GALATAS 1:4 - Enhlit Bible

⁴ Apyinyovsomacpo apanco acyanmongam mongilyascalhma, ayinyema apmayjayoclha Dios Ingyapam. Aptomja singilvayclha ningiltomja ningileyvam naysicsa ayasomquilha as ningvamlha nac jay.

GALATAS 1:4 Iomraidhean Croise

SALMOS 40:8

Dios Visqui ajac. Pac oyiplovcasojo lhip apmayjayoclha. Yitnec evalhoc coo lhip singanamaclha.

ISAÍAS 65:17

Eycaso sicpayvam Dios: —Otnesquisic sat alhnancoc netin najan alhnancoc nalhpop. Colvoncomoc sat actemaclha siclho netin najan nalhpop. Coytejec sat mataa apatic enlhit actemaclha nano.

SAN MATEO 13:22

Poc enlhit eyca acyitsomalhco actic mayinayclha coning yammeyac. Apquillinga inyicje amyaa. Moc asoc eyca inquilvanatescacmoc amyaa: Asoc allhanma apquilvalhoc lhalhma anco najan acsilhnanoncama solyayem. Coylhejec acyilhna apquilvalhoc enlhit.

SAN MATEO 20:28

Acvaac coo sicvisay Sictiyam Sictomja Enlhit, yoyam olanam enlhitaoc. Am oltamjoc jelanam enlhit malha visqui. Altamjoc oyinyoc sicyimnatem acyanmongam aplhamoclhojo enlhitaoc —alhta aptomjac.

SAN MATEO 26:28

Eycaso actomja ema ajac, asoc monquinatquiscama apmayjayoclha Dios Ingyapam aplhanma alhnancoc. Ema ajac acyinquinomalhca, yoyam colmascosalhca melyascalhma aplhamoclhojo enlhitaoc.

SAN MATEO 26:42

Aplhingaclhec alhta mocjam. Apquilmalhnaclhec alhta mocjam: —Tata, apvanquic lhip aclhamoclhojo asoc. Am sat ancoc jeyeycajasac as asoc acmasca, oynic sat coo. Cotnejic sat actomja apmayjayoclha lhip —alhta aptomjac.

SAN MATEO 6:9

Eltime sat elilmalhnac actema nac jay: Ingyapam nincoo apna netin. Inponquinalhquic lhip apvisay.

SAN MARCOS 10:45

Sicvaa Sictiyam Sictomja Enlhit, jeyacmoc otnejic malancam. Sicvaa, yoyam olanam enaymacoc najan omatong acyanmongam aplhamoclhojo enlhit —alhta aptomjac.

SAN LUCAS 22:19

Apmec alhta quilpasmongam Jesús. Yejemoc alhta aptomja gracias Dios Ingyapam. Apyaptec alhta. Apquilmesquic alhta apquiltamsoycaoc. Aptomjac alhta apquilanya: —Eycaso actomja sicyovoclhojo, sicyinyovmalhca acyanmongam quellhip. Eltime sat mataa sictomjaclha nac aso, moncolvanama coo, (yoyam coytic apatic quellhip coo) —alhta aptomjac.

SAN LUCAS 22:42

Aptomjac alhta Jesús: —Tata, jeyeycajas as asoc acmasca, yoyam moynic. Jave eyca coo sicmayjayoclha ajanco. Cotnejic sat actomja apmayjayoclha lhip —alhta aptomja apquilmalhnancama.

SAN JUAN 10:11

Coo sictimem apquilancam nipquesic aptamalma. Apyinyovquic apanco acyimnatem apnenyic apquilancam nipquesic aptamalma acyanmongam apnatoscama nipquesic.

SAN JUAN 12:31

Quilhvoc olyicpilcojo apquiltemaclha enlhit lhalhma anco. Quilhvoc sat colhic actipsa avisqui ac as nalhpop.

