiclha Cristo, aptomja apquimja apmamyi. Aptomja apvanimquiscama apyovoclhojo. Apquilyimnatescasquic mataa apjajac najan alyiptetaclha. Coyimnac sat apyovoclhojo actemaclha apmayjayoclha Dios.

COLOSENSES 3:11

Melhenacpejec sat apvisay metnaja judíos najan apvisay judío apanco. Colhenalhquejec sat najan enlhit acyitna asoc monquinatquiscama najan enlhit mepqui asoc monquinatquiscama. Melhenacpejec sat enlhit metnaja nintemolhama najan enlhit nipvajac. Melhenacpejec sat aptomja apquimja apmamyi najan aptomja apquilancam. Elhenacpoc sat apvamlha Cristo. Quellhip eyca apquiltomja apquilyipitcayo.