GALATAS 3:11 - Enhlit Bible

¹¹ Nasoc anco, copvanquejec enlhit etnejic appeyvomo napato Dios ayinyema apyiplovquiscama singanamaclha. Ayinyemaclha intomjac Dios appayvam actalhesomalhca: “Enlhit aptomja appeyvomo napato Dios colhic sat acyimnatem apnenyic ayinyema meyasquiyam” —nic nat intomjac.

GALATAS 3:11 Iomraidhean Croise

1 REYES 8:46

Paj lhama enlhit mepqui apsilhnanomap apanco. Apvitac sat ancoc lhip actemaclha apquilsilhnanomap enlhitaoc, coyiplovjoc sat aplom lhip. Ingyanic sat lhip elmacpoc enlhitaoc Israel. Colhic sat acnalaclho cotnajaclha apquilaoclha acyitna ningato najan mocjay. Cotnaja ingmoc sat enalaclha.

JOB 42:6

Acmancaquic coo siclhanma sicpayvam. Naso, sicsilhnanomalhca ajanco, sicna coo netin lhopactic najan tajap — nic nat aptomjac Job.

JOB 9:3

Ningiltamjoc sat ancoc ongilatingmalhcac napato Dios, mongvanquejec ongilatingmojo lhama singilmalhnaycam, singilmalhneclho inlhojo mil actemaclha asoc.

SALMOS 143:2

Nolyipsit nasa acvamlha sicsilhnanomalhca ajanco. Paj lhama appeyvomo napato lhip.

SALMOS 19:12

¿Ningyasamco ya acvamlha ningilsilhnanomalhca inganco? Lhip Dios Visqui ingac, isavojo emascocsic actemaclha sicsilhnanomalhca ajanco.

ECLESIASTÉS 7:20

Naso, paj lhama enlhit as nalhpop aptomja appeyvomo apanco, mepqui inlhojo meyascalhma napato Dios.

ISAÍAS 53:6

Ningillhinganyam innac ninlhamoclhojo, malha nipquesic apquillhinganyam. Ningilyasquic mataa ningilyasaclha inganco. Aplingamcoc acmasca Dios apquilancam ayinyema nincoo mongilyascalhma, malha appatimquiscama acyimtalhnama Dios.

ISAÍAS 6:5

Actomjac alhta coo sicpayvam: —¡Coo layi! Coo sat laa ongvitsapoc. Sictomja enlhit cotamilaycam evalhoc. Sicma coo maa nipyesicsa enlhitaoc cotamilaycam apquilvalhoc. Pilapcasquic lhac sicvita Visqui ingac apyimtalhnamo — alhta actomjac coo.

ISAÍAS 64:6

Ningilyitsomalhca nincoo enlhit comasis apyimpejic napato lhip. Acyitsomalhca nintemaclha nincoo apava apjápac apaysacmo. Ningyitsomalhca nincoo yamit ava acpaliyam, actomja ayimposcay alhcajayam, naysicsa nintemaclha inganco acmasom.

HABACUC 2:4

Italhos sat maa: Apquilyimtalhnesacpec apanco enlhit apquilmapsomcaa. Elmiyovacpoc sat enlhitaoc melvatseycaoc, mepqui apquilyamasma Dios Apyimtalhnamo — nic nat aptomjac profeta.

ROMANOS 1:17

Ingillhicmosquic nincoo tasic amyaa actemaclha yoyam jingiltimesquisic ningilpeyvomo Dios ayinyema mongyasquiyam. Am colhenalhcac moc asoc, acvamlha lhama mongyasquiyam. Intomjac nic nat Dios appayvam actalhesomalhca: “Enlhit aptomja appeyvomo napato Dios colhic sat acyimnatem apnenyic ayinyema meyasquiyam” —nic nat intomjac.

GALATAS 2:16

Ningyasamcoc nincoo, copvanquejec enlhit etnejic appeyvomo napato Dios ayinyema apquilyiplovquiscama singanamaclha Moisés. Apvanquic enlhit etnejic appeyvomo napato Dios, apvamlha aptomja meyasquiyam Jesucristo. Am ongilyascacmoc nincoo lha Jesucristo actemaclha sintimesquiscama ningilpeyvomo napato Dios. Eycaso ayinyema mongyasquiyam, cotnaja ayinyema ningyiplovquiscama singanamaclha Moisés. Ayinyemaclha copvanquejec enlhit etnejic appeyvomo napato Dios ayinyema apquilyiplovquiscama singanamaclha Moisés.

HEBREOS 10:38

Coytic sat acyimnatem apnenyic ayinyema meyasquiyam enlhit actomja sictimesquiscama appeyvomo. Colquejec sat evalhoc sicvita inlhojo apquilvatseycaoc —nic nat aptomjac.

SANTIAGO 1:27

Eycaso actomja nintemaclha ningiltamilcasomalhco inganco acpeyvomo napato Dios Ingyapam. Apquiltamjoc ongimlimojo najan apquilyeyjeycam najan lhintampaa altomja alaymomalhca asoc. Apquiltamjoc yoyam mongilvajanamcoc apquiltemaclha enlhit lhalhma anco, actomja malha yoyam cotvasalhcac ingvalhoc.

SANTIAGO 3:2

Ninlhinganyam innac ninlhamoclhojo. Am sat ancoc elhnanimcasac appayvam enlhit, eyca as aptomja appeyvomo. Apvanquic etamilsacpojo apanco apyovoclhojo.

EL APOCALIPSIS 5:9

Apquilminaycmasquic alhta ningminaycmascama alhnancoc: Lhip aptomja apyimtalhnamo yoyam emoc as vaycajac macpilhyamcameycaoc. Yoyam najan elcoc malyipitquiscama vaycajac. Ayinyemaclha apmatnec alhta lhip. Inyinquinalhquic alhta em pac acyanmongam singilmam Dios. Apyanmoncasquic lhip enlhitaoc apnaycam lhalhma anco: aclhamoclhojo apquilmolhama, aclhamoclhojo cotnaja apquilpayvamo lhama, aclhamoclhojo apquilaoclha lhalhma anco.