SAN JUAN 5:30

Aptomjac alhta mocjam Jesús: —Movanqueje coo otnajam elhapco. Elhicmosquic mataa coo Tata actemaclha yoyam oyicpilcojo. Inpeyvoc mataa sicyicpilquemo. Am oyiplovcasac mataa actomja sicmayjayoclha ajanco. Acyiplovcasquic mataa actomja apmayjayoclha coo Tata aptomja seyapajascama.

SAN JUAN 6:38

Netin coo ayinyemac. Motnejec coo sicmayjayo ajanco, sat eyca otnejic apmayjayoclha coo Tata aptomja seyapajascama.

ROMANOS 12:2

Noelvajanaoc nasa apquiltemaclha enlhitaoc lhalhma anco. Elyanmonquis apquilvalhoc quellhip yoyam cotnejic alhnancoc actemaclha apquilvalhoc. Elyasingvomoc sat quellhip actemaclha apmayjayoclha Dios. Elyasingvomoc sat actemaclha actamila napato Dios najan actemaclha apyisponcama najan actemaclha acpeyvomo.

ROMANOS 4:25

Apyinyovacpec alhta Jesús yoyam ematong acyanmongam mongilyascalhma. Aplhaticjascacmec alhta Dios yoyam colhic sintimesa ningilpeyvomo napato Dios.

ROMANOS 8:27

Apyasamcoc Dios aclhamoclhojo actemaclha ingilvalhoc ingac. Apyasamcoc Dios actemaclha aclheneycam apvalhoc Espíritu apanco. Eycaso actemaclha apmayjayoclha Dios yoyam elmalhnesquisic Espíritu apanco apquiltomja Dios apquilyacyescama.

ROMANOS 8:3

Am alhta covanac jingilvomsic tap singanamaclha Moisés. Ayinyemaclha nintemaclha inganco actomja ayinmelhaycam. Apvanquic alhta Dios jingilvomsic tap: Apcapajasquic alhta Apquitca ningyesicsa naysicsa ningyiplovquiscama mongilyascalhma. Aptomjaclhec alhta enlhit apanco, ningno nincoo. Apmascosquic alhta Cristo acmovan mongilyascalhma. Ayinyemaclha am eyiplovcasac mataa mongilyascalhma.

ROMANOS 8:32

Am alhta emyavac Apquitca apanco Dios. Apyinyovquic alhta Apquitca yoyam ematong singyanmongam nincoo. Apcapajasquic alhta Apquitca ningyesicsa, malha singmescama. Yiplovcoc singmescama aclhamoclhojo asoc.

1 CORINTIOS 15:3

Altimnasquic alhta quellhip tasic amyaa siclhoy emamyi alhta coo: Actemaclha apquitsepma alhta Cristo acyanmongam mongilyascalhma, acno aclhanma Dios appayvam actalhesomalhca.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

GALATAS 2:20

Malha siyitsepma lhama alhta Cristo asoc timyescama. Inmasquec actemaclha evalhoc nano. Cristo apnac evalhoc quilhvo. Yitnec coo acyimnatem enquenyic ayinyema moyasquiyam Dios Apquitca. Ayinyemaclha eyasicjavoc Dios Apquitca, apyinyovsomacpo apanco seyanmongam coo.

GALATAS 6:14

Am oyimtalhnesalhco ajanco. Inlhenquic mataa evalhoc apquitsepma netin asoc timyescama Visqui ingac Jesucristo. Mopasmejec sat mataa apquiltemaclha enlhit lhalhma anco, malha siyitsepma actomjac coo. Inmasquingvocmec najan apquiltemaclha enlhit lhalhma anco movanquejec mataa opasmoc.

EFESIOS 1:11

Nincoo ningiltomja ninpasmeyquiclha Cristo. Ayinyemaclha Dios aptomja singilyacyescama siclhoc anco yoyam ongillhovac asoc singaycaoc. Eycaso appenescamo ilhnic nat aclhanma apvalhoc Dios. Aptimec mataa Dios actemaclha apquiltamjoclha etnejic.

