GALATAS 2:9 - Enhlit Bible

⁹ Apquilyicpilcangvocmec alhta ingilyipmaa apquilimja apmamyi apquilvisay Jacobo najan Pedro najan Juan, actemaclha siyanyomalhca ayinyema Dios. Apquilmec alhta emic as ingilyipmaa, apquilmec alhta najan apmic Bernabé. Eycaso actemaclha alhta monquinatquiscama yoyam ongiltimjic sat ninpasmeyquiclha ningiltamjaycam. Nincoo yoyam ongiltamjam nipyesicsa metnaja judíos. Ingilyipmaa eyca yoyam eltamjam sat nipyesicsa judíos.

GALATAS 2:9 Iomraidhean Croise

2 REYES 10:15

Aplhinquic nic nat mocjam Jehú. Aptajanyac nic nat Jonadab, Recab apquitca, etnejic maycaa. Appayvasquic nic nat Jehú, aptomja apcanya: —Inlhenquic mataa evalhoc lhip. ¿Yitnec ya aclhanma apvalhoc lhip selhanma coo? — nic nat aptomjac. —Eje — nic nat aptomjac Jonadab. —Najo apmic — nic nat aptomjac Jehú. Appeyvasquic nic nat apmic Jonadab. Apcanyacpec nic nat etnejic aplhalhma ingyinamtic sat carro pac.

SAN MATEO 16:18

Actomjac coo siyanya lhip: Lhip nac apvisay Pedro, moc ningiltimem mataymong. Lhip aplhanma actemaclha meyasquiyam ningiltimem mataymong acvinatem. Eyca as netin mataymong acvinatem ollanac sat iglesia sicmolhama ajanco. Apquilyimnatem iglesia sicmolhama ajanco, am colhno acmovan ningitsepma.

SAN LUCAS 22:8

Aptomjac alhta Jesús apquilanya Pedro najan Juan: —Ellhing apquilmamyi. Elaningvoclha sat pascua apto —alhta aptomjac.

SAN JUAN 1:42

Yejemoc alhta apyantamaclho Andrés apyalhing apnaclha Jesús. Apquilanoc alhta Jesús, aptomja apcanya: —Lhip nac Simón, Jonás apquitca. Iltamjacpoc sat apvisay Cefas, apquiltimem Pedro, ningiltimem nincoo mataymong —alhta aptomjac.

LOS HECHOS 12:17

Vamlha apmic alhta aplhicmosac, yoyam elvanma. Yejemoc alhta apquiltimnamcaa actemaclha aptipquiscama Visqui ingac singilpilhtetomaclha. Aptomjac alhta apcanya: —Eliltimnas sat amyaa Jacobo najan ingilyalhinga —alhta aptomjac. Yejemoc alhta aptepa apyasa poc tingma (moc yoclhilhma).

LOS HECHOS 15:13

Lhama alhta apsovja apquiltimnaycam. Yejemoc alhta aptomja Jacobo apquilanya: —Elyalhinga, quip elaylhojo siltimnaycam:

LOS HECHOS 15:7

Avanjec alhta apquilpamesma poc. Yejemoc alhta apquinmaclho netin Pedro apquiltimnasamcaa: —Elyalhinga, apquilyasamcoc quellhip. Eyacyesquic coo siclhoc anco Dios Ingyapam nanoc alhta. Apquiltamjoc otnejic sicsoycam tasic amyaa nipyesicsa metnaja judíos, yoyam eltimjic melyasquiyam tasic amyaa.

LOS HECHOS 4:36

Apnec alhta lhama enlhit apvisay José. Levita alhta co Chipre acyayem inquilhe. Apquiltomjacpec alhta nipyesicsa apóstoles apquilapajasomap apvisay Bernabé, ningiltimem Aptamilquisquiyam Ingvalhoc.

ROMANOS 12:3

Eyasinaquic alhta Dios ayinyema seyasicjayo yoyam oltimnacsic quellhip: Noelyeycajangvomjo nasa actemaclha apquilyimtalhnamo quellhip. Elyipcon sat apquilvalhoc quellhip. Noelyeycajangvomjo nasa melyasquiyam acyitna quellhip ayinyema Dios.

ROMANOS 15:15

Actalhescasquic quellhip as vaycajac. Am oyilhnescacmoc sicpayvam yoyam elyasingvoclhojo quellhip moclhama nintemaclha. Ayinyemaclha aclhocac coo seyaycaoc ayinyema Dios.

