GALATAS 1:6 - Enhlit Bible

⁶ Pilapcasquic coo siclinga amyaa apquilvatseycaoc quellhip melyasquiyam Dios. Aptomja alhta Dios apquilanama quellhip, malha apquilevoycam, ayinyema alhta apquimlaycmo Cristo. Pilapcasquic coo siclinga apquilyiplovquiscama quellhip moc actemaclha tasic amyaa.

GALATAS 1:6 Iomraidhean Croise

SALMOS 106:13

Inquilvoncacmec nic nat apmopvan aptamjaycam Dios. Am nic nat eliljalhnam elanojo yavamlha etnejic Visqui ingac.

ISAÍAS 29:13

Aptomjac alhta seyanya Visqui ingac: Aclingac inyicje apquilpayvam as enlhitaoc apquiltomja selayo, am eyca conyemac aclhanma apquilvalhoc coo. Alhto inyicje apcaneyquiclha as enlhit, ayinyema apquiltemaclha apancaoc enlhit, elvajanamcoc apquilpayvam.

SAN MARCOS 6:6

Pilapcasquic alhta anco aplinga Jesús apquilyasquiyam enlhitaoc. Aptiyasam alhta poc tingma lhalhma anco. Tasic amyaa alhta apquiltimnasac.

SAN JUAN 9:30

Apcatingmavoc alhta aptamalviyam: —Pilapcasquic coo siclinga actemaclha melyascaoc quellhip apquinyemaclha as enlhit. Nasoc anco aptomja selyapitcasquiclha ajataoc —alhta aptomjac.

LOS HECHOS 15:11

Montimjic nincoo. Mongilyascacmoc ningiltomja ningilvomsomalhca tap ayinyema singmescama Visqui ingac. Ningnoc nincoo lha metnaja judíos —alhta aptomjac Pedro.

ROMANOS 10:3

Am elyasamcoc actemaclha yoyam eltimjic apquilpeyvomo napato Dios. Apquililtamjoc eltimjic apquilpeyvomo ayinyema apquiltemaclha apancaoc. Am colyacmoc eltimjic apquilpeyvomo ayinyema Dios.

ROMANOS 5:2

Ingvanquic ongilyoclhojo Dios yoyam ongillhovac singaycaoc. Eycaso ayinyema mongyasquiyam Jesucristo. Yitnec nincoo quilhvo Dios singaycaoc. Inpayjeclhec nincoo ingvalhoc, ayinyemaclha acyitna aljalhneycam ingvalhoc yoyam ongilpasmoc sat gloria aptemaclha apyimtalhnamo Dios.

ROMANOS 8:28

Ningyasamcoc nincoo: Ningasicjavoc sat ancoc Dios, incaymalhquic jingilyascasingvomoc aclhamoclhojo asoc altamila actemaclha ningvitay. Ayinyemaclha nincoo ningiltomja ningilanyomalhca, malha singevoycam Dios. Eycaso actomja apmayjayoclha Dios.

ROMANOS 8:30

Ingilyacyesquic nincoo Dios siclhoc anco, aptomja singilanem malha singevoycam. Singilanem nincoo Dios siclhoc anco, aptomja najan singiltimesquiscama ningilpeyvomo. Ingiltimescasquic ningilpeyvomo Dios siclhoc anco, apquiltamjoc yoyam ongilpasmoc sat gloria aptemaclha apyimtalhnamo apanco.

1 CORINTIOS 4:15

Apnam sat ancoc aplhamoclhojo apquillhicmoscama nipyesicsa quellhip, am elhnam aplhamoclhojo apquiltomja malha apquilyap nipyesicsa quellhip ayinyema Cristo. Coo eyca apquiltomja malha apquilyap quellhip ayinyema melyasquiyam Jesucristo. Ayinyema najan siclingascama tasic amyaa nipyesicsa quellhip.

2 CORINTIOS 11:4

Ningiltimnasquic alhta quellhip apvisay Jesús. Apquillhocac alhta quellhip Espíritu Santo. Inquilmec alhta apquilvalhoc quellhip tasic amyaa. Apquililyajaclho inyicje quellhip apquilvita enlhit apyinimquiscama nipyesicsa quellhip, yoyam elngacsic apvisay poc Jesús, yoyam ellhovac quellhip poc Espíritu Santo, yoyam colmoc apquilvalhoc quellhip moc tasic amyaa.

2 CORINTIOS 2:17

Naso, apquilpayesquic mataa Dios appayvam napocja enlhitaoc, malha apquilyanmongsomap. Nincoo eyca am ongilyanmongsalhcac mataa. Ningiltimnasquic nincoo mataa Dios appayvam naysicsa actamilaycam ingvalhoc ningiltomja singilasinaycam Dios. Ningiltimnasquic mataa napato Dios ningiltomja ninpasmeyquiclha Cristo.

GALATAS 1:11

Quellhip elyalhinga. Altamjoc coo yoyam elyasamcojo quellhip. Jave ayinyema enlhit tasic amyaa actemaclha alhta sillhicmoscama quellhip.