EFESIOS 2:2

Apquilvajanamquic alhta quellhip apquiltemaclha enlhitaoc lhalhma anco. Apquilyajaclhoc alhta quellhip actemaclha somquic quilyicjamo. Acmovan innac somquic quilyicjamo actomja mocjam avisqui nipyesicsa enlhitaoc apquiltomja melilyajayquiclho Dios appayvam.

EFESIOS 5:16

Elyintamap quellhip as ningvamlha nac jay, ayinyemaclha yimtilhec ningileyvam aclhamoclhojo acnim.

EFESIOS 5:2

Elyiplovcasojo actemaclha ningasicjayo. Ayinyemaclha ingilasicjavoc nincoo Cristo. Apyinyovsomacpo apanco singyanmongam nincoo, malha macmescama Dios actemaclha apyisponcama.

EFESIOS 6:12

Am ongilnapalhcac nincoo mataa enlhit. Ningilnapalhquic nincoo singinmelhaycam acmovan mongvitay najan singinmelhaycam actomja alyimtalhnamo naysicsa yatescamalhma as nalhpop najan singinmelhaycam quilyicjamo almasomcaa acnaycam tecjinlhit.

FILIPENSES 4:20

Sas, tasic anco. Innec ayaco mataa Dios Ingyapam cotmongvoycamlha nelha. Amén.

1 TESALONICENSES 1:3

Inlhenquic mataa ingilvalhoc napato Dios Ingyapam actemaclha apquiltamjaycam quellhip ayinyema melyasquiyam. Najan actemaclha apquiltamjaycam quellhip ayinyema apquilasicjayo. Najan actemaclha apquilinlhanyam quellhip ayinyema aljalhneycam apquilvalhoc Jesucristo Visqui ingac.

1 TESALONICENSES 3:11

Ningiltamjoc yoyam jingnaliclhac nipyesicsa quellhip Dios Ingyapam najan Jesucristo Visqui ingac.

1 TESALONICENSES 3:13

Ningiltamjoc najan yoyam elyimnatesquisic apquilvalhoc Visqui ingac. Yoyam eltimjic quellhip apquilponquinomap najan mepqui apquilsilhnanomap napato Dios Ingyapam naysicsa apvoycta sat Jesucristo Visqui ingac najan apquillhalhmaa.

2 TESALONICENSES 2:16

Jesucristo Visqui ingac najan Dios Ingyapam aptomja singilasicjayo nincoo. Dios singaycaoc ayinyema ningillhoy acpayjayclha ingvalhoc cotmongvoycamlha nelha najan aljalhneycam ingvalhoc actamila.

1 TIMOTEO 2:6

Apyinyovquic apanco acyimnatem apnenyic Jesucristo acyanmongam ningilvomsomalhca tap. Aplhenquic nic nat Dios acnim yoyam sat elvomsic tap aplhamoclhojo enlhitaoc.

TITO 2:14

Apyinyovsomacpo apanco yoyam ematong singyanmongam nincoo. Yoyam jingilvomsic tap naysicsa asoc almasomcaa. Yoyam ongiltimjic ningilalhnayo mepqui ningmasom. Yoyam ongiltimjic apquitquic yoyam ongilyiplovcasojoc actemaclha actamila.

HEBREOS 2:5

Inlhenalhquic Dios apquilnancascama yoyam covac sat. Am alhta eltimescasac Dios yoyam eltimjic apquilviscaa ángeles.

HEBREOS 6:5

ninlingac sat ancoc actamila Dios appayvam, ninlingamcoc sat ancoc acmovan ayinyema ningileyvomaclha yoyam covac sat, ningilvatsamquic sat ancoc ningyiplovquiscama,

HEBREOS 9:14

Acyiviy acmovan em pac Cristo, am colhnoc acmovan ema ac asoc acticyovam. Apmesacpec alhta apanco Cristo actemaclha macmescama Dios actomja actamila anco. Eycaso ayinyema apmopvan Espíritu Santo apquilmilaneycaoc. Cristo em pac actomja ayalhnascama ingvalhoc najan acmascoscama actemaclha ingvalhoc nano. Ingvanquic sat ongilanam Dios aptomja apquilmilaneycaoc.