1 CORINTIOS 15:10

Cotnejic ac maa actemaclha sicvisay lha. Dios aptomja seyimlaycmo coo. Cotnaja alhto seyimlaycmo alhta Dios. Avanjec alhta sictamjaycam, am colhno apquiltamjaycam enaymacoc apóstoles. Jave coo ayinyema sicmovan ajanco, Dios eyca ayinyema seyimlaycmo aptomja semquescama apmopvan.

2 CORINTIOS 11:5

Eyca as enlhitaoc cotnaja apóstoles apquilyimtalhnamo, am olhno coo.

2 CORINTIOS 12:11

Acnasoc lhac actemaclha appayvam acyeyjamelhma. Quellhip ayinyema seyanem otnejic. Incaymalhquic alhta inyicje eltimjic selayo. Nasoc lhaja moyimtalhnamo coo. Sicyimtalhnamo eyca coo, am jelhnoc as enlhitaoc apquiltamjamacpo apanco apóstoles.

2 CORINTIOS 8:4

Ingiltimnasquic alhta actemaclha aclhanma apquilvalhoc. Apquililtamjoc elapajasquisic solyayem yoyam elpasmoc Jesucristo apmolhama apnaycam tingma Jerusalén.

GALATAS 1:16

Apquiltamjoc alhta Dios jeyascasingvomoc aptemaclha Apquitca Cristo, yoyam otnejic siclingascama tasic amyaa nipyesicsa metnaja judíos. Yejemoc alhta silyajaclho. Am alhta oyoclhac lhama enlhit yoyam olpamejitsalhcojo.

GALATAS 1:18

Am alhta omyaclhac tingma Jerusalén acvocmo tres años. Natamin alhta sicmiyaclho maa. Acmiyaclhec alhta Pedro tingma pac yoyam oltimnasam. Acnec alhta acvocmo quince acnim.

GALATAS 2:1

Am alhta omyaclhac mocjam tingma Jerusalén acvocmo catorce años. Natamin alhta sicmiyaclho maa. Siclhalhma alhta actomjac ingyalhing Bernabé najan ingyalhing Tito.

GALATAS 2:2

Ellhicmosquic alhta Dios yoyam oyacsic tingma Jerusalén. Apcaneclhec alhta apquilimja apmamyi Jesucristo apmolhama. Altimnasquic alhta maa actemaclha alhta sillhicmoscama tasic amyaa nipyesicsa metnaja judíos. Altamjoc alhta oyasamcojo actemaclha sillhicmoscama alhta. Am alhta oltamjoc cotnejic alhto sillhicmoscama tasic amyaa.

GALATAS 6:3

Apyimtalhnesacpec sat ancoc apanco ingyalhing yoyam elyinimsam apnaymacoc. Eyca as ingyalhing aptomja apyinimsomap apanco.

EFESIOS 2:20

Quellhip apquiltomja malha tingma apquillanomap, apninquinaycaoc netin tingma apvojac apquillanay alhta apóstoles najan profetas Dios apquillingascama. Jesucristo eyca aptomja malha mataymong acyiviy tajescamaclha tingma apvojac.

EFESIOS 3:8

Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo.

COLOSENSES 1:29

Eycaso ayinyema sicvascapma mataa, malha silnapomalhca intomjac. Eyimnatasquic mataa apmopvan ayinyema Cristo.

1 TIMOTEO 3:15

Am sat ancoc ovanac quilhvo nac jay, yejemec sat ovoclha. Iyasamcojo sat lhip actemaclha nintamjaycam nipyesicsa Dios apmolhama. Ningiltimem iglesia Dios apmolhama. Dios aptomja mengyitsepma. Dios apmolhama apquiltomja apquilsoycam actomja nasoc anco, malha malanquiscama tingma, malha najan tingma apvojac.

1 SAN JUAN 1:3

Ninlingasquic nincoo nipyesicsa quellhip actemaclha ningvitay najan ninlingay nat nincoo. Ningiltamjoc eltimjic quellhip lhama ningilpasmeyquiclha nincoo. Acno nincoo ningiltomja ningilpasmeyquiclha Dios Ingyapam najan Apquitca Jesucristo.

EL APOCALIPSIS 3:12

Apyiplovcasquic sat ancoc enlhit, otnimsic sat congne Dios tingma apponquinomap as enlhit, malha ninginimquiscama yamit sat etnejic. Metyepejec sat mataa. Otalhocsic sat nicja yamit apvisay Dios najan apvisay tingma pac Dios. Apvisay Jerusalén tingma apjalhnancoc apquinyema netin, apquinyema apnaclha Dios. Otalhocsic sat alhnancoc sicvisay.