GALATAS 1:8 - Enhlit Bible

⁸ Ningillhicmosquic alhta tasic amyaa acpeyvomo. Apquillhicmosquic sat ancoc enlhit moc actemaclha tasic amyaa, am colhno actemaclha ningillhicmoscama alhta nincoo. Etvasacpoc sat as enlhit. Otvasalhcac sat coo lha, etvasacpoc sat najan ángel apquinyema netin, ningiltomja sat ningillhicmoscama moc actemaclha tasic amyaa.

GALATAS 1:8 Iomraidhean Croise

GÉNESIS 9:25

Aptomjac nic nat apcanya: ¡Apmapsom sat mataa etnejic Canaán! Apvennamap sat etnejic mataa nipyesicsa apmolhama— nic nat aptomjac Noé.

1 REYES 13:18

Apquilinlhanacmec nic nat profeta apvanyam, aptomja apcanya: —Coo najan sicvisay profeta, apno lhip lha. Aptomjac lhac seyanya ángel Dios apcasinancama, yoyam oyantemiclha lhip tingma ajac, etoc sat, eynic sat yingmin — lhac aptomjac — nic nat aptomjac apvanyam. Nasoc alhta apmopvan amyaa.

NEHEMÍAS 13:25

Ningilatingmalhquic alhta sicyimnatesa sicpayvam. Acticponquic alhta poc, sicmaycam ava apatong sicyinyovasa maa. Actomjac alhta silanya, yoyam ellhenic mepqui apquilyeycajascaoc napato Dios, meltimjic mocjam apipjaymayc najan aptapayc metnaja israelitas.

JEREMÍAS 23:16

Aptomjac mocjam Visqui ingac: Quellhip israelitas, noelyiplovcasojo nasa quellhip apquilpayvam as profetas, apquiltomja apquilmopvancaa amyaa, jave coo ayinyema apquillingascama apancaoc.

JEREMÍAS 23:36

Elvatsaoc sat quellhip apquilpayvam: asoc acyimtalhnama ayinyema Visqui ingac. Elngamcojoc sat quellhip acyimtalhnama, acyitna inlhojo mocjam apquilpayvam quellhip. Apquillhinganimcasquic quellhip appayvam ayinyema Dios apyimtalhnamo, aptomja Dios Visqui apancaoc apyimtalhnamo — alhta aptomjac.

SAN MATEO 25:41

‘Sat etnejic Apvisqui elanic enlhit apquilnescama nipsancalvelha: “Elyas mocjay quellhip apquilmapsomcaa. Elyas quellhip cosponeyaclha talha malanescama, yoyam colhnam mataa somquic quilyicjamo najan alasinancama ángeles apquilmapsomcaa.

SAN MARCOS 14:71

Yejemoc alhta apyimnatesa appayvam Pedro, acyimnavocmo appayvam: —Moyasamcoc coo as enlhit apquillhena nac lha —alhta aptomjac.

LOS HECHOS 23:14

Apquilyoclhec alhta apnamcaclha apquilimja apmamyi sacerdotes najan judíos apquilyimtalhnamo. Apquiltomjac alhta apquilanya: —Ningiltimescasquic nincoo nasoc anco ninpayvam. Montovejec sat nintom acvocmo ningajem Pablo —alhta apquiltomjac.

ROMANOS 16:17

Quellhip elyalhinga. Actomjac coo silanya quellhip: Elavojo quellhip ingilyalhinga apquiltomja apquilatingmoctamo najan apquiltomja apquilsilhnanoncama poc. Eycaso apquiltomja apquilinmelhaycam singillhicmoscama apquilyasingvoyam alhta quellhip. Noeltime nasa apquilpasmeyquiclha as enlhitaoc.

ROMANOS 9:3

Inlhenquic mataa evalhoc enaymacoc judíos apquiltomja sicmolhama. Evanquic sat ancoc omyoc enaymacoc acyanmongam seyamasma Cristo yoyam jetvacsic, altamjo inyicje otvasalhca acyanmongam enaymacoc.

1 CORINTIOS 12:3

Altamjoc coo yoyam elyasamcojo quellhip actemaclha ninlhanma ayinyema Espíritu Santo. Aptomjac sat ancoc enlhit: “Apmapsom nac Jesús”, eyca as appayvam cotnaja ayinyema Espíritu apanco Dios. Aptomjac sat ancoc enlhit: “Jesús aptomja Visqui ingac”, eyca as appayvam ayinyema Espíritu Santo.

1 CORINTIOS 16:22

Am sat ancoc colcac apvalhoc enlhit Jesucristo Visqui ingac, etvasacpoc sat. Lhip Visqui ingac, ingyilhyim.

GALATAS 1:9

Pac olhenic mocjam, acno siclhanma lhac: Apquillhicmosquic sat ancoc enlhit moc actemaclha tasic amyaa, am colhno actemaclha ningillhicmoscama alhta nincoo. Etvasacpoc sat as enlhit.

GALATAS 3:10

Enatovasacpoc sat moclhama enlhit aptomja apquilyiplovquiscama singanamaclha Moisés. Intomjac Dios appayvam actalhesomalhca: “Enatovasacpoc sat moclhama aptomja mesovjomo apquilyiplovquiscama singanamaclha” —nic nat intomjac.

GALATAS 3:13

Apyinyovquic acyanmongam Cristo aptomja singilvayclha. Mongnatovasalhquejec sat ayinyema singanamaclha. Ayinyemaclha aptovasacpec alhta Cristo nincoo singyanmongam. Ayinyemaclha intomjac nic nat Dios appayvam actalhesomalhca: “Etvacsic sat Dios moclhama enlhit apyipitsomap netin yamit” —nic nat intomjac.

TITO 3:10

Apnec sat ancoc Jesucristo apmolhama aptomja aptipquiscama mataa asoc acmasom, iltimnasiclhojo sat lhama najan mocjam lhama. Am sat ancoc elyajaclhoc, itipquis sat ingyalhing.

JOSUÉ 9:23

Quellhip ellingamcojoc acyimtalhnama, singiltimesaycam sat mataa cotmongvoycamlha nelha. Elyintilhvomoc sat mataa quellhip, elyajangvomoc sat mataa, actomja ayaymomalhca Dios tingma pac apponquinomap.

2 SAN PEDRO 2:14

Inquitsepquic mataa apnenyaoc apnaymacoc apquilano quilvanaa. Am coliclacmoc apquiltamongvaycmolhma. Apquilsilhnanaquic mataa poc yoyam elvajaniclhojo. Apquililtamjoc mataa ellhamasiclha solyayem apancaoc.

1 SAMUEL 26:19

Lhip visqui ingac, ingyeylhojo sicpayvam sicvisay silancam lhip: ¿Naso ya Dios apsilhnanimquiscama lhip yoyam jeyajic coo? Incaymalhquic ontingya asoc macmescama Dios. ¿Naso ya enlhit ayinyema apsilhnanomap lhip? Elngamcojoc sat acyimtalhnama apyanmongsayclha Dios. Actanovalhquic coo sictiyascam yoclhilhma actomja Dios apanco. Ayanyalhquic coo otnejic siyayo quilaycmasquiscama acyitsomalhca Dios.