GALATAS 1:15

Dios aptomja seponquinquiscama amamyi sictiyam, seyanem yoyam otnejic apquilancam ayinyema singasicjayo.

GALATAS 1:7

Acvamlha eyca lhama tasic amyaa. Am coyitnac moc actemaclha tasic amyaa. Eycaso apquiltemaclha apancaoc napocja enlhitaoc. Apquililtamjoc mataa ellhinganimsic quellhip najan elyinyovsic amyaa ayinyema Cristo.

GALATAS 2:14

Acvitac alhta apquiltemaclha melyiplovquiscama tasic amyaa actomja nasoc anco. Actomjac alhta coo siyanya Pedro napatavo aplhamoclhojo: “Judío nac lhip. Apvajanamquic lhip apquiltemaclha ingilyalhinga metnaja judíos. Am eyiplovcasac lhip apquiltemaclha ingilyipmaa judíos. ¿Soctomja aptomja nac lhip apcayo apquiltemaclha judíos? Apcanama lhip elvajanamcoc ingilyalhinga metnaja judíos” —alhta actomjac coo siyanya.

GALATAS 2:2

Ellhicmosquic alhta Dios yoyam oyacsic tingma Jerusalén. Apcaneclhec alhta apquilimja apmamyi Jesucristo apmolhama. Altimnasquic alhta maa actemaclha alhta sillhicmoscama tasic amyaa nipyesicsa metnaja judíos. Altamjoc alhta oyasamcojo actemaclha sillhicmoscama alhta. Am alhta oltamjoc cotnejic alhto sillhicmoscama tasic amyaa.

GALATAS 2:5

Am alhta eyca ongilyajaclhac nincoo as enlhitaoc. Ningvascapquic alhta ningmasma tasic amyaa actomja nasoc anco yoyam coytic sat mataa quellhip.

GALATAS 2:7

Apquilyicpilcangvocmec alhta actomja siyanyomalhca ayinyema Dios, oltimnacsic tasic amyaa nipyesicsa metnaja judíos. Apnoc najan Pedro aptomja apcanyomap ayinyema Dios eltimnacsic tasic amyaa nipyesicsa judíos.

GALATAS 5:14

Ingvanquic onsavojo singanamaclha naysicsa ningyiplovquiscama ayimja amamyi acvisay: “Ingyasicjojo sat poc, acno apcasicjamacpo apanco” —intomjac mataa singanamaclha.

GALATAS 5:4

Apquililtamjoc sat ancoc quellhip elyiplovcasojo apquiltemaclha judíos yoyam colhic altimesa apquilpeyvomo napato Dios, comascoc sat quellhip apquilpasmeyquiclha Cristo. Mongvityejec sat najan actemaclha singimlaycmo Dios.

2 TESALONICENSES 2:14

Dios aptomja apquilyacyescama quellhip, malha apquevoycam ayinyema tasic amyaa ningiltimnascama mataa quellhip. Apquiltamjoc yoyam elpasmoc quellhip Jesucristo Visqui ingac gloria aptemaclha apyimtalhnamo.

1 TIMOTEO 1:14

Avanjec anco seyimlayquiclho Visqui ingac, malha mongmovan onsavojo. Emcasquic alhta actemaclha moyasquiyam najan actemaclha siyasicjayo ayinyema sicpasmeyquiclha Cristo Jesús.

1 TIMOTEO 1:3

Naysicsa yoyam olhong alhta yoclhilhma Macedonia actomjac alhta siyanya lhip: Ilhniclha sat mocjam lhip as tingma Efeso. Imyov sat ellhicmocsic napocja enlhit moc actemaclha apquillhicmoscama yoyam elsilhnanac.

2 TIMOTEO 1:9

Ingilvomcasquic nincoo tap Dios. Ingilasinaquic nincoo Dios, malha singevoycam. Eycaso ayinyema apmayjayoclha Dios. Am conyemac asoc actamila nincoo. Yitnec nic nat apmayjayoclha Dios actemaclha yoyam jingilasina, amamyi yoyam ellanac as nalhpop. Jesucristo aptomja apsovjomo apmayjayoclha Dios.

2 TIMOTEO 2:1

Lhip Timoteo, malha sictamongvoyam. Itne sat lhip apyimnatem ayinyema singamliyam Dios. Ninpasmeyquiclha Jesucristo actomja singyimnatescama.

1 SAN PEDRO 1:15

Dios aptomja apquilyacyescama quellhip. Eltime sat quellhip mepqui apquiltamongvaycmo yoyam ellhojoc Dios aptomja mepqui aptamongvaycmo.

2 SAN PEDRO 1:3

Apmopvan innac Dios. Ingilmasquic aclhamoclhojo asoc alaymomalhca nincoo yoyam ongiltimjic nasoc anco ningilayo Dios. Ningilyicpilcangvocmec nincoo Dios aptomja apyimtalhnamo, aptomja singilanem ongilyoclhojo apnaclha.

EL APOCALIPSIS 22:21

Altamjoc coo yoyam epasmoc quellhip aplhamoclhojo Jesucristo Visqui ingac. Amén.