SANTIAGO 4:4

¿Apquillinga ya quellhip? ¡Enlhit apquilmapsomcaa nac quellhip! Ningyispaquic sat ancoc apquiltemaclha enlhit lhalhma anco, mongvanquejec ongilasicjojo Dios Ingyapam. Ningiltimec sat ancoc ingnaymacoc enlhit lhalhma anco yoyam ongilvajaniclhojo apquiltemaclha, natamin jintimjic nincoo metnaja apnaymacoc Dios Ingyapam.

1 SAN PEDRO 2:24

Appatmeclhec alhta apanco Cristo mongilyascalhma. Apyipitsacpec alhta asoc timyescama acyiplomo appatam mongilyascalhma. Ingilvatescasquic alhta mongilyascalhma yoyam ongiltimjic ningilpeyvomo naysicsa ningileyvam. Innec alhta alyimsasa apyimpejic yoyam eltamalvomoc quellhip.

1 SAN PEDRO 3:18

Ayinyemaclha Cristo aplingamco alhta apmatnam acyanmongam mongilyascalhma nincoo. Apvamlha lhama apmatnam, paj moc yoyam ematong mocjam. Appeyvomo apanco alhta Cristo. Apmatnec alhta singyanmongam ningiltomja ningilmasomcaa yoyam jingnalaclha apnaclha Dios. Apquitsepquic alhta apyovoclhojo. Espíritu Santo aptomja apyimnatescama apjangaoc Cristo.

1 SAN JUAN 2:2

Apyinyovacpec Jesucristo aptomja macmescama Dios acyanmongam mongilyascalhma. Jave acvamlha acyanmongam mongilyascalhma nincoo. Najan lha acyanmongam melyascalhma enlhitaoc lhalhma anco.

1 SAN JUAN 3:16

Ningyicpilcangvocmec actemaclha singasicjayo Jesucristo. Apyinyovquic acyimnatem apnenyic singyanmongam nincoo. Incaymalhquic nincoo lha ongyinyoc acyimnatem ingnenyaoc acyanmongam ingilyalhinga.

EL APOCALIPSIS 1:5

Altamjoc yoyam ellhovac quellhip apcaycaoc ayinyema Jesucristo. Aptomja aplingascama amyaa appeyvomo mepqui apyeycajascaoc aplhanma. Aptomja aplhaticjangviyam apmamyi nipyesicsa apquilmasquingvaycmo. Aptomja Apvisqui tacjaplhit apquilviscaa lhalhma anco as nalhpop. Cristo aptomja singasicjayo, aptomja apmascoscama mongilyascalhma ayinyema apquitsepma singyanmongam.

EL APOCALIPSIS 5:9

Apquilminaycmasquic alhta ningminaycmascama alhnancoc: Lhip aptomja apyimtalhnamo yoyam emoc as vaycajac macpilhyamcameycaoc. Yoyam najan elcoc malyipitquiscama vaycajac. Ayinyemaclha apmatnec alhta lhip. Inyinquinalhquic alhta em pac acyanmongam singilmam Dios. Apyanmoncasquic lhip enlhitaoc apnaycam lhalhma anco: aclhamoclhojo apquilmolhama, aclhamoclhojo cotnaja apquilpayvamo lhama, aclhamoclhojo apquilaoclha lhalhma anco.

EL APOCALIPSIS 7:9

Natamin as asoc acvitac alhta enlhit appintalhnama apquilinyema lhalhma anco, mongmovan ongilyipsitic. Apquilinyema aclhamoclhojo apquilaoclha najan aclhamoclhojo apquilmolhama najan aclhamoclhojo cotnaja ninpayvamo lhama. Apcanam alhta acyitnaclha Visqui aptajanem najan apyancaclha Nipquesic Apquitcoc. Apquilmopoy alhta apquilantalhnama. Yatipaang actingaoc alhta apquilmaycam.